Ri Daniel 7:4 - Quiché Bible

⁴ Ri nabe je ta ne u banic jun coj, e c'o c'u u xic' re cot. Nu yo'm c'u nu wäch che u ca'yexic, xebok ri u xic', xtac'abax cho ri ulew xtac'abax paquiwi' ri quieb rakan, xtac'abaxic jacha' jun achi, xq'uextaj c'u ri u chomabal xux jacha' ri u chomabal jun winak.

Ri Daniel 7:4 ပူးပေါင်းရင်းမြစ်များ

Ucab Samuel 1:23

Ri Saul xukuje' ri Jonatan, ri sibalaj quebajwaxic, mawi aretak e c'aslic mawi aretak e cäminak chic xquitas ta quib. ¡Ri e c'o na ri qui rapinic chquiwäch ri cot! ¡Ri c'o na ri qui chuk'ab chquiwäch ri coj!

Ri Job 25:6

¡e ta c'u lo ri winak; we xjut ri' ri man c'o ta jas cac'am che!”

Salmib 9:20

Ajawaxel, chya' la xe'n ib chque; ¡chbana' la chi cäquetamaj chi xak e winak!

Ri Jeremiy 25:38

Xel ulok jacha' jun coj pa ri u c'olbal are c'u ri culew xetzeletaj canok, xnicow c'ut ri royowal ri Ajawaxel xutak c'u ulok jun xibibalalaj ch'o'j.

Ri Jeremiy 4:13

Chiwila', ri c'ulel canakajinic jacha' jun sutz', ri e u carwaj re ch'o'j e je ta ne qui banic jun ulrakan, ri qui quiej tak aninak na quexiq'uin chquiwäch tak ri cot. ¡Tok'ob ka wäch, uj ch'äcatajinak!

Ri Jeremiy 4:7

Ri coj elinak ulok chupam ri u c'olbal, ri cusachisaj qui wäch ri nimak tak tinimit petinak; elinak ulok pa ri u jekelibal che u sachisaxic u wäch ri awulew, che qui tolobaxic xukuje' qui yojixic tak ri e a tinimit.

Ri Jeremiy 48:40

Ri Ajawaxel je cubij wa': “Ri u c'ulel ri Moab cuq'uiak rib chrij jacha' jun cot ri e u liq'uiq'uem ri e u xic'.

Ri Jeremiy 49:19

Xäk c'ätetal quinpe na, jacha' jun coj ri quel ulok chquipam tak ri patzapak tak k'ayes ri e c'o chuchi' ri Jordan cuq'uiak c'u rib pa tak ri c'olbal ri e c'o wi echa' ri amak'el quetojtatic, quinban c'u na chi quebanimaj ri aj Edom ri e c'o chi', quinban c'u na chi are cajawin na ri winak ri quincha' na. ¿Jachin ta c'ut ri cäcuinic ri cujunamaj ta rib wuc'? ¿Jachin ta ri cäcuinic quinuc'ulelaj taj? ¿Jachin ta ri yuk'unel ri cäcuin ta che u k'atixic nu wäch?

Juyuwem 4:19

C'o na ri canibal chquiwäch tak ri cot ri querapin cho ri caj ri uj okataninak; cuj qui terenej pa kakan pa tak ri juyub, ¡quequicoj c'amibal chkawäch pa ri chaki'j uwo sak!

Ri Ezequiel 17:3

Chabij chque: ‘Are wa' ri cubij ri Ajawaxel: Xopan jun nimalaj cot pa ri Libano; ri e u xic' sibalaj e nimak sibalaj naj quetake wi, ch'ukutajinak rij cumal rismal ri sibalaj e q'ui qui queca'yic. Xuch'ap rib che ri u k'ab jun chacalte'.

Ri Ezequiel 28:2

“At, winak, chabij che ri ajawinel re Tir: ‘Are wa' ri cubij ri Ajawaxel: Ri awanima' xnoj che u banic nimal, are' c'u pa a c'u'x chi at jun dios ri t'uyul chupam ri qui tem re ajawibal ri diosib sutim awij rumal ri plo. Man at ta c'ut jun dios xane' at jun winak ri cuchomaj rib chi c'o ri u c'oxomanic jun dios ruc'.

Ri Ezequiel 28:9

¿La catakej ta c'u na u chomaxic chi at jun dios aretak at c'o chquiwäch ri a c'ulel? ¡Pa qui k'ab ri catcämisanic man c'o ta c'u jas a banic xak at jun apachique winak!

Ri Daniel 2:38

Xukuje' ri ajawinic conojel c'olbal ri e jekel wi winak, awaj xukuje' chicop ri e c'o qui xic'; are' u yo'm ronojel chuxe' ri takanic la, are c'u jolomaj wa' re k'an puak.

Ri Daniel 4:36

Kas pa ri jok'otaj ri' xtzelej ulok ri nu no'j pa ri u c'olbal, ri u juluwem ri wajawinic, ri u nimalil ri nu k'ij xukuje' ri nu nimalil. Ri e ya'l tak nu no'j xukuje' ri nimak tak qui banic ri e c'o pa ri wajawibal xepe che nu tzucuxic, xinchaplej chi c'u takanic puwi' ri nu nim tinimit, are c'u nim chi na ri takanic ri xc'oji' chi na pa nu k'ab chuwäch ri xc'oji' can wuc' nabe.

Ri Daniel 7:12

Xukuje' ri niq'uiaj xibibalalaj tak awaj chic xebesax ri qui cuinem, xec'asbax canok c'ä xopan na ri qui jok'otaj.

Ri Daniel 7:5

Ri ucab je ta ne u banic jun os, c'o na ri u nimal ri juperaj chuwäch ri juperaj chic, e u cayem c'u oxib c'alc'a'x; xinta' c'ut cäbix che: ‘¡Jät, jatija' ronojel ri ti'j ri catcuin che u tijic!’

Ri Matey 24:28

Apawije' ta c'u ne c'o wi jun cäminak cuerp, chila' cäquimulij wi na quib ri c'uch.”

U Camulixic ri Pixab 28:49

Kas pa ri ulew ri sibalaj naj c'o wi cho ri uwächulew, ri Ajawaxel cutak na ulok chawij jun nim tinimit ri man aweta'm ta ri qui ch'abal, quepe na ruc' aninakil jacha' ri raninakil jun cot ri cärapapic;

Apocalipsis 13:2

Ri awaj ri xinwilo, are junam ruc' jun balam, ri rakan je jas ri rakan ri os, ri u pa u chi' je jas ri u pa u chi' ri coj. Ri dragon xuya' ri u cuinem, xuya' ri u tem re ajawibal, xukuje' nimalaj takanic che.