Ri Daniel 7:27 - Quiché Bible

²⁷ Ri ajawinic, ri cuinem xukuje' ri juluwem que conojel ri ajawibal ri e c'o cho ri uwächulew, queya' na che ri u tinimit ri Dios aj chicaj. Ri rajawinic cäjeki' na chbe k'ij sak, conojel c'u ri tinimit re ri uwächulew quepatanin na che xukuje' queniman na che.’

Ri Daniel 7:27 ပူးပေါင်းရင်းမြစ်များ

Salmib 145:13

Ri ajawibal la are jun ajawibal re chbe k'ij sak, ri k'ijinic la re k'ij junab.

Salmib 22:27

Ronojel qui wäch winak xukuje' nimak tak tinimit que conojel ri e u jutz'il ri uwächulew: chnataj ri Ajawaxel chiwe, chixpet ruc'; chixelxucul chuwäch.

Salmib 72:11

¡Chi conojel c'ut ri ajawinelab chexucul chuwäch! ¡Chi conojel c'ut ri nimak tak tinimit chepatanin che!

Salmib 86:9

Oh Ajawaxel, lal lal wocowinak conojel ri nimak tak tinimit, quepe c'u na uc' la che k'ijilaxic la xukuje' che u ya'ic u k'ij ri bi' la.

Ri Isaiy 14:2

E q'ui nimak tak tinimit quec'amow na ri aj israelib, quecachilaj c'u bic c'ä pa ri qui tinimit, are c'u ri aj israelib quequic'am na ri e are' che pataninelab quech pa ri rulew ri Ajawaxel. Ri aj israelib quequiyut na bic ri xeyutuw ri e are' nabe, quetakan na paquiwi' ri xetakan paquiwi' ri e are' nabe.

Ri Isaiy 54:3

calic' c'u na awib pa awiquik'ab xukuje' pa a mox k'ab ri e awija'lil quequich'äc na q'ui nimak tak tinimit, quequinojisaj na c'u na ri tinimit tak ri e tolon camic.

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.

Ri Daniel 6:26

quinya' c'u takanic xukuje' quintakanic chi pa ronojel ri wajawibal, nim chil wi xukuje' chyo'k u k'ij ri u Dios ri Daniel. Rumal rech chi are' Dios ri c'aslic, jekel c'u amak'el. Ri rajawinic mawi jubik' casachisax ta u wäch, mawi c'o u q'uisbalil ri u cuinem.

Ri Daniel 7:14

Xeya' c'u ri cuinem che, ri juluwem xukuje' ri ajawibal, xukuje' winak que conojel ri nimak tak tinimit xukuje' tak ch'abal quepatanin c'u che. Ri u cuinem man c'o ta u q'uextajic, ri rajawinic mawi jubik' cäsachisax ta u wäch.

Ri Daniel 7:18

Chwi chi c'u wa' ri ajawibal pa u k'ab ri u tinimit ri Dios ri sibalaj aj chicaj, cux c'u na rech ronojel ri chbe k'ij sak.’

Ri Daniel 7:22

c'ä xopan na ri Nim Winak xuban c'u suq'uil che ri u tinimit ri Dios ri sibalaj aj chicaj, tz'akatinak c'u ri k'ijol, rech ri u tinimit ri Dios cärechbej ri ajawibal.

Ri Abdiy 1:21

Ruc' ch'äcanic quepaki' na pa ri juyub Sion che u k'atic tzij paquiwi' ri e c'o chupam ri e aj u c'ache'laj ri rulew ri Esau, are' c'u ri Ajawaxel are ri cajawin na.

Ri Zacariy 14:9

Chupam ri k'ijol ri' ri Ajawaxel cajawin na puwi' ronojel ri uwächulew. Ri Ajawaxel xa' jun cux na' ri are' xa' jun cux na' ri u bi' xukuje'.

Ri Lucax 1:33

Cätakan na puwi' ri nim tinimit Israel chbe k'ij sak. Ri u takanic c'ut man c'o ta u q'uistajic.”

Ri Xuan 12:34

Ri winak xquibij che: “Uj ka tom pa ri pixab, chi ri Crist cäjeki' na chbe k'ij sak. ¿Jas c'u che cabij at chi rajawaxic chi ri Rija'l Winak cäwalijisax na? ¿Jachin wa' ri Rija'l Winak?”

1 Corintios 15:24

Chuq'uisbalil, ri Crist cujach na ri ajawibal che ri Dios Tataxel, cusach c'u qui wäch conojel ri e c'o paquiwi' niq'uiaj chic, conojel ri c'o qui takanic xukuje' conojel ri c'o qui cuinem.

Apocalipsis 11:1

Xya' jun aj chwe junam ruc' jun etabal. Xbix c'u chwe: “chatwalijok, chawetaj ri rachoch Dios xukuje' ri porobal. Chebawajilaj ri quek'ijilan chila'.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Apocalipsis 17:14

Ri e are' quech'ojin na ruc' ri Alaj Chij. Ri Alaj Chij c'ut quebuch'äc na, are c'ut Cajaw ri ajawib, Cajawinel ri ajawinelab. E c'o c'u ne ruc' ri e siq'uim xukuje' e cha'om rumal ri Dios, e jic c'ut.”

Apocalipsis 19:16

Che ri ratz'iak xukuje' che ri ra' tz'ibatal wi we bi'aj ri': “Cajawinel ri ajawinelab, Cajaw ri ajawib.”

Apocalipsis 20:4

Xebenwil tak tem re ajawibal, xet'uyi' c'u paquiwi'. Ri xya' takanic pa qui k'ab rech cäquik'at tzij. Xukuje' xebenwil ri qui c'aslibal ri xesax qui jolom rumal rech ri u k'alajisaxic ri Jesus xukuje' rumal rech ri u tzij ri Dios. Ri e are' man xquik'ijilaj ta ri itzel awaj, mawi ri u wächbal, man xquic'am ta quetal cho ri u metz'al ri qui palaj mawi cho ri qui k'ab. Xinwil c'ut chi xec'asi' chi jumul, quebajawin c'u ruc' ri Crist jun mil junab.

Apocalipsis 22:5

Man c'o ta chi chak'ab. Man cajwataj ta chic ri u sakil ri chäj chque, mawi ri u sakil ri k'ij rumal rech chi ri Ajawaxel Dios cäjuluw na paquiwi', ri e are' quebajawin na amak'el chbe k'ij sak.