Ri Daniel 7:20 - Quiché Bible

²⁰ Xukuje' xinwaj xinwetamaj chi jubik' ri quel cubij ri lajuj ruc'a', xukuje' ri quel cubij ri alaj uc'a' ri e c'o u bak'wäch xukuje' jun u chi' ri cäch'aw ruc' sibalaj nimal, je ta ne ri tza are' ta ri sibalaj nim na chquiwäch ri niq'uiaj uc'a' chic, e tzakinak c'u oxib uc'a' che u ya'ic c'olbal che.

Ri Daniel 7:20 ပူးပေါင်းရင်းမြစ်များ

Ri Daniel 7:11

Ri in cätajin quinca'yic, benak wanima' che qui tatabexic ri tzij ri ruc' nimal cätajin cubij ri alaj uc'a'; aretak cätajin quinca'yic, xcämisax ri xibibalalaj awaj xban ch'akatak che, xq'uiakaxtax c'u pa ri k'ak' rech cäc'atic.

Ri Daniel 7:19

In xinwaj xinwetamaj chi na ri quel cubij ri ucaj ri xibibalalaj awaj, ri sibalaj nim u jalbem rib chquiwäch ri jule' chic, sibalaj c'u xibibal ri u wächbal: e c'o u ware re räx ch'ich' xukuje' rixq'uiak re k'an ch'ich'; ronojel cubik'o, ronojel cut'ubu, quebuxak'alej c'u ri ch'akatak ri queto'tajic.

Ri Daniel 7:21

Xinwil c'ut chi we uc'a' ri' xutij u chuk'ab ruc' ri u tinimit ri Dios, cuch'äc c'ut,

Ri Daniel 7:23

Xubij c'ut: ‘Ri ucaj awaj ri xibibal are jun ucaj ajawinic ri cäc'oji' na cho ri uwächulew, ri man cäjunamataj ta cuc' ri niq'uiaj chic. Cubik' na ronojel ri uwächulew, cuxak'alej na xukuje' cut'ub na.

Ri Daniel 7:7

Ri ucaj awaj ri xinwil pa ri e nu c'utwächinic sibalaj xibibal, cäxibinic, c'o c'u jun u chuk'ab ri man c'o ta c'o wi, e c'o jujun nimak tak u ware re räx ch'ich', ronojel cubik'o, ronojel cut'ubu, quebuxak'alej tak ri ch'akatak ri queto'tajic. Are jun xibibalalaj awaj wa' ri man cäjunamataj cuc' conojel ri e wilom pa ri nu waram, e c'o lajuj ruc'a' pa u jolom.

Ri Daniel 7:8

Aretak c'u cätajin quebenca'yej tak ri uc'a', xinwilo chi cätajin quel chi ulok jun alaj uc'a' chquixo'l, xebok c'u oxib ruc'a' rech cäya' can c'olbal che ri q'uisbal ri c'äte xel ulok, ri e c'o u bak'wäch jas ri e c'o che jun winak xukuje' jun u chi' ri cäch'aw ruc' banoj nimal.”

Apocalipsis 12:3

Xilitaj chi jun etal pa ri caj: Xinwil jun nimalaj dragon quiäk rij, ri e c'o wukub u jolom, e c'o lajuj ruc'a', paquiwi' ri e u jolom e c'o wukub corona'.