Ri Daniel 7:18 - Quiché Bible

¹⁸ Chwi chi c'u wa' ri ajawibal pa u k'ab ri u tinimit ri Dios ri sibalaj aj chicaj, cux c'u na rech ronojel ri chbe k'ij sak.’

Ri Daniel 7:18 ပူးပေါင်းရင်းမြစ်များ

Salmib 45:16

Ri e c'ojol la, ajawinel, quet'uyi' na puwi' ri qui tem re ajawibal ri e mam la, caban c'u na la chi que ajawin pa ronojel ri ulew.

Salmib 49:14

Chque we winak ri', ri cämical are ajyuk' ri quec'amow bic pa ri mukubal e je ta ne chij. Aretak cäpe ri ak'abibal, ri e utz quech'äcan na paquiwi'; ri qui chuk'ab cäbe na u q'uisic are c'u ri mukubal are qui jekelibal.

Ri Isaiy 14:2

E q'ui nimak tak tinimit quec'amow na ri aj israelib, quecachilaj c'u bic c'ä pa ri qui tinimit, are c'u ri aj israelib quequic'am na ri e are' che pataninelab quech pa ri rulew ri Ajawaxel. Ri aj israelib quequiyut na bic ri xeyutuw ri e are' nabe, quetakan na paquiwi' ri xetakan paquiwi' ri e are' nabe.

Ri Daniel 7:14

Xeya' c'u ri cuinem che, ri juluwem xukuje' ri ajawibal, xukuje' winak que conojel ri nimak tak tinimit xukuje' tak ch'abal quepatanin c'u che. Ri u cuinem man c'o ta u q'uextajic, ri rajawinic mawi jubik' cäsachisax ta u wäch.

Ri Daniel 7:17

‘Ri quiejeb xibibalalaj tak awaj e quiejeb wa' ri quetakan na puwi' ri uwächulew.

Ri Daniel 7:22

c'ä xopan na ri Nim Winak xuban c'u suq'uil che ri u tinimit ri Dios ri sibalaj aj chicaj, tz'akatinak c'u ri k'ijol, rech ri u tinimit ri Dios cärechbej ri ajawibal.

Ri Daniel 7:25

Cuyok' c'u na ri Dios aj chicaj, cutakej c'u na u sachic u wäch ri u tinimit; cucoj na u chuk'ab che u q'uexic ri u pixab ri Dios xukuje' tak ri nimak'ij, are c'u ri u tinimit ri Dios cäcanaj na chuxe' ri u cuinem cäbeytaj c'u na oxib junab ruc' wakib ic'.

Ri Daniel 7:27

Ri ajawinic, ri cuinem xukuje' ri juluwem que conojel ri ajawibal ri e c'o cho ri uwächulew, queya' na che ri u tinimit ri Dios aj chicaj. Ri rajawinic cäjeki' na chbe k'ij sak, conojel c'u ri tinimit re ri uwächulew quepatanin na che xukuje' queniman na che.’

Ri Abdiy 1:17

Are c'u ri juyub Sion cux na jun c'olbal ri tastalic jawije' ri quecuin wi na jujun caquito'tajisaj wi na quib. Ri e rija'lil ri Jacob quetzelej chi na pa tak ri culew;

Ri Lucax 1:33

Cätakan na puwi' ri nim tinimit Israel chbe k'ij sak. Ri u takanic c'ut man c'o ta u q'uistajic.”

1 Corintios 6:2

O ¿la ma ta iweta'm chi ri winak aj Dios cäquik'at na tzij paquiwi' ri winak re ri uwächulew? We cäk'at na tzij paquiwi' ri winak re ri uwächulew iwumal, ¿la ma ta quixcuin che u k'atic tzij paquiwi' ri jastak ri man nimak ta qui banic?

Efesios 1:3

Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

Efesios 6:12

Man cujch'ojin ta cuc' winak, xane' cuc' itzel tak uxlabal ri e c'o pa ri caj, ri c'o qui takanic xukuje' qui cuinem puwi' we uwächulew ri' re ri k'eku'm, xukuje' quetakan puwi'.

Apocalipsis 20:4

Xebenwil tak tem re ajawibal, xet'uyi' c'u paquiwi'. Ri xya' takanic pa qui k'ab rech cäquik'at tzij. Xukuje' xebenwil ri qui c'aslibal ri xesax qui jolom rumal rech ri u k'alajisaxic ri Jesus xukuje' rumal rech ri u tzij ri Dios. Ri e are' man xquik'ijilaj ta ri itzel awaj, mawi ri u wächbal, man xquic'am ta quetal cho ri u metz'al ri qui palaj mawi cho ri qui k'ab. Xinwil c'ut chi xec'asi' chi jumul, quebajawin c'u ruc' ri Crist jun mil junab.

Apocalipsis 22:5

Man c'o ta chi chak'ab. Man cajwataj ta chic ri u sakil ri chäj chque, mawi ri u sakil ri k'ij rumal rech chi ri Ajawaxel Dios cäjuluw na paquiwi', ri e are' quebajawin na amak'el chbe k'ij sak.

Apocalipsis 3:21

Apachin ri cäch'äcanic, quinya' na che chi cät'uyi' na wuc' pa ri nu tem re ajawibal, je jas ri in in ch'äcaninak, in t'uyul ruc' ri nu Tat pa ri u tem re ajawibal.

Apocalipsis 5:10

Banom c'u la chque chi quebux ajawinelab xukuje' e cojol tabal tok'ob chuwäch ri ka Dios, quebajawin c'u na paquiwi' ri uwächulew.”