Ri Daniel 6:23 - Quiché Bible

²³ Sibalaj c'u xquicot ri ajawinel xuya' c'u takanic chi quesax ulok ri Daniel chupam ri c'olbal ri e c'o wi ri coj. Aretak xesataj ulok, man c'o ta jun socotajic xrik che, rumal rech chi xujiquiba' u c'u'x chrij ri u Dios.

Ri Daniel 6:23 ပူးပေါင်းရင်းမြစ်များ

Nabe Ajawinelab 5:7

Ri Hiram aretak xtatabetaj ri xutak u bixic ri Salomon, sibalaj xquicotic xubij c'ut: “¡Tewichital ri Ajawaxel camic rumal rech chi u yo'm che ri David jun u c'ojol ri sibalaj c'o u no'j rech cätakan puwi' we nimalaj tinimit ri'!”

Nabe Tzijobelil 5:20

xeto' c'ut rumal ri Dios, xekaj c'ut ri aj agareyib pa qui k'ab xukuje' ri quinimom quib che qui to'ic, pa u niq'uiajil c'ut ri ch'o'j ri cätajin cäquibano xquitz'onoj che ri Dios chi chebuto'. Ri Dios xebuto' rumal rech chi xquicu'ba' qui c'u'x chrij.

Ucab Tzijobelil 20:20

Sibalaj c'u ak'ab xewalij chucab k'ij che u takexic qui be pa ri chaki'j uwo sak re Teco. Pa ri jok'otaj ri quebel bic, ri Josapat xutac'aba' rib che u bixic chque: “Chinitatabej, aj Jerusalen xukuje' ri e aj Juda: chi cuba' i c'u'x chrij ri Ajawaxel, ri i Dios, man c'o ta c'u qui c'ulmaj na; chi cuba' i c'u'x chquij tak ri e k'axal tzij ronojel c'ut utz quel na chiwäch.”

Salmib 18:21

nu terenem c'ut ri u be ri Ajawaxel; mawi jubik' nu xutum can ta ri nu Dios.

Salmib 37:40

Ri Ajawaxel quebuto' che quesaxic quib. Cuban chque chi caquesaj quib pa qui k'ab ri e banal tak etzelal, quebuto'tajisaj c'ut, rumal rech chi ruc' are' xquitzucuj wi ch'ukubal quib.

Elem 18:9

Sibalaj c'u xquicot ri Jetro rumal ronojel ri utzil ri xuban ri Dios chque ri aj israelib, aretak xeresaj ulok pa qui k'ab ri aj ejiptib,

E C'ambal tak Tzij 18:10

Ri u bi' ri Ajawaxel are' jun tac'atic ja ri sibalaj nim u cuinem, ruc' c'u quebopan wi ri e suc'ab che u tzucuxic to'bal ib.

Ri Isaiy 26:3

Ajawaxel, ri lal quebe chajij la pa jamaril ri co e c'olic, rumal rech chi qui cuban qui c'u'x chi'j la.

Ri Daniel 3:17

“Ri ka Dios, ri cäkak'ijilaj, cäcuinic cujuto'tajisaj na man c'o ta cuban na ri rak' ri k'ak' ri c'o chupam ri jorno xukuje' chuwäch ronojel ri c'ax ri caj la cäban la chke, cujuto'tajisaj c'u na.

Ri Daniel 3:25

“In quebenwil quiejeb achijab e quiritajinak, ri quebin pa u niq'uiajil ri k'ak', man c'o ta c'u jas cäquic'ulmaj, ri ucaj winak junam u banic ruc' jun tako'n aj caj.”

Ri Daniel 6:14

Ri ajawinel aretak xuta' ri xbix che cumal ri winak, sibalaj xbisonic, xutzucuj jas ta ri xuban che u to'ic ri Daniel. C'ä xkaj na ri k'ij, xuban ronojel ri xcuin che u banic che u to'ic ri Daniel,

Ri Daniel 6:18

Xtzelej c'u ri ajawinel chupam ri nimalaj rachoch, xek'oyol c'ut, man xwa' taj mawi xuquicotisaj ta rib jas ri cuban amak'el; man xcuin ta c'ut xwar ronojel ri jun ak'ab.

Marcos 9:23

Ri Jesus xubij che: “We catcuinic catcojonic, ronojel c'ut cuya' cäbantajic che ri jun ri cäcojonic.”

Hebreos 11:33

Ri rumal ri cojonic jujun xequich'äc ajawibal, xquichacuj suq'uil, xequirik ri chi'm, xequitz'apij u pa qui chi' coj,