Ri Daniel 6:22 - Quiché Bible

²² Ri nu Dios xutak ulok ri u tako'n aj caj ri xtz'apin u pa qui chi' ri coj rech man c'o ta jun c'ax cäquiban chwe, reta'm c'u ri Dios chi man c'o ta nu mac, man c'o ta c'u jun lawaloyil nu banom ta che la.”

Ri Daniel 6:22 ပူးပေါင်းရင်းမြစ်များ

Chapletajic 40:15

Ri in xa in eläk'am ulok pa ri culew ri aj hebreyib, xukuje' man c'o ta c'u jun etzelal nu banom waral ri rumal ta rech in cojom pa che'.”

Ucab Samuel 22:7

Pa tak ri welebal ch'u'j xinsiq'uij ri Ajawaxel, xintz'onoj ri to'banic che ri nu Dios, xinutatabej c'ut kas pa ri rachoch; ¡ri e nu rakoj tak chi'aj xebopan pa tak u xiquin!

Nabe Ajawinelab 13:28

Xbe c'ut ri k'axal tzij ri nim winak xurika' ri cäminak jilin pa ri be, c'o ri bur chuxcut xukuje' ri coj man u tijom ta ri cäminak mawi xumuch ta ri bur,

Ucab Tzijobelil 32:21

Are c'u ri Ajawaxel xutak jun tako'n aj caj ri xebucämisaj conojel ri ajch'ojab, xukuje' tak ri e qui nimakil ri ajch'ojab, ri quetakan paquiwi' ri rajch'ojab ri ajawinel re Asiriy, ri xtzelej na pa ri rulewal nojinak che q'uixbal. Aretak c'u xoc chupam ri rachoch ri u dios, kas chila' xcämisax wi cumal ri kas e u c'ojol.

Salmib 118:28

Quinmaltioxin che la quinya' c'ut u k'ij ri nimalil la, lal c'ut ri nu Dios.

Salmib 26:6

E ch'ajtajinak ri nu k'ab, e josk'itajinak elinak ri macaj chque, Ajawaxel, quinwaj quinnakajin ruc' ri porobal ri ech la,

Salmib 31:14

Ri in c'ut, Ajawaxel, nu cuban nu c'u'x chij la; ri in nu bim: “Lal ri nu Dios.”

Salmib 34:7

Ri u tako'n ri Ajawaxel quebuch'uku xukuje' quebuto'tajisaj ri nim caquil wi ri Ajawaxel.

Salmib 38:21

Ajawaxel, ¡minya' la can nu tuquiel! Nu Dios, ¡manajtajisaj ib la chwe!

Salmib 84:11

Rumal rech chi ri Dios ri Ajawaxel cujutunuj xukuje' cujuch'uku; ri Ajawaxel quebulok'ok'ej, xukuje' nim queril wi ri man c'o ta qui bach'uyal, man cuk'il ta qui ya'ic ri utzalaj tak jastak chque.

Ri Isaiy 3:10

Utz re ri suc'alaj winak, utz c'u quel na, cäquicot na ruc' ri u wächinic ri u chac.

Ri Isaiy 63:9

xeresaj pa conojel ri e qui rikoj tak c'ax. Man jun u tako'n ta ri xecolowic are ri Ajawaxel chwinakil. Are xetorowic rumal ri lok'ok'ebal u c'u'x xukuje' rumal ri relebal u c'u'x, xebuwalijisaj xebuloquej pa u k'ab. Je u banom wa' amak'el.

Ri Jeremiy 37:18

Ri Jeremiy xuc'ot c'u u chi' ri ajawinel Sedequiy: “¿Jas ri il ri nu banom che la, o chque ri ach tak k'atal tak tzij la, o che ri tinimit, chi in cojom pa che'?

Ri Daniel 3:28

Pa ri jok'otaj ri' ri Nabucodonosor xurak u chi' xubij: “¡Chyo'k u k'ij ri u Dios ri Sadrac, ri Mesac xukuje' ri Abed-neg, ri xutak ri u tako'n aj caj che qui to'ic ri jicalaj tak pataninel tak rech, ri man xquinimaj ta ri u takanic ri ajawinel, are' xquiya' qui tzij chi quecämic che u q'uexwäch ri quexuqui' ta che u k'ijilaxic jun dios chic ri ma ta are ri qui Dios!

Ri Daniel 6:20

Aretak nakaj chi c'o wi ri ajawinel, ruc' bis xusiq'uij ri Daniel, je xubij wa: “Daniel, pataninel rech ri c'aslic Dios, ¿la xcuin ri a Dios che a to'ic pa qui chi' ri coj?”

Ri Daniel 6:23

Sibalaj c'u xquicot ri ajawinel xuya' c'u takanic chi quesax ulok ri Daniel chupam ri c'olbal ri e c'o wi ri coj. Aretak xesataj ulok, man c'o ta jun socotajic xrik che, rumal rech chi xujiquiba' u c'u'x chrij ri u Dios.

Ri Daniel 6:4

Ri solinelab xukuje' ri k'atal tak tzij xquitzucuj u rikic jun mac pa ri u c'aslemal che u tzujuxic chuwäch ri ajawinel chi man utz ta ri k'atan tzij ri cätajin cuban pa ri ajawibal, man xquirik ta c'u jun tzujubal rech ri Daniel rumal rech chi ronojel ri cubano sibalaj tz'akat u banic cubano, man c'u xecuin ta che u banic jun rekle'n ri Daniel chuwäch ri ajawinel.

Ri Daniel 6:7

conojel ri k'atal tak tzij ri quetakan puwi' ri nim tinimit xquiban jun mulin ib, ri xquichomaj wi u ya'ic jun takanic chi cäya' la chi juwinak lajuj (30) k'ij, man c'o ta jun winak cutz'onoj ta jun jasach che jun dios mawi che jun winak, xane' xuwi che la. Jachin c'u ri man cäniman taj cäq'uiak na chupam ri c'olbal ri e c'o wi ri coj.

Ri Miquey 7:7

Are c'u ri in quineyem na che ri Ajawaxel; quincoj na ri weyebal c'uxaj chrij ri Dios ri nu Colonel, rumal rech chi ri are' quinutatabej na.

Ajilanic 20:16

xkata' c'ut to'banic che ri Ajawaxel, ri are' xutatabej c'ut ri ka rakoj tak chi'aj xutak c'ut jun tako'n ri xujresaj ulok pa Ejipt. Uj c'o c'u camic chupam ri tinimit re Cades, uj c'o c'ut chunakaj ri u c'ulbatil ri awulew.

Ri Matey 27:46

Kas pa ri jok'otaj ri', ri Jesus xurak u chi' ruc' chuk'ab, xubij: “Eli, Eli, ¿lama sabactani?” Je quel cubij wa': “Nu Dios, nu Dios, ¿jasche xinya' la canok?”

Hechos 12:11

Ri Lu', aretak xul pa sak, xubij: “Camic xinwetamaj chi kastzij ri Ajawaxel u takom ulok ri u tako'n aj caj che wesaxic pa u k'ab ri Herod. Xinresaj chuwäch ronojel ri queyem ri aj judeyib chi quinrik na.”

Hechos 24:16

Rumal c'u ri', quinoc il amak'el chi cac'oji' jun ch'ajch'ojalaj retamabal nu c'u'x chuwäch ri Dios xukuje' chquiwäch ri winak.

Hechos 27:23

Chak'ab c'ut xpe jun tako'n aj caj. Ri takom ulok rumal ri Dios, ri in ajchak'e, ri quinpatanij. Ri tako'n aj caj xtaq'ui' wuc'.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

2 Timoteo 4:17

Are c'u ri Ajawaxel xc'oji' wuc', xuya' nu chuk'ab, rech xincuin che u tzijoxic ri tzij re colobal ib, jeri' chi xquita' conojel ri winak. Xinesax c'u pa u chi' ri coj.

Hebreos 1:14

Conojel c'ut ri tako'nib aj caj, e uxlabal ri e c'o pa ri patanijic cho ri Dios e takom ulok che qui patanixic ri winak ri caquechbej ri colotajic.

Hebreos 11:33

Ri rumal ri cojonic jujun xequich'äc ajawibal, xquichacuj suq'uil, xequirik ri chi'm, xequitz'apij u pa qui chi' coj,

Nabe Samuel 17:37

Ri Ajawaxel in u to'tajisam man e cuininak ta ri rixq'uiak ri coj xukuje' ri e rech ri os chwe, xukuje' qui nu to'tajisaj na pu k'ab we pilistey ri'.” Xubij c'u ri Saul che: “Jät, are ba' ri Ajawaxel chatachilanok.”

Nabe Samuel 26:18

¿Jas c'u che cätzucuj la u banic c'ax che we pataninel ech la ri'? ¿Jas ri nu banom? ¿Jas ri etzelaj ri nu banom?