Ri Daniel 6:16 - Quiché Bible

¹⁶ Xtakan c'u ri ajawinel che u c'amic ulok ri Daniel, che u q'uiakic chupam c'olbal ri e c'o wi ri coj. C'ä majok c'u chq'uiak ri Daniel pa qui chi' ri coj, ri ajawinel xubij che ri Daniel: “Are ri a Dios, ri sibalaj jic u patanixic cabano, chatcolowok.”

Ri Daniel 6:16 ပူးပေါင်းရင်းမြစ်များ

Ucab Samuel 3:39

Rumal c'u ri' ri in, pune' in ri ajawinel ri cha'om rumal ri Dios, quinna' chi in tukar chuwäch ri nimalaj etzelal ri xquiban ri e ral ri Sarb. ¡Are' ri Ajawaxel chyo'w rajil u q'uexelal che jachin xbanow we etzelal ri'!”

Ri Job 5:19

Jumul xukuje' camul catuto'tajisaj na aretak xak quieb cubij pawi', man cuya' ta c'u c'olbal chi catkaj pa u k'ab ri lawaloyil.

E C'ambal tak Tzij 29:25

Ri xe'n ib chquiwäch ri winak are jun c'amibal, are' c'u ri cujiquiba' u c'u'x chrij ri Ajawaxel chajitalic.

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Ri Isaiy 43:2

We rajawaxic catk'ax pa ri ja', ri in quinc'oji' na awuc', we rajawaxic catk'ax pa tak ri nima' man catjik' ta na, we rajawaxic catoc'ow pa ri k'ak', man catc'at ta na, ri rak' ri k'ak' man quenicow ta na chawij.

Ri Jeremiy 26:14

Are c'u ri in, in c'o pa i k'ab; chibana' chwe jachique ri cäkaj chiwäch.

Ri Jeremiy 38:5

Ri ajawinel Sedequiy xutzelej u bixic chque: “Utz ri', chibana' ba' che ri Jeremiy jas ri qui waj. In man c'o ta jas quincuin che u banic che i k'atexic.”

Ri Jeremiy 38:6

We winak ri' xquichap ri Jeremiy xquiya' chupam ri u c'ua' ri Malquiy, u c'ojol ri ajawinel, ri c'o cho ri ja ri e c'o wi ri chajinelab. Xequicoj tak colob che, che u kasaxic bic, man c'o ta c'u ja' chupam ri c'ua' xane' xok'ol, xbik'taj c'ut ri Jeremiy chupam ri xok'ol.

Ri Jeremiy 39:17

Catinchajij c'u na, rech man catekaj ta na pa qui k'ab we winak ri' ri caxe'j awib chquiwäch. In, ri Ajawaxel, quinjiquiba' u bixic.

Ri Daniel 3:15

¿La quiya' i tzij chi xuwi quita' ri cok'ebal tak ri k'ojom, quimej iwib chuwäch ri u wächbal winak ri nu takom u banic, quik'ijilaj c'ut? We c'u man quik'ijilaj kas pa ri jok'otaj ri' quixq'uiak na pa ri jorno ri cabac'ow k'ak' chupam; ¿Jachin ta c'u ri dios ri cäcuin ta che i to'ic?”

Ri Daniel 3:17

“Ri ka Dios, ri cäkak'ijilaj, cäcuinic cujuto'tajisaj na man c'o ta cuban na ri rak' ri k'ak' ri c'o chupam ri jorno xukuje' chuwäch ronojel ri c'ax ri caj la cäban la chke, cujuto'tajisaj c'u na.

Ri Daniel 3:28

Pa ri jok'otaj ri' ri Nabucodonosor xurak u chi' xubij: “¡Chyo'k u k'ij ri u Dios ri Sadrac, ri Mesac xukuje' ri Abed-neg, ri xutak ri u tako'n aj caj che qui to'ic ri jicalaj tak pataninel tak rech, ri man xquinimaj ta ri u takanic ri ajawinel, are' xquiya' qui tzij chi quecämic che u q'uexwäch ri quexuqui' ta che u k'ijilaxic jun dios chic ri ma ta are ri qui Dios!

Ri Daniel 6:20

Aretak nakaj chi c'o wi ri ajawinel, ruc' bis xusiq'uij ri Daniel, je xubij wa: “Daniel, pataninel rech ri c'aslic Dios, ¿la xcuin ri a Dios che a to'ic pa qui chi' ri coj?”

Ri Daniel 6:7

conojel ri k'atal tak tzij ri quetakan puwi' ri nim tinimit xquiban jun mulin ib, ri xquichomaj wi u ya'ic jun takanic chi cäya' la chi juwinak lajuj (30) k'ij, man c'o ta jun winak cutz'onoj ta jun jasach che jun dios mawi che jun winak, xane' xuwi che la. Jachin c'u ri man cäniman taj cäq'uiak na chupam ri c'olbal ri e c'o wi ri coj.

Hechos 24:27

E oc'owinak chi quieb junab, ri Porsiy Pest xoc can che u q'uexel ri Pelics. Are c'u ri Pelics xraj chi utz quil wi cumal ri aj judeyib. Rumal ri' xuya' can ri Pawl pa che'.

Hechos 25:11

We ta c'u c'o etzelal nu banom, o we ta nu banom jun jasach rech takal chwe chi quincämisaxic, man quinwesaj ta wib pa ri cämical; we c'u man kastzij ri quinquitzujuj wi, man c'o ta jun cäcuin ta che nu jachic pa qui k'ab. Quintz'onoj chi quintak la bic chuwäch ri nimalaj k'atal tzij Sesar.”

Hechos 25:9

Ri Pest are xraj chi utz quil wi cumal ri aj judeyib, xubij che ri Pawl: “¿La cawaj catbe pa Jerusalen, rech chila' cäk'at wi tzij pawi' chquij we jastak ri' chnuwäch?”

Romanos 13:3

Ri takanelab man e cojom taj paquiwi' ri winak rech caquicoj ta xe'n ib chque ri caquiban utzil, xane' chque ri ebanal tak etzelal. ¿La cawaj c'ut chi man caxe'j ta awib chquiwäch ri k'atal tak tzij? Chabana' ba ri utz, cäya' c'u na a k'ij cumal.

2 Corintios 1:10

Ri are' xujuto' chuwäch jun c'axalaj cämical, xukuje' cätajin cujuto'o. Cu'l c'u ka c'u'x chrij ri are' chi cujuto' na,