Ri Daniel 6:12 - Quiché Bible

¹² Xebextax c'u che rilic ri ajawinel chunataxic ri takanic che, xquibij c'u che: “Ri lal, yo'm la jun takanic, ri je cubij wa': ri winak ri pa we juwinak lajuj k'ij ri' cuban jun bochi'nic che apachique dios o apachique winak we ta ma ta che la, cäq'uiak na chupam ri c'olbal ri e c'o wi ri coj, ¿la ma ta kastzij?” Ri ajawinel xutzelej u bixic: “Je' wa. Ri takanic rajawaxic u tz'akatisaxic jas ri cubij ri qui pixab ri aj medib xukuje' ri aj persib, ri man cuya' taj chi ma ta cäbanic jas ri cubij.”

Ri Daniel 6:12 ပူးပေါင်းရင်းမြစ်များ

Ri Ester 1:19

Rumal c'u ri', we utz chwäch la, chi chyok retamaxic we pixab ri re ri ajawinel ri quetz'ibaxok, chi tz'ibax c'u chquixo'l tak ri qui pixab ri aj Porsiy xukuje' ri e aj Med, rech man cachupisax taj: ‘Ri ixok ajawinel Basti mawi ta chi jumul culutac'aba' ta chi rib chuwäch ri ajawinel,’ Are' c'u ri bi'aj ixok ajawinel chyok chi che jun ixok ri cataki na che.

Ri Daniel 6:15

xebopan chi c'u jumul ri achijab ruc' ri ajawinel xquibij c'u che: “Ri lal, kas eta'm la ri cubij ri qui pixab ri aj medib xukuje' ri aj persib, man c'o ta jun k'ilonic o jun takanic ri u tz'ibam ri u bi' ri ajawinel chuxe' ri manta catz'akatisax u banic.”

Ri Daniel 6:8

Rumal c'u ri', chya' tzij la che u tz'akatisaxic u banic we takanic ri', chtz'ibaj ri bi' la chuxe' rech man cuya'taj cäjalc'atixic, je cäcanajic jacha' ri qui pixab ri aj medib xukuje' ri aj persib, ri man cuya' taj chi ma ta cäbanic jas ri cubij.”

Hechos 16:19

Ri e rajaw ri ali, aretak xquilo chi man c'o ta chic ri u cu'lbal qui c'u'x che u ch'äquic puak rumal ri ali, xequichap ri Pawl xukuje' ri Silas, xequic'am bic chquiwäch ri k'atal tak tzij, ri e c'o cho ri c'ayibal.

Hechos 16:24

Xuc'am we takomal ri' ri chajil u chi' che', xebucoj ri Pawl pa ri che' ri naj coc na bic. Xebucoj ri cakan pa ri chapbal akanaj.