Ri Daniel 6:10 - Quiché Bible

¹⁰ Aretak c'ut xretamaj ri Daniel chi ri Dariy xuya' u tzij che u banic we takanic ri', xbe cho rachoch, xebujak ri e u wenta'n ri u warabal, ri benak u wäch pa Jerusalen, xxuqui che u banic ch'awem ruc' Dios, xk'ijilan c'u che ri Dios. Ox mul c'ut cuban wa' ronojel k'ij, jas ri u banom ulok amak'el.

Ri Daniel 6:10 ပူးပေါင်းရင်းမြစ်များ

Nabe Ajawinelab 8:30

Chtatabej la ri nu bochi'nic xukuje' ri e quech ri Israel ri tinimit la aretak cakaban ch'awem chusuq'uil we c'olbal ri'. Chtatabej la ulok chicaj, are c'u c'olbal wa' ri lal jekel wi, chäya' la ri sachbal mac chke.

Nabe Ajawinelab 8:38

chtatabej c'u la ronojel ch'awem ri cäban chwäch la, bochi'nic ri cäban rumal apachique winak, o cumal conojel ri tinimit Israel, aretak cäril ri u c'axc'olil xukuje' k'oxomal quebulic' c'u ri u k'ab che ri u banic ri ch'awem uc' la, chusuq'uil we rachoch Dios ri'.

Nabe Ajawinelab 8:44

Aretak ri tinimit la quebel bic che u tijic u chuk'ab cuc' tak ri e u c'ulel, apawije' ta ne ri catak wi la bic, we cuban ch'awem uc' la chusuq'uil ri nimalaj tinimit ri xcha' la xukuje' che ri achoch la ri nu yacom che la,

Nabe Ajawinelab 8:54

Aretak ri Salomon xuq'uis u banic ri ch'awem xukuje' ri bochi'nic che ri Ajawaxel, ri xuculem ri xuban chuwäch ri porobal xebuwalijisaj c'ut ri u k'ab chicaj,

Ucab Tzijobelil 6:13

Pakalinak puwi' jun ak'anibal re k'an ch'ich' re quieb bara' ruc' oxib k'abaj u rabic, xak c'u junam ri u wäch, jun c'u bara' ruc' oxib k'abaj rak'anibem, ri xuwoco xuya' c'u pa u niq'uiajil ri uwo ja. Xxuqui c'ut chquiwäch conojel ri tinimit aj israelib, xebulic' c'ut ri u k'ab chicaj, co xch'awic,

Ucab Tzijobelil 6:38

we quetzelej ulok uc' la ruc' ronojel ri canima' xukuje' ruc' ronojel ri qui c'aslibal pa ri ulew ri e c'amom wi bic rech queboc che pataninelab lok'om, caquiban c'u ch'awem uc' la che u suq'uil we ulew ri' ri xya' la chque ri e qui mam, xukuje' che ri tinimit ri xcha' la, xukuje' che ri achoch la ri nu yacom che la,

Ri Esdras 9:5

C'ä chi' c'ut xc'astaj nu wäch che ri nu bis, c'ä nu cojom c'ut ri atz'iak ri jisjobinak chwij, xinchaplej c'u u banic ch'awem ruc' ri Ajawaxel ri nu Dios,

Ri Nehemiy 6:11

Ri in c'ut xintzelej u bixic che: “Ri achijab e jacha' ri in, man quebanimaj taj, mawi queboc ta quib chupam ri rachoch Dios che u to'tajisaxic ri qui tz'umal. Are c'u ri in man quinoc ta na wib.”

Salmib 34:1

Quintewichi'j na ri Ajawaxel pa conojel jok'otaj, ri nu chi' amak'el cäk'ijilan na che.

Salmib 5:7

Are c'u ri in rumal ri nimalaj lok'ok'ebal c'u'x la, quincuinic quinoc chupam ri achoch la; quincuinic quink'ijilan che la ruc' nim ilic la quinca'y c'u apan che ri tastalicalaj achoch la.

Salmib 55:17

Quintzujun na chuwäch, quinok' na ak'ab, benak k'ij xukuje' chak'ab, cutatabej c'u na ri nu ch'abal.

Salmib 86:3

Ajawaxel, chel c'u'x la chwe, amak'el c'ut quintz'onoj tok'ob che la.

Salmib 95:6

Chixpetok, xucuxuj chujk'ijilanok; kaxucu' kib chuwäch ri Ajawaxel, are' c'ut ri are' xujbanowic.

Ri Daniel 6:13

Xquitakej c'u u bixic che: “Ri Daniel, jun chque ri aj judeyib ri e c'amom ulok waral, mawi jubik' nim ta quil wi la rumal, mawi nim quil wi ri takanic ri yo'm la u bixic chi cäbanic, kilom c'ut chi ox mul ronojel k'ij cuban ch'awem ruc' ri u Dios.”

Ri Daniel 9:4

Xinban ch'awem ruc' ri Ajawaxel ri nu Dios, xinban c'u we k'alajisanic ri' chuwäch: ‘Ajawaxel, nimalaj Dios ri xukuje' c'o u cuinem, ri amak'el quetz'akatisaj la ri cächi'j la cac'ut c'u la ri lok'ok'ebal c'u'x la chque ri quelok'ok'en che la ri xukuje' cäquitz'akatisaj qui banic ri e takomal la:

Ri Jonas 2:4

Xinna' wib chi naj in q'uiakom wi la bic chwäch la; xinchomaj chi mawi jubik' quinwil chic ri tastalicalaj achoch la.

Marcos 3:3

Ri Jesus xubij che ri achi ri chaki'j u k'ab: “Chatwalijok. Chatc'ol pa ka niq'uiajil.”

Ri Lucax 14:26

“We c'o jun cäpe wuc', ma ta c'u in lok' chuwäch, chuwäch ri u tat, u nan, rixokil, ralc'ual, rachalal xukuje' rana'b, xukuje' ne ri u c'aslemal, man cäcuin taj cux nu tijoxel.

Ri Lucax 22:41

Ri are' c'ut xutas apan rib chquij jas ri u najil ri quetakal wi jun abaj. Xxuquic, xuban ch'awem ruc' Dios,

Hechos 10:9

Chucab k'ij, aretak e benak pa ri be, xa' jubik' man quebopan pa ri tinimit, ri Lu' xpaki' puwi' ri ja che u banic ch'awem ruc' Dios, chunakaj ri tiq'uil k'ij.

Hechos 2:15

We achijab ri' man e k'abarelab taj, jas ri cachomaj alak. C'äte u chaplem ri ubelej jok'otaj.

Hechos 20:24

Man are ta quinwilij ri nu c'aslemal, man quinnimarisaj ta u k'ij ri nu c'aslemal, rech jeri' quinq'uis na ri nu chac ruc' quicotemal. Jeri' quintz'akatisaj na ri patan ri xinc'am che ri Ajawaxel Jesus, are ri u k'alajisaxic ri utzalaj tak tzij, ri cubij chi ri Dios u banom tok'ob chque ri winak.

Hechos 20:36

Aretak xbitaj wa', ri Pawl xxuquic, xuban ch'awem ruc' Dios cuc' conojel.

Hechos 21:5

E oc'owinak chi c'u ri wukub k'ij ri', xujel bic. Uj achilam cumal conojel ri cojonelab cuc' ri quixokil xukuje' ri calc'ual, c'ä tza'm ja. Xujxuqui' chuchi' ri plo, xkaban ch'awem ruc' Dios.

Hechos 3:1

C'o c'u jun k'ij, ri Lu', rachil ri Xuan junam cätajin quebopan pa ri rachoch Dios pa ri urox jok'otaj benak'ij, are jok'otaj wa' ri cäban ch'awem ruc' Dios.

Hechos 4:29

Camic c'ut, Kajaw, chilampe' la. Qui bim chi cäquiban c'ax chque ri ajchaquib la. Ya' la chque ri e pataninel tak ech la chi cäquicoj qui chuk'ab che u bixic ri tzij la, ma ta cäquixe'j quib.

Hechos 5:20

“Jix, chixetac'al pa ri rachoch Dios, chibij ronojel ri tzij re we c'aslemal ri' chque ri winak.”

Hechos 5:29

Ri Lu' xukuje' ri niq'uiaj takomxenlab chic xquitzelej u bixic: “Rajawaxic chke chi are nabe cäkanimaj ri cubij ri Dios chke man are ta c'ut ri cäquibij ri winak.

Hechos 7:60

Xxuquic, xurak u chi' ruc' chuk'ab: “¡Ajawaxel majilaj la we mac ri' chquij!” Xbitaj c'u wa' rumal, xcämic.

Hechos 9:40

Are c'u ri Lu' xeresaj apan conojel. Xxuquic, xuban ch'awem ruc' Dios. Xca'y che ri cäminak, xubij c'ut: “¡Tabit, chatwalijok!” Xebujak c'ut ri e u bak'wäch, aretak xuca'yej ri Lu', xt'uyic.

Efesios 3:14

Rumal c'u ri', quinxuqui' chuwäch ri Tataxel.

Filipenses 1:14

E q'ui chque ri kachalal, aretak xquito chi in c'o pa che', sibalaj xquichajij anima' che u tzijoxic ri u tzij ri Dios man ruc' ta xe'n ib.

Filipenses 1:20

Je c'u quel na jas ri quinwaj. Cu'l nu c'u'x chi man quel ta nu q'uixbal, xane' quintzijon na camic jas ri amak'el nu banom, man quinxe'j ta wib. Jeri' cänimarisax na u k'ij ri Crist rumal ri quinban pa ri nu cuerp, we quinc'asi'c o we quincämic.

Filipenses 4:6

C'o jun jasach mixoc wi il, xane' chiya' ronojel chuwäch ri Dios pa ch'awem ruc' Dios; chixtz'onom che, chiya' c'u maltioxinic che xukuje'.

Colosenses 3:17

Apachique ri quibano o ri quibij, chibana' ronojel pa ri u bi' ri Ajawaxel Jesus, ruc' maltioxinic che ri Dios rumal ri are'.

Hebreos 13:15

Rumal ri' amak'el chujk'ijilan che ri Dios rumal ri Jesucrist. We k'ijilanic ri' are' ri tabal tok'ob ri rajawaxic cakachi'j. ¡Kak'ijilaj ba', cuc' tak ri e ka chi'!

Hebreos 4:16

Mäkaxe'j ba' kib, chujkeb chuwäch ri tem re ajawibal rech ri u tok'ob ri Dios, rech ri are' quil u c'u'x chke, cuban tok'ob chke che ka to'ic pa ri k'ij ri rajawaxic na chke.

Apocalipsis 2:10

Maxe'j awib chquiwäch ri c'ax ri carika' na. Chawilampe', ri itzel chanim quebuya' na jujun chiwe pa che', che c'ambejenic catoc'ow c'u na pa lajuj k'ij c'axc'ol. Chatux jic c'ä pa ri a cämical. Quinya' c'u na ri corona' re c'aslemal chawe.

Apocalipsis 2:13

Weta'm ri at jekel chila' jawije' ri c'o wi ri u tem ri Satanas re ajawibal. Pune' at c'o chila', man a tzokopim ta c'u ne ri nu bi', man awesam ta awib che ri a cojonic chwe. Xukuje' ne pa tak ri u k'ij ri Antips ri jicalaj nu k'alajisanel, ri xcämisax chixo'l, jawije' ri jekel wi ri Satanas.