Ri Daniel 5:23 - Quiché Bible

²³ Man je ta c'u banom la, xane' etz'ben c'u la u wäch ri Ajawaxel aj caj, xtak c'u la qui c'amic tak ri kumubal xukuje' ri nimak tak lak re ri rachoch ri Dios, junam c'ut cuc' ri e ula' la, e kumum la u wa'l uva, e quik'ijilam c'ut ri diosib ri e re k'an puak, sak puak, k'an ch'ich', räx ch'ich', che' xukuje' abaj; e diosib wa' ri man queca'y taj mawi quetanic, mawi c'o jas queta'm. Man c'u ne k'ijlan ta la ri Dios ri c'o wi ri c'aslemal la, che c'u cäpe wi ronojel ri cäban la.

Ri Daniel 5:23 ပူးပေါင်းရင်းမြစ်များ

Chapletajic 14:19

Xutewichi'j ri Abram, xubij: “Chatutewichi'j ri Dios aj chicaj, ri xbanow ri caj ulew;

Chapletajic 2:7

Are' c'u ri Ajawaxel are xucoj ri puc'uc' ulew che u nuq'uic ri achi, xuxlab c'u pa u tza'm xuya' c'u u c'aslemal. Jeri' ri achi xuchaplej c'aslemal.

Ucab Ajawinelab 14:10

Quinya' a k'ij chi xebach'äc ri aj edomib, are c'u cäbanow wa' chawe chi caban nimal. Utz ri', chana' awib chi nim a banic; are c'u utz na chi chatcanaj chupam ri awachoch. ¿Jasche are cawaj cac'am ulok u q'ueyowal pawi' xukuje' ri u q'ueyowal puwi' ri Juda?”

Ri Job 12:10

Pa ri u k'ab c'o wi ri u c'aslemal ronojel ti'jal c'aslic.

Ri Job 31:4

O ¿la xa man quebuca'yej ta ri Dios ri quinbano mawi queril ri u xo'l tak wakan chquijujunal?

Salmib 104:29

we cac'u' ri palaj la, caquixe'j quib; we quesaj la ri cuxlab quecämic quebux chi jumul ulew.

Salmib 115:16

Ri caj rech ri Ajawaxel, xuya' c'u ri ulew che ri winak.

Salmib 139:3

E eta'm la ronojel ri e u be wakan, ¡eta'm la ronojel ri quinbano!

Salmib 146:4

aretak c'u quecämic quetzelej kas pa ri puc'uc' ulew, kas c'u pa ri k'ij ri' quequitanaba' qui banic ri e qui banoj.

E C'ambal tak Tzij 20:24

Ri Ajawaxel cac'amow u be ri winak; man c'o ta jun reta'm taj ri kas cutaklebej na.

Ri Isaiy 13:11

Ri Ajawaxel cubij: “Quinc'äjisaj qui wäch ri winak cho ri uwächulew rumal ri itzelalaj qui c'aslemal, ri e banal tak etzelal cumal tak ri e qui il patan. Quinq'uis tzij puwi' ri cäquinimarisabej wi qui k'ij ri e banal tak nimal, quinkasaj na qui k'ij ri man coc ta tzij pa qui jolom xukuje' ri man c'o ta qui q'uixbal.

Ri Isaiy 14:13

Xachomaj pa ri awanima': ‘Quinpaki' c'ä chicaj quinya' ri nu tem re ajawibal paquiwi' ri e u ch'imil ri Dios quinet'uyul jela' naj pa ri riquiak'ab ri elebal k'ij, pa ri juyub ri cäquimulij wi quib ri diosib.

Ri Isaiy 2:12

pa ri k'ij aretak ri Ajawaxel ri c'o ronojel u cuinem cuyac rib chrij ronojel winak ri cuban nimal Xukuje' ri cunimarisaj rib, xukuje' chrij ronojel winak ri cuna' rib chi nim u banic, che u mach'irisaxic;

Ri Isaiy 33:10

Ri Ajawaxel cubij: “Camic quinyac wib; camic quinc'ut wib chi nim nu banic chi nim nu k'ij.

Ri Isaiy 37:19

xukuje' e qui porom ri e qui diosib pa k'ak', rumal rech chi kastzij we e diosib ri', man c'o ta qui patan, xa e che' o e abaj ri e banom cumal ri winak. Rumal ri' xecuin che u sachixic qui wäch.

Ri Isaiy 37:23

¿Jachin ri a yok'om xukuje' a yacom royowal? ¿Jachin che co a rakom wi a chi' xukuje' a yacom ri a bak'wäch chrij ruc' nimal? Chrij ri Tastalicalaj u Dios ri Israel.

Ri Isaiy 42:5

Ri Dios, ri Ajawaxel, ri xbanow ri caj xulic' c'ut, ri xnuc'uw ri ulew xukuje' ri c'o chuwäch, ri cuya' qui c'aslemal xukuje' cuxlab ri winak ri e jekel chuwäch, cubij c'u che ri pataninel rech:

Ri Jeremiy 10:23

Ajawaxel, weta'm chi ri winak man pa u k'ab taj c'o wi ri u c'aslemal, chi man c'o ta u takanic puwi' ri u binem.

Ri Jeremiy 48:26

Chi k'abarisaj ri Moab, rumal rech chi xuwalijisaj rib chrij ri Ajawaxel. Cuwolkotila' c'u na rib ri Moab chupam ri u xo'j xa' c'u cätzex chi u wäch cumal conojel.

Ri Jeremiy 50:28

(Winak ri xebanimaj ulok pa Babilon xebopan pa Sion caquitzijoj tak ri xuban ri Ajawaxel ri ka Dios chi u yo'm ri rajil u q'uexelal che ri Babilon rumal ri xuban are' che retzelaxic ri rachoch Dios.)

Ri Jeremiy 50:29

“¡Chebisiq'uij tak conojel ri e ajq'uiakal tak ch'ab rech quech'ojin ruc' ri Babilon! ¡Chisutij rij ri tinimit rech man c'o ta jun canimajic! ¡Chiya' rajil u q'uexel che jacha' ri takal che! ¡Junam chi bana' che jacha' ri xuban ri are'! Amak'el c'ut u walijisam rib chwij, chrij ri Ajawaxel, ri Tastalicalaj u Dios ri Israel.

Ri Ezequiel 28:17

Ri a je'lical xatnojisan che nimal; ri nimalaj a banic xetzelan ri a no'j. In xatinrokij cho ri ulew, xatinya' pa ri yok'ic chquiwäch tak ri ajawinelab.

Ri Ezequiel 28:2

“At, winak, chabij che ri ajawinel re Tir: ‘Are wa' ri cubij ri Ajawaxel: Ri awanima' xnoj che u banic nimal, are' c'u pa a c'u'x chi at jun dios ri t'uyul chupam ri qui tem re ajawibal ri diosib sutim awij rumal ri plo. Man at ta c'ut jun dios xane' at jun winak ri cuchomaj rib chi c'o ri u c'oxomanic jun dios ruc'.

Ri Ezequiel 28:5

Ruc' ri nimalaj a nawinic che ri c'ayinic xukuje' che ri lok'omanic e a q'uiyirisam tak ri a k'inomal, are c'u ri k'inomal banowinak chawe chi caban nimal.

Ri Ezequiel 31:10

‘Je ba' ri', are wa' ri cubij ri Ajawaxel: ri juwi' che' sibalaj naj xel chicaj chi ri u parunum xopan pa tak ri sutz'; sibalaj xq'uiyic chi xnoj che nimarisan ib.

Ri Daniel 11:12

Ri ch'äcanic ri xuriko xukuje' ri e q'uia tak c'ulel ri xecämic cänojisan na che u banic nimal, are c'u ri u chuk'ab man naj taj cäbeytajic.

Ri Daniel 4:37

Are c'u ri camic, in Nabucodonosor, quink'ijilaj, quinya' u k'ij xukuje' quinya' juluwem che ri Ajawinel re ri caj, rumal rech chi ronojel ri cubano are kastzij xukuje' suc', cäcuin c'u che qui mach'irisaxic ri cäquichomaj quib chi nimak qui k'ij.”

Ri Daniel 8:11

xuchap c'u ne u tzuric ri kas c'amal qui be we ajch'ojab ri; xuk'il u cojic ri tabal tak tok'ob ri quecoj k'ij chi k'ij, xutz'iloj ri c'olbal ri cäban wi ch'awem ruc' Dios.

Ri Habacuc 2:4

Chatz'ibaj chi ri e banal tak etzelal e banal tak nimal, e are' c'u ri suc' quec'asi' na rumal ri qui cojonic.”

Hechos 17:25

Ri are' man cäpatanix ta cumal winak, je ta ne ri c'o ta rajawaxic che. Are' c'ut ri cäyo'w chke konojel ri ka c'aslemal, are' cäyo'w ri quiakik', xukuje' ri niq'uiaj jastak chic.

1 Corintios 8:4

Chrij c'u ri wa ri cojom chquiwäch tak ri diosib, keta'm ri' chi jun dios man c'o ta u banic cho ri uwächulew, keta'm c'ut chi xuwi jun Dios c'olic.

1 Timoteo 3:6

Rajawaxic chi man c'ac' cojonel taj, rech munimarisaj rib, makaj ne ri c'okonic puwi' jas ri xkaj puwi' ri itzel.

Hebreos 4:13

Man c'o ta jun jasach banom ta cho ri uwächulew c'u'm ta chuwäch ri Dios. Conojel ri jastak e ch'anach'oj xukuje' e k'alaj chuwäch ri u bak'wäch ri Jun ri cäkabij wi na jas ri ka banom.

Apocalipsis 9:20

Ri jule' winak chic ri man xecämisax ta cumal we c'axc'olil ri', man xquiq'uex ta c'u ne ri qui c'u'x mawi xequitanaba' qui banic ri e itzel tak chac ri quequibano, mawi xquitanaba' ri qui k'ijilaxic ri itzel tak uxlabal xukuje' ri e diosib ri e re k'an puak, e re sak puak, e re k'an ch'ich', e re abaj xukuje' e re che'. Ri e diosib ri' man quecuin taj queca'yic, mawi quetanic, mawi quebinic.

K'atal tak Tzij 16:23

Ri c'amal tak qui be ri aj pilisteyib xquimulij quib, xquiban nimak'ij rumal ri qui ch'äcanic xukuje' xequiya' tabal tak tok'ob chuwäch ri qui dios Dagon. Xebixon c'ut: “Ri ka dios u jachom ri Sanson pa ka k'ab, ri Sanson ri ka c'ulel.”

Nabe Samuel 17:26

Ri David xuc'ot qui chi' ri e c'o pa u xcut, xubij chque: “¿Jas lo ri caya' na che ri achi ri cäcämisan we aj pilistey ri' cuyub c'ut ri u yok'ic ri Israel? ¿Jachin ta c'u ne wa' we pilistey ri' ri k'ijilal diosib rech quebutzur ri rajch'ojab ri c'aslic Dios?”

Nabe Samuel 17:36

Pune' ta c'u ne jun coj pune' ta c'u ne os, we pataninel ech la ri' cucämisaj. Are' c'ut we pilistey ri' ri k'ijilal tak diosib je cuc'ulmaj na, u mac rech chi e u tzurum ri e rajch'ojab ri c'aslic Dios.