Ri Daniel 5:2 - Quiché Bible

² Xch'ujar c'u ri u jolom rumal ri u wa'l uva, ri ajawinel Belsasar xtakan che qui c'amic tak ri kumubal xukuje' ri nimak tak lak re k'an puak xukuje' re sak puak ri xebuc'am ulok ri u tat Nabucodonosor chupam ri rachoch Dios ri c'o pa Jerusalen.

Ri Daniel 5:2 ပူးပေါင်းရင်းမြစ်များ

Ucab Samuel 9:7

Xubij ri David che: “Maxe'j ba awib, ri in quenbana' na utzil chawe che u nataxic ri Jonatan ri a tat. Quinya' na takanic chi quetzelex conojel ri rulew ri a mam Saul chawe, catwa' c'u na wuc' amak'el.”

Ucab Ajawinelab 24:13

Xuchaplej c'ut ri Nabucodonosor quesaxic conojel ri k'inomal ri e c'o chupam ri rachoch ri Ajawaxel xukuje' ri c'o chupam ri rachoch ri ajawinel je, jacha' ri u yo'm u bixic ri Ajawaxel, xebupaxij conojel ri jastak re k'an puak ri xebuban can ri Salomon ri ajawinel re Israel che ri rachoch ri Ajawaxel.

Ucab Ajawinelab 25:15

Ri qui nimal ajch'ojab xebuc'am bic conojel ri jastak re k'an puak xukuje' re sak puak: ri e yabal rachak k'ak' xukuje' ri e nimak tak lak.

Ucab Tzijobelil 11:20

Xc'uli' chi c'ut ruc' ri Maac, u mia'l ri Absalon, ri e u c'ojol e are' wa' ri Abiam, Atay, Ziz xukuje' ri Selomit.

Ucab Tzijobelil 15:16

Ri ajawinel As xukuje' xresaj ri u k'ij ri ajawinel ixok' nanaxel che ri Maac, ri rati't, rumal rech chi xutak u banic jun u wächbal ri Asera. Ri As xusachisaj u wäch we wächbal ri'; xuban ch'akatak che xuporoj c'u chuchi' ri alaj nima' Sedron.

Ucab Tzijobelil 36:10

Chquipam ri nabe tak ic' re ri junab, ri ajawinel Nabucodonosor xtakanic chi chc'am bic pa Babilon, junam cuc' tak ri e u choconisan ri rachoch ri Ajawaxel ri sibalaj pakal cajil, are c'u xucoj ri Sedequiy, ri c'o c'u'x che ri Joaquin che ajawinel puwi' ri Juda xukuje' Jerusalen.

Ucab Tzijobelil 36:18

Conojel ri chaconisabal ri c'o chupam ri rachoch Dios, chi nimak chi chutik, xukuje' tak ri k'inomal ri e c'o chupam ri rachoch Dios, ri u k'inomal ri ajawinel xukuje' ri quech ri e räch k'atal tak tzij, ronojel xuc'am bic ri cajawinel ri aj caldeyib aj Babilon.

Ri Esdras 5:14

Xeresaj c'u ne bic ri chaconisan ri e re k'an puak xukuje' e re sak puak ri e c'o chupam ri cachoch ri diosib ri c'o pa Babilon, e c'o c'u can wa' nabe chupam ri Rachoch ri Dios ri xc'oji' can pa Jerusalen, ri xeresaj bic ri Nabucodonosor chupam we Rachoch Dios ri' ri xebuc'am c'u bic pa Babilon. Xebujach c'ut pa u k'ab jun achi ri binam Sesbasar, ri u cojom che k'atal tzij.

Ri Jeremiy 27:7

Conojel ri nimak tak tinimit quec'oji' na chuxe' ri u takanic ri are', ri u c'ojol, ri ri' u mam, c'ä copan c'u na ri k'ij aretak ri u nimak tak tinimit cac'oji' na chquixe' ri qui takanic nimak tak tinimit xukuje' tak ajawinelab ri e c'o tak qui cuinem.

Ri Jeremiy 50:35

Ri Ajawaxel je cubij wa': “¡Ch'o'j che ri Babilon xukuje' chque ri e u winak! ¡Chque ri c'amal tak qui be xukuje' chque ri cajno'jab!

Ri Jeremiy 52:19

Junam xukuje' xuban, ri catakan paquiwi' ri chajinelab xebuc'am bic conojel ri jastak re k'an puak xukuje' ri e re sak puak: ri tzima' tak, ri yabal tak rachak k'ak', ri nimak tak lak ri c'ulbal tak chaj, ri tzuc'ulibal tak k'ak' ri nimak tak paq'uebal xukuje' tak ri kumubal ri quebajwataj che ri sipanic re u wa'l uva.

Ri Daniel 1:2

Ri Ajawaxel xuya' c'olbal chi ri Nabucodonosor xuyut ri Joasim, xukuje' niq'uiaj chque ri e u chaconisan ri rachoch Dios. Ri Nabucodonosor, xebuc'am c'u bic ri winak ri xekaj pa u k'ab pa Babilon, xebuya' c'ut ri tastalic tak chaconisan chquixo'l ri e u k'inomal ri cachoch ri e u diosib;

Ri Daniel 5:11

chi pa ri ajawibal la c'o jun achi ri c'amom u be rumal ri ruxlabal ri tastalicalaj Dios. Aretak ri tat la, c'o che ajawinel, we achi ri' xuc'utu chi c'o jun sakalaj u chomabal, ri c'o retamanic xukuje' u no'j e jacha' tak ri diosib. Rumal ri' ri ajawinel Nabucodonosor ri tat la, xucoj we achi ri' che c'amal qui be conojel ri ajk'ijab, ri ch'obonelab, ri ajno'jab xukuje' ri ajch'imilab ri e c'o pa ri nim tinimit,

Ri Daniel 5:13

Ri Daniel xc'am ulok chuwäch ri ajawinel, xc'ot c'u u chi' rumal ri ajawinel. “¿La at ri' ri Daniel, jun chque ri aj judeyib ri xyut ulok rumal ri nu tat Nabucodonosor pa Juda?

Ri Daniel 5:18

Ri Dios aj chicaj xuya' ri ajawinic xukuje' ri nimalil, juluwem xukuje' ri nimarisabal k'ij che ri Nabucodonosor, ri tat la.

Ri Daniel 5:23

Man je ta c'u banom la, xane' etz'ben c'u la u wäch ri Ajawaxel aj caj, xtak c'u la qui c'amic tak ri kumubal xukuje' ri nimak tak lak re ri rachoch ri Dios, junam c'ut cuc' ri e ula' la, e kumum la u wa'l uva, e quik'ijilam c'ut ri diosib ri e re k'an puak, sak puak, k'an ch'ich', räx ch'ich', che' xukuje' abaj; e diosib wa' ri man queca'y taj mawi quetanic, mawi c'o jas queta'm. Man c'u ne k'ijlan ta la ri Dios ri c'o wi ri c'aslemal la, che c'u cäpe wi ronojel ri cäban la.

Ri Daniel 5:3

Xec'am c'u ulok ri kumubal xukuje' c'u ri nimak tak lak, xebuq'uian c'u chquipam ri ajawinel ri e rixokil, ri man e kas ta e rixokilal, xukuje' conojel ri xec'oji' pa ri nimak'ij.

Ri Daniel 5:30

Kas pa ri ak'ab ri' xcämisax ri Belsasar, cajawinel ri aj caldeyib,

Ri Daniel 5:4

Conojel cacuq'uiaj u wa'l uva quequik'ijilaj c'ut ri e diosib, ri e re k'an puak, sak puak, k'an ch'ich', räx ch'ich', che', xukuje' e re abaj.