Ri Daniel 4:9 - Quiché Bible

⁹ ‘Beltsasar, c'amal qui be ri ch'obonelab, in weta'm chi ri ruxlabal ri tastalicalaj Dios cäc'amow a be, aweta'm c'u conojel ri c'utalic: chatatabej ba ri wilom pa ri nu wichic', chabij c'u chwe ri quel cubij.

Ri Daniel 4:9 ပူးပေါင်းရင်းမြစ်များ

Chapletajic 41:38

Xubij c'u ri ajawinel chque: “¿Jawije' ta cäkarik wi jun achi ri junam ta ruc' wa', ri c'o ri ruxlabal ri Dios ruc'?”

Ri Isaiy 33:18

Aretak cänataj ri xe'n ib chawe ri xatc'oji' wi na, cabij na: “¿Jawije' c'o wi ri cajilan tak ri alcabal? ¿Jawije' c'o wi ri quilow tak ri pajbal we e tz'akat? ¿Jawije' c'o wi ri cajilan tak ri tac'atak tak ja?”

Ri Isaiy 54:14

Ri suq'uil catucowirisaj na, man c'o ta chi c'ax cäriko mawi caxe'j chi awib, ri xibriquil man catresaj ta chi ch'u'j.

Ri Ezequiel 17:23

puwi' ri juyub ri c'o pa Israel ri sibalaj naj elinak chicaj. Quepe na u xak, cuya' na u wäch cux c'u na jun je'licalaj chacalte' ri sibalaj nim. Ronojel qui wäch awaj quejeki' na chuxe', ronojel qui wäch chicop ri c'o qui xic caquiban na qui soc xo'l tak ri u k'ab.

Ri Ezequiel 28:3

¿La xa' ta pa u are c'o na a no'j chuwäch ri Danel? ¿La xa' ta pu c'o jun jasach ri ma ta catcuin che u ch'obic?

Ri Daniel 1:20

Pa conojel ri jastak ri cajwataj wi no'j xukuje' c'oxomanic, chque tak wa' xc'ot wi qui chi' rumal ri ajawinel, xeburik c'ut chi c'o na lajuj mul ri qui no'j chquiwäch ri ajk'ijab xukuje' ri ch'obonelab ri e c'o pa ri rajawibal.

Ri Daniel 2:47

Xubij chi c'u na che ri Daniel: “Kastzij ri i Dios ix, are' ri nim na u k'ij chquiwäch ri niq'uiaj diosib chic; are' ri cajaw ri ajawinelab xukuje' are' ri cäk'alajisan tak ri c'utalic, atcuininak c'u ri at che u c'utunisaxic we c'utalic ri'.”

Ri Daniel 2:48

Xuya' c'u ri ajawinel jun nimalaj rekle'n ri Daniel xukuje' xebuya' je'licalaj tak sipanic che; xuya' c'u che chi cätakan puwi' ronojel ri ajawibal Babilon xukuje' xucoj che nimalaj c'amal qui be conojel ri ajno'jab ri e c'o pa ri nim tinimit ri'.

Ri Daniel 4:18

Are ichic' wa' ri in, ri ajawinel Nabucodonosor, xinwichic'aj. Chabij c'u chwe camic, Beltsasar, ri quel cubij, man c'o ta c'u jun chque ri ajno'jab ri e c'o pa ri wajawibal u ch'obom; are c'u ri at catcuin che u k'alajisaxic ri quel cubij, rumal rech chi c'o ri ruxlabal ri tastalicalaj Dios awuc'.’

Ri Daniel 4:5

Jun chak'ab c'ut, aretak in k'oyolic, xinban jun ichic' ri xinuxibij, chomanic tak xukuje' c'utwächinic ri xinquinojisaj che xe'n ib.

Ri Daniel 4:8

Chuq'uisbalil xopan ri Daniel, ri cäbix Beltsasar che, che u ya'ic u k'ij ri nu dios, ri c'amom u be ri u c'aslemal rumal ri ruxlabal ri tastalicalaj Dios, je c'u u tzijoxic wa' ri nu wichic' xinban che:

Ri Daniel 5:11

chi pa ri ajawibal la c'o jun achi ri c'amom u be rumal ri ruxlabal ri tastalicalaj Dios. Aretak ri tat la, c'o che ajawinel, we achi ri' xuc'utu chi c'o jun sakalaj u chomabal, ri c'o retamanic xukuje' u no'j e jacha' tak ri diosib. Rumal ri' ri ajawinel Nabucodonosor ri tat la, xucoj we achi ri' che c'amal qui be conojel ri ajk'ijab, ri ch'obonelab, ri ajno'jab xukuje' ri ajch'imilab ri e c'o pa ri nim tinimit,

Nabe Samuel 4:8

¡Tok'ob ka wäch! ¿Jachin ta ri cujto'wic rech ma ta cujkaj pu k'ab we Dios ri' ri sibalaj nim u chuk'ab? Are wa' xsachow qui wäch ri aj Ejipt pa ri chaki'j uwo sak cumal conojel qui wäch cämisanel yabil.