Ri Daniel 4:30 - Quiché Bible

³⁰ xubij: “¡Chiwila' chi sibalaj nim ri Babilon! In, ruc' ri nimalaj nu cuinem xinyaco che u chuch ri wajawibal, rech quebenya' can c'utbal rech ri nu nimalil.”

Ri Daniel 4:30 ပူးပေါင်းရင်းမြစ်များ

Chapletajic 10:10

Ri e tinimit tak ri xtakan wi ri Nimrod are ri Babel, ri Erec, ri Acad, ri Calne, ri e c'o pa Sinar.

Ri Ester 1:4

xa che u c'utic ri u k'inomal chquiwäch xukuje' ri u nimalil ri rajawinic xukuje' ri juluwemalaj u cuinem ri man c'o ta c'o wi. Ri nimak'ij xbeytaj wakib (8) ic',

Salmib 104:1

¡Quintewichi'j na ri Ajawaxel ruc' ronojel ri nu c'aslibal! ¡Sibalaj lal nim banic la, Ajawaxel xukuje' nu Dios! Atz'iakim ib la ruc' juluwem xukuje' nim ilic;

Salmib 49:20

Ri winak man cach'obon taj, pune' sibalaj k'inom; chi xak junam ri u cämic cuc' tak ri awaj.

Salmib 73:8

Ruc' etz'ben wächaj, banoj nimal, man c'o ta q'uixbal caquicoj xib che u banic etzelal xukuje' tokinic;

E C'ambal tak Tzij 11:2

Ri nimarisan ib cuc'am ulok esbal q'uixbal; ri no'j cäc'oji' cuc' ri e mach'amoj.

E C'ambal tak Tzij 16:18

Chrij ri nimal, cäpe ri tzakmajic; chrij ri nimarisan ib, ri tzakic.

E C'ambal tak Tzij 29:23

Ri cuban nimal cämach'irisaxic, are' c'u ri u mach'om rib cänimarisax u k'ij.

Ri Isaiy 13:19

Ri Babilon ri qui perl ri nimak tak tinimit, wikbal quib xukuje' nimarisabal qui k'ij ri aj caldeyab, cux na jacha' ri Sodom xukuje' ri Gomor aretak cäsachtaj u wäch wumal.

Ri Ezequiel 29:3

Chabij che: ‘Are wa' cubij ri Ajawaxel: In quink'alajisaj wib chi in c'ulel chawe paraon, ajawinel pa Ejipt, jilijicalaj juyubal awaj ri a k'oyobam awib chupam ri a nima' cabij c'ut: Ri Nil wech in, in xinbanowic.

Ri Daniel 4:31

C'ä cätajin cätzijon ri ajawinel aretak xtataj jun ch'abal chicaj, ri xubij: “Chatatabej wa', ajawinel Nabucodonosor. Ri awajawibal man awech ta chic;

Ri Habacuc 1:11

Queboc'owic jacha' jun quiakik' jäb, man c'o ta dios caquiya' ta u k'ij xane' xuwi ri qui chuk'ab.”

Ri Lucax 14:11

Conojel c'u ri cäquinimarisaj quib, cäkasax na qui k'ij. Apachin c'u ri man cunimarisaj ta rib, cänimarisax na u k'ij.”

Ri Lucax 14:9

Cäpe c'u ne ri xixsiq'uinic, cubij chawe: ‘Chaya' ri a c'olbal che we jun ri'.’ C'äte ri' catq'uixic, catbec, cac'am ri c'olbal ri man nim ta u banic.

1 Corintios 10:31

Je c'u ri', we quixwa'ic, we quixuq'uianic, o we c'o jun jasach chic quibano, chibana' ronojel che u nimarisaxic u k'ij ri Dios.

1 Pedro 5:5

Xukuje' ri ix ri c'ä ix ac'alab k'apoj, c'ojolab, chiya' iwib pa takic chque ri quetakan pa ri comon cojonelab. Iwonojel chipatanila' iwib, minimarisaj iwib. Rumal rech chi cubij: “Ri Dios quebuc'ulelaj ri winak ri nimak cäquina' quib, cuban c'u tok'ob chque ri e mach'amoj.”

Apocalipsis 14:8

Petinak chi c'u jun ucab tako'n aj caj chrij, ri je cubij wa': “¡Tzakinak, tzakinak ri nimalaj Babilon, ri rumal ri u wa'l ri u uva xebuk'abarisaj conojel ri nimak tak tinimit ruc' ri nimalaj qui rayinic che qui banic macunic ruc'!”

Apocalipsis 16:19

Xuban oxib ch'akatak ri nimalaj tinimit. Xetzak ri qui tinimit tak ri amak'. Ri nimalaj Babilon xnataj che ri Dios. Xuya' c'u re ri kumubal u wa'l uva, are ri c'äjisabal u wäch ri xtak ulok rumal ri Dios pa ri royowal.

Apocalipsis 17:5

C'o jun bi'aj tz'ibatal cho ri u metz'al ri u palaj, jun awatalic wa': “Ri nimalaj Babilon, qui nan ri quemacun cuc' ri e nimak ch'utik, xukuje' qui nan conojel ri itzelalaj tak jastak ri e tz'il ri e c'o cho ri uwächulew.”

Apocalipsis 18:10

E tac'atoj c'u apan chi naj, rumal rech chi cäquixe'j quib chuwäch ri c'ax ri xuriko, cäquibij: “¡C'ax awe, c'ax awe, nimalaj tinimit, Babilon, ri tinimit ri c'o u chuk'ab! Xa' c'u pa jun jok'otaj xpe ri k'atan tzij pawi'.”

Apocalipsis 18:21

Jun cowilaj tako'n aj caj xuwalijisaj jun abaj jas jun nimalaj ca', xuq'uiak bic pa ri plo, xubij: “Je u q'uiakic wa' ri nimalaj tinimit Babilon cäbanic ruc' chuk'ab, mawi jumul cäriktaj chic.