Ri Daniel 4:3 - Quiché Bible

³ ¡Sibalaj e nimak ri e u cajmajibal xukuje' ri e u mayibal! Ri rajawinic man c'o ta u q'uisic, ri u cuinem cätaken na ija'lil chi ija'lil.

Ri Daniel 4:3 ပူးပေါင်းရင်းမြစ်များ

Ri Job 25:2

ri are' cujekeba' ri jamaril pa ri caj.

Salmib 104:24

¡E joropa' ri jastak ri e banom la Ajawaxel! Conojel xeban la ruc' no'j; ¡ri uwächulew nojinak che ronojel ri q'uiyisam la!

Salmib 105:27

ri e are' xequiban tak ri e u mayibal ri Dios chupam ri chaki'j uwo sak: ¡nimak tak mayibal xquiban pa ri rulew ri Cam!

Salmib 145:13

Ri ajawibal la are jun ajawibal re chbe k'ij sak, ri k'ijinic la re k'ij junab.

Salmib 66:7

Ruc' ri u cuinem cuk'at tzij chbe k'ij sak; ri u bak'wäch quebuyuxlej ri nimak tak tinimit rech ri man caraj ta ch'abexic man caquiwalijisaj ta quib chrij.

Salmib 72:18

Tewichital ri Dios, ri Ajawaxel, ri u Dios ri Israel, xuwi' c'u ri are' cuban nimak tak jastak;

Salmib 77:19

Xjak ri be la chupam ri plo; xeramij la nimak tak ja', man c'o ta c'u jun xrikow ta ri retal ri akan la.

Salmib 86:10

Xuwi c'u ri lal lal Dios; ¡nim banic la xukuje' queban la tak mayibal!

Salmib 92:5

Oh Ajawaxel, sibalaj e nimak jastak ri e banom la, sibalaj man cäch'obtaj ta ri chomanic la.

Ri Isaiy 25:1

Ajawaxel, lal ri nu Dios in quinya' k'ij la xukuje' quintewichi'j ri bi' la, rumal rech chi esam la ri mayibalalaj tak chomanic la chi sak, e jic xukuje' co e jekelic kas e ojer ulok.

Ri Isaiy 28:29

Je c'u cuban ri Ajawaxel wa' ri c'o ronojel u cuinem che u banic ri cuchomaj. Ri are' e c'o mayibalalaj tak u chomanic, quebuban c'u na ruc' nimalaj no'j.

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Ri Jeremiy 10:10

Ri Ajawaxel, are ri' ri kas Dios, ri c'aslic Dios, ri junalic ajawinel. Aretak coyowaric, cayicop ri uwächulew ri nimak tak tinimit man caquich'ij ta u coch'ic ri royowal.

Ri Daniel 2:2

Xtakan c'u che qui siq'uixic tak ri ajk'ijab, ch'obonelab, itzinelab xukuje' ajno'jab, rech quequik'alajisaj ri richic'. Xepe c'u conojel wa' xeboc chuwäch ri ajawinel,

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Daniel 4:17

Are c'u c'äjisabal wächaj wa' ri xquiya' u bixic ri tastalicalaj tak tako'n yuxlenelab, rech conojel ri winak chquetamaj chi ri Dios ri sibalaj chicaj c'o wi ri c'o u cuinem paquiwi' ri ajawinic aj winak chi are' cuya' ri ajawinic jachin che ri craj cuya' wi, cuban c'u che jun winak ri sibalaj man nim ta u k'ij chi cux c'amal u be jun nim tinimit.

Ri Daniel 7:14

Xeya' c'u ri cuinem che, ri juluwem xukuje' ri ajawibal, xukuje' winak que conojel ri nimak tak tinimit xukuje' tak ch'abal quepatanin c'u che. Ri u cuinem man c'o ta u q'uextajic, ri rajawinic mawi jubik' cäsachisax ta u wäch.

Ri Daniel 7:27

Ri ajawinic, ri cuinem xukuje' ri juluwem que conojel ri ajawibal ri e c'o cho ri uwächulew, queya' na che ri u tinimit ri Dios aj chicaj. Ri rajawinic cäjeki' na chbe k'ij sak, conojel c'u ri tinimit re ri uwächulew quepatanin na che xukuje' queniman na che.’

Romanos 11:33

¡Sibalaj nim ri u k'inomal ri Dios! ¡Sibalaj nim ri u no'j! ¡Sibalaj nim ri retamabal! Man c'o ta jun cäch'obow ri u chomanic. Man c'o ta jun cäcuin che retamaxic ri cuban ri Dios.

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

1 Timoteo 1:17

Ri Dios are ri Ajawinel chbe k'ij sak, man cäsach ta u wäch, man quilitaj ta u wäch. Ri are xa' jun Dios, man c'o ta chi jun. Chnimarisax u k'ij, chyok juluwem che amak'el chbe k'ij sak. Je chbanok.

Hebreos 1:8

Che c'u ri C'ojolaxel cubij wi: “Ri a tem re ajawibal, oh Dios, amak'el chbe k'ij sak man q'uisel taj. Bara' re suq'uil ri u bara' ri awajawinic.

Hebreos 2:4

Jeri' ri Dios xuk'alajisaj chi kastzij, xebuban etal, mayibal, xukuje' ronojel u wäch nimak tak chac rumal, xujach ri Uxlabaxel chque ri winak jas ri u rayibal.

1 Pedro 4:11

We c'o jun cätzijonic, je chtzijonok jas ri e u tzij ri Dios. We c'o jun cäpataninic, chpataninok je jas ruc' ri cuinem ri cuya' ri Dios. Jeri' pa ronojel cänimarisax u k'ij ri Dios rumal ri Jesucrist, ri nim u k'ij xukuje' ri c'o u cuinem amak'el chbe k'ij sak. Je chbanok.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”