Ri Daniel 4:26 - Quiché Bible

²⁶ Ri takanic chi queya' can pa ri ulew ri u cuta'mil xukuje' ri e u ra'b, quel cubij chi cätzelex na che la, ri ajawinic aretak ch'obom chi la chi ri Dios are ri c'o u cuinem.

Ri Daniel 4:26 ပူးပေါင်းရင်းမြစ်များ

Ri Daniel 2:18

rech cäquitz'onoj to'banic che ri Dios ri c'o pa ri caj puwi' we c'ulmatajic ri' rech man quecämisax ta junam cuc' ri niq'uiaj ajno'jab aj Babilon.

Ri Daniel 2:19

Pa ri ak'ab ri' ri awatalic xc'utunisax chuwäch ri Daniel pa jun c'utwächinic, rumal c'u wa' ri Daniel xutewichi'j ri Dios ri c'o pa ri caj

Ri Daniel 2:37

Ri lal, are' ri sibalaj lal nim na chquiwäch conojel tak ri ajawinelab, rumal rech chi are' ri Dios ri c'o pa ri caj yowinak ajawinic che la, ri cuinem, ri chuk'ab, ri u nimarisaxic k'ij la.

Ri Daniel 4:15

Chiya' c'u can ri u cuta'mil pa ri ulew xukuje' tak ri u ra'b; co c'u chixima' cuc' tikom tak räx ch'ich' xukuje' re k'an ch'ich', chiya' can chila' xo'l tak ri k'ayes ri c'o pa ri juyub. Chakaj ri räxk'ab puwi', chcanaj xo'l tak ri k'ayes cuc' ri juyubal tak awaj pa ri juyub.

Ri Daniel 4:23

Xil la, xukuje' chi jun tastalicalaj tako'n yuxlenel xkaj ulok chicaj xubij c'ut: Chikasaj ri juwi' che', chisachisaj c'u u wäch, chiya' can ri u cuta'mil xukuje' ri e u rab pa ri ulew; co chixima' cuc' tak tikom räx ch'ich' xukuje' re k'an ch'ich', chiya' c'u can xo'l tak ri k'ayes re ri juyub. Chkaj ri räxk'ab puwi' chutija' c'u re ri k'ayes re ri juyub cuc' tak ri awaj wukub junab.

Ri Daniel 4:31

C'ä cätajin cätzijon ri ajawinel aretak xtataj jun ch'abal chicaj, ri xubij: “Chatatabej wa', ajawinel Nabucodonosor. Ri awajawibal man awech ta chic;

Ri Daniel 4:37

Are c'u ri camic, in Nabucodonosor, quink'ijilaj, quinya' u k'ij xukuje' quinya' juluwem che ri Ajawinel re ri caj, rumal rech chi ronojel ri cubano are kastzij xukuje' suc', cäcuin c'u che qui mach'irisaxic ri cäquichomaj quib chi nimak qui k'ij.”

Ri Daniel 5:20

Aretak c'u xoc ri u banic nimal pa ranima', xoc che qui banic ri conil ruc' nimarisan ib, xesax ri cuinem pu k'ab xukuje' ri juluwem ri c'o ruc', jacha' chi ajawinel.

Ri Daniel 5:21

Xesax chquixo'l ri winak xq'uextaj che u q'uexwäch jun awaj; xc'oji' cuc' ri juyubal tak bur, xutij k'ayes jacha' ri cäquiban ri wacax are c'u ri räxk'ab xch'akaban ri u cuerp, c'ä xuch'ob na u wäch ri Dios ri sibalaj aj chicaj, ri c'o u cuinem paquiwi' conojel ri ajawibal aj winak are' c'u ri are cäyo'w ri u c'amic u be ri k'atan tzij che jachin ri craj cuya' wi.

Ri Matey 21:20

Ri u tijoxelab, aretak xquilo, xquimayo, xquibij: “¿Jasche chanim xchaki'jar ri u che'al higo?”

Ri Matey 5:34

Are c'u ri in quinbij chiwe: Miban jun chi'nic ri kas cäban na pa u bi' apachique jasach. Micoj ri caj che u banic ri chi'nic ri kas cäban na, rumal rech chi are u tem ri Dios.

Ri Lucax 15:18

Quinwalijic, quinbe na ruc' ri nu tat, quinbij c'u na che: ‘Tat, in macuninak chuwäch ri Dios xukuje' chwäch la.

Ri Lucax 15:21

Ri u c'ojol xubij che: ‘Tat, in macuninak chuwäch ri Dios xukuje' chwäch la. Man takal ta chic cäbij ta c'ojol la chwe.’