Ri Daniel 4:19 - Quiché Bible

¹⁹ Are c'u ri Daniel, ri cäbix Beltsasar che, xcanaj jok'otaj che chomanic, u xibim rib cumal tak ri chomanic ri xepe pa u jolom. Are c'u ri in, ri ajawinel xinbij che ri Beltsasar, ‘matoc il che ri ichic' ri nu banom, mawi che ri quel cubij.’ Ri Beltsasar xubij che ri ajawinel: ‘¡Ay, ronojel ta ri quel cubij ri ichic', chkaj ta paquiwi' ri e c'ulel la!

Ri Daniel 4:19 ပူးပေါင်းရင်းမြစ်များ

Chapletajic 31:35

Ri Raquel xubij che ri u tat: “Tat, mape oyowal la we man quinwalij chwäch la, xa cätajin cäkaj ri nu yab camic.” Sibalaj c'u xebutzucuj ri Laban ri u c'u'x u k'inomal, man xcuin ta c'u che qui rikic.

Chapletajic 32:18

Chabij che: ‘Are jun sipanic ri takom ulok che la wajaw Esau rumal ri Jacob ri cumach' rib chwäch la. Teren c'u ulok ri are' chkij.’ ”

Chapletajic 40:12

Xubij ri Jose che: “Ri xawichic'aj je cubij wa': ri oxib u k'ab ri uva quel cubij oxib k'ij,

Nabe Ajawinelab 18:7

C'o chic pa ri be xel ulok ri Eliy che u c'ulaxic ri Abdiy, aretak xuch'ob u wäch xumej rib chuwäch, xurak u chi': “¡Are ba' ri wajaw Eliy!”

Elem 32:32

Quintz'onoj tok'ob che la chi cäsach la qui mac, we c'u man caj la cäsach la qui mac, chesaj la ri nu bi' chupam ri wuj ri tz'ibam la.”

Ri Jeremiy 29:7

Chixchacun che u lok'exic ri tinimit ri ix nu c'amom wi ulok, chi tz'onoj c'u tok'ob chwe puwi', rumal rech chi che ri rutzil qui c'am wi ri utzil chiwe.

Ri Jeremiy 4:19

¡Quinbak'atij wib che k'oxomal! ¡Ri wanima' cätic na ruc' aninakil! ¡Quinelch'u'j, man cuya' taj quitz'apij ri u pa nu chi'! Xinta' jun rok'ibal trompet, jun rakoj chi'aj re ch'o'j.

Ri Daniel 1:7

ri xq'uex ri qui bi' rumal ri c'amal be chupam ri rachoch ri ajawinel: ri Daniel xucoj Beltsasar che u bi'; ri Hananiy, Sadrac; ri Misael, Mesac; are' c'u ri Azariy, Abed-neg.

Ri Daniel 2:26

Xubij c'u ri ajawinel che ri Daniel ri cäbix Beltsasar che: “¿La catcuin chubixic chwe ri xinwichic'aj, xukuje' ri quel cubij ri nu wichic'?”

Ri Daniel 2:37

Ri lal, are' ri sibalaj lal nim na chquiwäch conojel tak ri ajawinelab, rumal rech chi are' ri Dios ri c'o pa ri caj yowinak ajawinic che la, ri cuinem, ri chuk'ab, ri u nimarisaxic k'ij la.

Ri Daniel 4:24

Ri quel cubij wa' are ri c'äjisabal wächaj ri u yo'm u bixic ri Dios ri sibalaj aj chicaj ri cac'ulmaj na la.

Ri Daniel 5:12

c'o c'u ya' ruc' ri Daniel, ri xcoj Beltsasar che u bi', rumal ri ajawinel, jun uxlabal ri man c'o ta c'o wi ri c'o retamanic xukuje' u no'j che qui ch'obic ri quel cäquibij ri ichic', che qui k'alajisaxic ri jastak ri man e ch'obel taj. Siq'uij ba' la ri Daniel, are c'u ri are' cäyo'w na retamaxic ri tz'ibatal chuwäch ri tapia.”

Ri Daniel 5:18

Ri Dios aj chicaj xuya' ri ajawinic xukuje' ri nimalil, juluwem xukuje' ri nimarisabal k'ij che ri Nabucodonosor, ri tat la.

Ri Daniel 5:19

Rumal ri cuinem ri xuya' pa u k'ab, winak que conojel tak ri tinimit, nimak tak tinimit, xukuje' tak ch'abal, nim xquil wi xukuje' xebirbit chuwäch. Ri are' cucämisaj o cuc'asba' jachin ri craj; jujun cuya' nimak tak quekle'n jujun chic quebumach'irisaj.

Ri Daniel 7:15

Ri in Daniel, xinna' chi xoc ri xe'n ib chwe; sibalaj xinoc il che ronojel ri xinwilo,

Ri Daniel 7:28

Are wa' ri u q'uisbalil ri tzijobelil. Are c'u ri in Daniel, sibalaj xinoc can il xukuje' xinsakmaquic; man c'o ta c'u jun jasach re ri c'utwächinic xinbij ta che jachin jun.”

Ri Daniel 8:27

In, Daniel, xinna' chi man e c'o ta chic nu chuk'ab, q'ui k'ij xinyawajic. C'äte chi c'u xinwalijic, xintakej chi c'ut ri patanijic pa ri k'atbal tzij re ri nim tinimit. Sibalaj c'u in oquinak il che ri c'utwächinic ri wilom, man quincuin ta c'u che u ch'obic.”

Ri Habacuc 3:10

Ri tacatak tak juyub queyicopic aretak quil la cumal; quetzokopitaj ulok ri nimak tak jäb cho ri caj, ri choalaj plo cäjininic ri u jininem quebuyac c'ut ri nimak tak u rekbala'.

Nabe Samuel 1:15

Man je ta ri' tat,” xcha' ri Na'. “Man rumal ta rech chi nu kumum ta u wa'l uva mawi jun uq'uia' ri k'obisam, xane' xa c'axc'obinak ri wanima' cätajin c'u quinjamij ri nu c'axc'ol chuwäch ri Ajawaxel.

Nabe Samuel 24:8

Xteri' chi c'u ulok ri David chrij xel ulok pa ri pec, xurak c'u u chi' che, xubij: “¡Wajaw, ajawinel!” Xca'y c'u ri Saul chrij, are c'u ri David xumej rib c'ä cho ri ulew che u c'utic chi nim caril wi ri Saul,

Nabe Samuel 26:15

Ri David xubij che: “¿La ma ta at ri' ri achi pa Israel ri man c'o ta jun cajunamataj ta awuc'? ¿Jas c'u che man achajim ri awajaw ri ajawinel? Jun aj tinimit opaninak ruc' ri xuchomaj u cämisaxic.

Nabe Samuel 3:17

Ri Eli xuc'ot u chi' xubij che: “¿Jas ri u bim ri Ajawaxel chawe? Catinbochi'j chi chabij ronojel chwe. ¡Chnimalaj c'u chc'äjisax a wäch rumal ri Dios we c'o jas cac'u' can che ri xubij chawe!”