Ri Daniel 4:14 - Quiché Bible

¹⁴ ri co xurak u chi' je xubij wa': Chikasaj ri juwi' che, chebit'oyo tak ri u k'ab, chebijolij tak ri u xak chebijabuj tak ri e u wächinic. Chebanimaj tak ri juyubal tak awaj ri e c'o chuxe' ri u mu'jal xukuje' tak ri chicop ri e c'o ri qui xic' ri e c'o pa tak ri u xak.

Ri Daniel 4:14 ပူးပေါင်းရင်းမြစ်များ

Ri Job 24:20

Cäsach na pa u jolom ri kas u nan; catijow na cumal ri xjut, man c'o ta chi c'u jun canatanic. Ri itzel winak catzak na jacha' ri juwi' che' ri quetom.

Ri Jeremiy 27:5

Ruc' nimalaj u liq'uic cuinem xinban ri uwächulew, ri winak xukuje' ri awaj ri e c'o puwi', quincuin c'ut quinya' che apachin che ri quinwaj wi.

Ri Jeremiy 51:6

¡Chixanimajok chixel bic pa Babilon! ¡Cato'tajisaj rib jachin ri cäcuinic! ¡Mixcäm rumal ri u mac ri are'! Are k'ijol wa' rech ri nu yo'w q'uexelal, quintoj c'u na che jacha' ri takal che.

Ri Jeremiy 51:9

E kacojom chi tak cunabal che ri Babilon, man c'u xcunataj taj. ¡Chiya' canok! Chujel bic waral, chijujunal jix pa ri i tinimit, ri il c'ut ri u banom copan c'ä chicaj, cawalijic copan c'ä pa tak ri sutz'.

Ri Ezequiel 31:10

‘Je ba' ri', are wa' ri cubij ri Ajawaxel: ri juwi' che' sibalaj naj xel chicaj chi ri u parunum xopan pa tak ri sutz'; sibalaj xq'uiyic chi xnoj che nimarisan ib.

Ri Daniel 2:21

Ri are' quebuq'uex ri k'ijaric xukuje' tak ri k'ijol; queresaj xukuje' quebucoj tak ajawinelab, cuya' qui no'j tak ri ajno'jab xukuje' qui c'oxomabal ri quec'oxomanic.

Ri Daniel 3:4

Ri cojom che u ya'ic u bixic ri u chapletajic ri nimak'ij, xuya' takanic ruc' rakoj chi'aj, xubij: “Chixtatabenok, winak que conojel tak ri tinimit, nimak tak tinimit xukuje' tak ch'abal:

Ri Daniel 4:12

Ri e u xak sibalaj e je'lic xukuje' sibalaj q'ui ri u wächinic, ri cubana' che qui tzukic conojel. Ri juyubal tak awaj quec'oji' chuxe' ri u mu'jal, cäquiban qui soc tak ri chicop ri e c'o ri qui xic' xo'l tak ri u k'ab, are c'u ri u c'aslemal ronojel ri uwächulew che elinak wi.

Ri Daniel 4:23

Xil la, xukuje' chi jun tastalicalaj tako'n yuxlenel xkaj ulok chicaj xubij c'ut: Chikasaj ri juwi' che', chisachisaj c'u u wäch, chiya' can ri u cuta'mil xukuje' ri e u rab pa ri ulew; co chixima' cuc' tak tikom räx ch'ich' xukuje' re k'an ch'ich', chiya' c'u can xo'l tak ri k'ayes re ri juyub. Chkaj ri räxk'ab puwi' chutija' c'u re ri k'ayes re ri juyub cuc' tak ri awaj wukub junab.

Ri Daniel 4:29

Jun junab oc'owinak, aretak cätajin c'u cäwacat ri ajawinel puwi' ri rachoch pa Babilon,

Ri Daniel 5:20

Aretak c'u xoc ri u banic nimal pa ranima', xoc che qui banic ri conil ruc' nimarisan ib, xesax ri cuinem pu k'ab xukuje' ri juluwem ri c'o ruc', jacha' chi ajawinel.

Ri Daniel 5:21

Xesax chquixo'l ri winak xq'uextaj che u q'uexwäch jun awaj; xc'oji' cuc' ri juyubal tak bur, xutij k'ayes jacha' ri cäquiban ri wacax are c'u ri räxk'ab xch'akaban ri u cuerp, c'ä xuch'ob na u wäch ri Dios ri sibalaj aj chicaj, ri c'o u cuinem paquiwi' conojel ri ajawibal aj winak are' c'u ri are cäyo'w ri u c'amic u be ri k'atan tzij che jachin ri craj cuya' wi.

Ri Matey 3:10

Camic yo'm chic ri icäj che qui t'oyic bic ri che' c'ä chaquixe'. Ronojel che' ri man cuya' ta utzalaj u wächinic, cächoy na, cäq'uiak pa ri k'ak'.

Ri Matey 7:19

Ronojel che' ri man cuya' ta utzalaj u wächinic, cächoy na bic, cäq'uiak pa k'ak'.

Ri Lucax 3:9

Camic yo'm chic ri icäj chquixe' tak ri che'. Ronojel c'u che' ri man cuya' ta utzalaj u wächinic, cächoy bic, cäq'uiak pa k'ak'.”

Apocalipsis 10:3

Xurak u chi' ruc' nimalaj chuk'ab, jacha' aretak cawun ri coj. Aretak xurak u chi', wukub cakulja xquicoj ri qui ch'abal.

Apocalipsis 18:2

Xurak u chi' ruc' cowilaj ch'abal, xubij: “Xtzakic, xtzak ri nimalaj Babilon. Xban che chi itzel tak uxlabal e jekel chila'. Xban che chi are c'olbal re ronojel tz'ilalaj uxlabal, re ronojel tz'ilalaj chicop ri c'o u xic ri quetzelax u wäch.