Ri Daniel 3:15 - Quiché Bible

¹⁵ ¿La quiya' i tzij chi xuwi quita' ri cok'ebal tak ri k'ojom, quimej iwib chuwäch ri u wächbal winak ri nu takom u banic, quik'ijilaj c'ut? We c'u man quik'ijilaj kas pa ri jok'otaj ri' quixq'uiak na pa ri jorno ri cabac'ow k'ak' chupam; ¿Jachin ta c'u ri dios ri cäcuin ta che i to'ic?”

Ri Daniel 3:15 ပူးပေါင်းရင်းမြစ်များ

Ucab Ajawinelab 18:35

¿Jachin chque jun chque conojel ri qui diosib tak we ulew ri' ri xcuintaj xuto'tajisaj taj ri u winak ri ma ta xkaj pa u k'ab ri ajawinel re Asiriy? ¿Jas c'u che qui chomaj chi ri Ajawaxel cacuinic cuto'tajisaj ri Jerusalen?”

Elem 32:32

Quintz'onoj tok'ob che la chi cäsach la qui mac, we c'u man caj la cäsach la qui mac, chesaj la ri nu bi' chupam ri wuj ri tz'ibam la.”

Elem 5:2

Xubij c'u ri ajawinel che ri Moises: “¿Jachin ri' ri Ajawaxel rech quinnimaj ri cubij, quebentzokopij ta c'u bic ri aj israelib? Man weta'm ta u wäch ri Ajawaxel, mawi quebentzokopij ta bic ri aj israelib.”

Ri Isaiy 37:23

¿Jachin ri a yok'om xukuje' a yacom royowal? ¿Jachin che co a rakom wi a chi' xukuje' a yacom ri a bak'wäch chrij ruc' nimal? Chrij ri Tastalicalaj u Dios ri Israel.

Ri Daniel 2:47

Xubij chi c'u na che ri Daniel: “Kastzij ri i Dios ix, are' ri nim na u k'ij chquiwäch ri niq'uiaj diosib chic; are' ri cajaw ri ajawinelab xukuje' are' ri cäk'alajisan tak ri c'utalic, atcuininak c'u ri at che u c'utunisaxic we c'utalic ri'.”

Ri Daniel 2:9

Rumal ri', we c'u man quitzijoj chwe ri xinwichic'aj, xa' junam c'äjisabal wächaj quikajbej na, i junam c'u i tzij che qui bixic banoj tak tzij chwe xukuje' tak cawächibal, quiweyej c'ut chi queq'uextaj tak ri c'ulmatajic. Chitzijoj ba ri ichic' chwe, je c'u ri' quinwetamaj na chi quixcuin che u k'alajisaxic ri quel cubij ri xinwichic'aj.”

Ri Daniel 3:17

“Ri ka Dios, ri cäkak'ijilaj, cäcuinic cujuto'tajisaj na man c'o ta cuban na ri rak' ri k'ak' ri c'o chupam ri jorno xukuje' chuwäch ronojel ri c'ax ri caj la cäban la chke, cujuto'tajisaj c'u na.

Ri Daniel 6:16

Xtakan c'u ri ajawinel che u c'amic ulok ri Daniel, che u q'uiakic chupam c'olbal ri e c'o wi ri coj. C'ä majok c'u chq'uiak ri Daniel pa qui chi' ri coj, ri ajawinel xubij che ri Daniel: “Are ri a Dios, ri sibalaj jic u patanixic cabano, chatcolowok.”

Ri Daniel 6:20

Aretak nakaj chi c'o wi ri ajawinel, ruc' bis xusiq'uij ri Daniel, je xubij wa: “Daniel, pataninel rech ri c'aslic Dios, ¿la xcuin ri a Dios che a to'ic pa qui chi' ri coj?”

Ri Matey 10:19

Aretak c'ut quixquijach na pa qui k'ab ri k'atal tak tzij, mixoc il che ri quibij na o jas u bixic quibij na, aretak c'u copan ri jok'otaj che ri tzijonem, cäyataj na chiwe jas ri qui bij na.

Ri Matey 27:43

Ri are u cu'bisam u c'u'x chrij ri Dios. Chesax rumal ri Dios camic cho ri ripibal, we utz ruc'. ‘In u C'ojol ri Dios’, xcha' c'ut.”

Marcos 13:11

Aretak quixc'am na bic chquiwäch ri k'atal tak tzij, mixe'j iwib, michomaj bic jas ri quibij na. Xane' chitzijoj jas ri cäya' na chiwe pa ri jok'otaj ri'. Man ix ta c'ut ri quixtzijonic, xane' are ri Ruxlabal ri Dios.

Ri Lucax 12:11

Aretak quixc'am bic chquiwäch ri winak pa tak ri ja ri cäquitijoj wi quib ri aj judeyib che ri pixab, chquiwäch ri c'o qui takanic, chquiwäch k'atal tak tzij, mixoc il che jas quiban na che u to'ic iwib, mawi jas quibij na.

Ri Lucax 13:9

We cäwächin c'ut, utz. We c'u man cäwächinic, cachoy na bic.’ ”

Hechos 4:19

Are' c'u ri Lu' xukuje' ri Xuan xquitzelej u bixic chque: “Chomaj alak we suc' chi are nabe cujniman chech alak chuwäch ri u nimaxic ri Dios.

Hechos 5:29

Ri Lu' xukuje' ri niq'uiaj takomxenlab chic xquitzelej u bixic: “Rajawaxic chke chi are nabe cäkanimaj ri cubij ri Dios chke man are ta c'ut ri cäquibij ri winak.

Hechos 6:15

Ri e k'atal tak tzij xukuje' ri e t'uyut'oj chila', conojel queca'y che ri Estebn. Xquil ri u palaj je jas ri u palaj jun tako'n aj caj.