Ri Daniel 3:1 - Quiché Bible

¹ Ri ajawinel Nabucodonosor xutak u banic jun tac'aticalaj u wächbal winak re k'an puak, ri quetan juwinak olajuj (35) bara' u taq'ui'c, oxib bara' ruc' niq'uiaj u wäch; xtakanic chi cätac'abax pa ri lianic ri c'o pa Dur, rulewal ri Babilon.

Ri Daniel 3:1 ပူးပေါင်းရင်းမြစ်များ

Nabe Ajawinelab 12:28

Chomatajinak chi c'ut, ri ajawinel xtakan che qui banic quieb alaj tak ama'ib wacax re k'an puak, xubij c'u che ri tinimit: “Ix, israelib, sibalaj q'ui mul chic ix petinak pa Jerusalen. E c'o tak we e i diosib ri' ri xixesan ulok pa Ejipt.”

Ri Ester 1:1

We tzijobelil ri xc'ulmataj pa ri k'ijol aretak ri ajawinel Asuer cajawin puwi' jun ajawibal re jun sient juwinak wukub (127) u tz'akatil ri rajawibal, ri u lic'om rib c'ä pa India ulok copan c'ä pa Etiopiy,

Salmib 135:15

Ri e qui diosib ri winak xa e re k'an puak xukuje' e re sak puak, jastak ri quequiban ri winak cuc' ri qui k'ab.

Elem 20:23

Mebiban diosib re sak puak o re k'an puak rech quebik'ijilaj jacha' ri quiban chwe in.

Elem 32:31

Xopan c'u ri Moises jawije' c'o wi ri Ajawaxel xubij che: “Kastzij, ri winak qui banom jun nimalaj mac, xquiban jun qui dios re k'an puak.

Ri Isaiy 2:20

Pa ri k'ijol ri' ri winak quebuq'uiaka' na ri e u diosib chquiwäch tak ri ch'o xukuje' chquiwäch tak ri sotz', ri diosib ri e re k'an puak xukuje' e re sak puak, are' xebanowic che rech quebuk'ijilaj.

Ri Isaiy 30:22

Cawetzelaj na qui wäch e jacha' jastak ri e tz'il ri e wächbal tak ri e re sak puak ri e a banom chawe, xukuje' tak ri e u wächbal ri diosib ri e a cojom k'an puak che qui ch'ukic quij ri e a banom chawe. Quebaq'uiak na apanok jacha' jun jasach ri tz'il, ri man c'o ta chi u patan, ri xa junam chic ruc' ri mes.

Ri Isaiy 46:6

E c'o jachin tak cäquesaj q'ui k'an puak pa ri qui c'olbal, cäquipaj c'u sak puak pa pajbal c'äte ri' cäquitoj jun ajchac che u banic jun qui dios, rech quexuqui' chuwäch che u k'ijilaxic.

Ri Jeremiy 10:9

Ri e qui diosib e xa' sak puak ri c'amom ulok pa Tarsis xukuje' k'an puak aj Upas; jastak ri e banom cumal josol tak diosib, xukuje' ch'ayal tak sak puak cojom c'u tak catz'iak morato xukuje' quiäk. Conojel e banom cumal nawinelalaj josol tak diosib.

Ri Jeremiy 16:20

¿La cäcuin ri winak quebuban tak ri e u diosib? ¡Man ba' kas ta e diosib ri'!”

Ri Daniel 2:48

Xuya' c'u ri ajawinel jun nimalaj rekle'n ri Daniel xukuje' xebuya' je'licalaj tak sipanic che; xuya' c'u che chi cätakan puwi' ronojel ri ajawibal Babilon xukuje' xucoj che nimalaj c'amal qui be conojel ri ajno'jab ri e c'o pa ri nim tinimit ri'.

Ri Daniel 2:49

Rumal c'u ri u tz'ononic ri Daniel, ri ajawinel xebucoj ri Sadrac, ri Mesac xukuje' ri Abed-neg pa nimak tak takanic puwi' ri ulew pa Babilon. Are' c'u ri Daniel xcanaj can chupam ri u k'atbal tzij ri ajawinel.

Ri Daniel 3:14

xuc'ot qui chi', xubij chque: “¿La kastzij chi ri ix man quebik'ijilaj ta ri e nu diosib mawi ri u wächbal winak re k'an puak ri nu takom u banic?

Ri Daniel 3:30

Ri ajawinel xuya' quekle'n we oxib alabom ri' ri nimak na qui k'ij chuwäch ri u yo'm chque nabe pa ri rulewal ri Babilon.

Ri Daniel 5:23

Man je ta c'u banom la, xane' etz'ben c'u la u wäch ri Ajawaxel aj caj, xtak c'u la qui c'amic tak ri kumubal xukuje' ri nimak tak lak re ri rachoch ri Dios, junam c'ut cuc' ri e ula' la, e kumum la u wa'l uva, e quik'ijilam c'ut ri diosib ri e re k'an puak, sak puak, k'an ch'ich', räx ch'ich', che' xukuje' abaj; e diosib wa' ri man queca'y taj mawi quetanic, mawi c'o jas queta'm. Man c'u ne k'ijlan ta la ri Dios ri c'o wi ri c'aslemal la, che c'u cäpe wi ronojel ri cäban la.

Ri Daniel 5:4

Conojel cacuq'uiaj u wa'l uva quequik'ijilaj c'ut ri e diosib, ri e re k'an puak, sak puak, k'an ch'ich', räx ch'ich', che', xukuje' e re abaj.

Ri Osey 2:8

Are c'u we ixok ri' are' man xuc'oxomaj taj chi in ri' ri quinyo'w ri trico che, ri u wa'l uva xukuje' ri aseit; chi in ri' ri xintz'eben ri sak puak xukuje' ri k'an puak che ri xebubanbej tak ri e u diosib.

Ri Osey 8:4

Man c'o ta u bixic chwe cumal e quicojom tak ajawinelab, e quicojom c'u c'amal tak be ri man xinwetamaj taj in. Qui c'amom ri qui sak puak xukuje' ri qui k'an puak che qui banic tak diosib Dios che c'u u sachisaxic qui wäch chquibil tak quib.

Ri Habacuc 2:19

¡Tok'ob a wäch, chi che jun dios re che' cabij wi chac'astajok, xukuje' c'u che jun memalaj abaj, chi chatac'alok! ¿La quecuin ta c'u lo wa' quequiya' ta jun tzijol? ¡Jayi', rumal rech chi man c'o ta qui c'aslemal pa quech wi, pune' ta ne ch'ukum tak quij ruc' k'an puak xukuje' sak puak!

Hechos 17:29

Uj rija'l ri Dios, mäkachomaj ba' chi ri Dios xa' ta junam ruc' k'an puak, o sak puak, o abaj. Mäkachomaj chi ri Dios xa jun wächbal ri xena'w ri winak che u banic ruc' ri u chomanic ri qui jolom.

Hechos 19:26

Quiwilo, quito jas u banom we Pawl ri'. Man xuwi ta pa Epes, xane' xa' co'l man pa ronojel ri Asiy, ri are' quebuch'äc e q'ui winak xukuje' cujal qui be. Cubij chque chi man e diosib taj ri queban cumal qui k'ab winak.

U Camulixic ri Pixab 7:25

Quebiporoj na ri e qui wächbal tak ri e qui banom che qui diosib, mebic'am c'u can ri k'an puak xukuje' ri sak puak ri ch'ukuwinak quij; mixkaj chupam we takchibal mac ri', quixkaj c'u ri' chupam jun banoj ri etzelal chuwäch ri Ajawaxel.

Apocalipsis 9:20

Ri jule' winak chic ri man xecämisax ta cumal we c'axc'olil ri', man xquiq'uex ta c'u ne ri qui c'u'x mawi xequitanaba' qui banic ri e itzel tak chac ri quequibano, mawi xquitanaba' ri qui k'ijilaxic ri itzel tak uxlabal xukuje' ri e diosib ri e re k'an puak, e re sak puak, e re k'an ch'ich', e re abaj xukuje' e re che'. Ri e diosib ri' man quecuin taj queca'yic, mawi quetanic, mawi quebinic.