Ri Daniel 2:9 - Quiché Bible

⁹ Rumal ri', we c'u man quitzijoj chwe ri xinwichic'aj, xa' junam c'äjisabal wächaj quikajbej na, i junam c'u i tzij che qui bixic banoj tak tzij chwe xukuje' tak cawächibal, quiweyej c'ut chi queq'uextaj tak ri c'ulmatajic. Chitzijoj ba ri ichic' chwe, je c'u ri' quinwetamaj na chi quixcuin che u k'alajisaxic ri quel cubij ri xinwichic'aj.”

Ri Daniel 2:9 ပူးပေါင်းရင်းမြစ်များ

Nabe Ajawinelab 22:22

ri uxlabal xutzelej u bixic chi queruxlabaj banoj tzij pa qui chi' ri e k'axal u tzij ri ajawinel. Xubij c'u ri Ajawaxel che, chi kas catcuin na che u subic, jät ba' che u banic.

Nabe Ajawinelab 22:6

Ri ajawinel re Israel xebumulij tak ri e k'axal tzij, cäraj ne e c'o quiejeb sient (400) xuc'ot c'u qui chi': “¿La ya'talic quinbe che u banic ch'o'j ruc' ri Ramot re Galaad o jayi'?” We winak ri' xquitzelej u bixic che: “Chech'ojin la ruc', cujach c'u na ri Ajawaxel pa k'ab la.”

Ri Ester 4:11

“Conojel ri quepatanij che ri ajawinel, xukuje' conojel ri winak ri e c'o pa conojel ri e u tz'akatil ri ajawibal, queta'm chi c'o jun pixab ri cuc'okoj che cämical apachique achi o ixok ri coc chuwäch ri ucab uwo ja ri c'o chuwäch ri rachoch ri ajawinel, che rilic ri ajawinel we man siq'uim rumal, xuwi c'u we ri ajawinel culic' ri u bara' re k'an puak che we winak ri' che u c'utic chi cutok'obisaj u wäch, cuto'tajisaj c'ut ri u c'aslemal. Are c'u ri chwe in, juwinak lajuj (30) k'ij chi wa' camic man in u siq'uim ta ri ajawinel.”

E C'ambal tak Tzij 12:19

Ri kastzij ri cach'awic cäjeki' na amak'el, are' c'u ri banal tzij xa jubik' cäjekic.

Ri Isaiy 41:23

chibij chke jas ri cäc'ulmataj na, chic'utu' chkawäch chi kas kastzij ix diosib. Chibana' ri quixcuin che u banic, utzil o etzelal, ri cuya' ta xibriquil chke xukuje' nimalaj xe'n ib.

Ri Isaiy 44:25

Ri in man quinya' ta be che chi je cäbantajic ri cäquiya' u bixic ri e qui cawäch tak e k'axal tzij; ri in quinbano chi ri ch'obonelab queconiric. Ri in quinbano chi ri ajno'jab cäquic'ulelaj quib chi ri qui no'j cux na xa conil.

Ri Ezequiel 13:17

“Are c'u ri camic, winak, chabij chque ri ixokib ri e aj a tinimit ri quequitzijoj jastak pa ri nu bi' ri xak pa quech wi,

Ri Ezequiel 13:19

Ri ix rumal jutak muk' sebad xukuje' jutak ba' wa', qui wesaj nu q'uixbal chuwäch ri nu tinimit; qui cämisaj winak ri man ya'tal ta che cacämic, qui c'asba' c'u winak ri man ya'tal ta che cäc'asi'c. Je u subic wa' ri nu tinimit qui bano, ri cuya' u xiquin chque tak ri banoj tzij.

Ri Ezequiel 13:6

Ri qui c'utwächinic xa' e u cawäch xukuje' tak ri tzij ri quequik'axej xa' e banoj tzij. Caquibij chi in in bininak chque, man e nu takom ta, c'u bic. ¡Caqueyej c'ut chi quebetz'akat tak ri qui tzij ri e qui bim!

Ri Daniel 2:16

Xbe c'u ri Daniel che rilic ri ajawinel xutz'onoj c'u che chi chuya' na quieb oxib k'ij che rech cäcuinic cutzijoj ri ichic' che xukuje' ri quel cubij.

Ri Daniel 2:21

Ri are' quebuq'uex ri k'ijaric xukuje' tak ri k'ijol; queresaj xukuje' quebucoj tak ajawinelab, cuya' qui no'j tak ri ajno'jab xukuje' qui c'oxomabal ri quec'oxomanic.

Ri Daniel 2:8

Ri ajawinel xutzelej u bixic: “Kas weta'm chi ri ix quito' iwib, rech chi i tom chic ri quinban na.

Ri Daniel 3:15

¿La quiya' i tzij chi xuwi quita' ri cok'ebal tak ri k'ojom, quimej iwib chuwäch ri u wächbal winak ri nu takom u banic, quik'ijilaj c'ut? We c'u man quik'ijilaj kas pa ri jok'otaj ri' quixq'uiak na pa ri jorno ri cabac'ow k'ak' chupam; ¿Jachin ta c'u ri dios ri cäcuin ta che i to'ic?”

Ri Daniel 5:28

PARSIN: Ri ajawinic la cäban quieb che, cäjach c'u na pa qui k'ab ri aj medib xukuje' pa qui k'ab ri aj persib.”

Ri Daniel 5:31

are c'u ri Dariy ri aj Med xtokin ri ajawibal. Ri Dariy c'o oxc'al quieb (62) u junab pa tak ri k'ij ri'.

Ri Daniel 7:25

Cuyok' c'u na ri Dios aj chicaj, cutakej c'u na u sachic u wäch ri u tinimit; cucoj na u chuk'ab che u q'uexic ri u pixab ri Dios xukuje' tak ri nimak'ij, are c'u ri u tinimit ri Dios cäcanaj na chuxe' ri u cuinem cäbeytaj c'u na oxib junab ruc' wakib ic'.

2 Corintios 2:17

Uj man uj ta junam cuc' e q'ui ri cäquesaj qui ch'äcoj che ri tijonic ri cuya' ri Dios, xane' ruc' ronojel kanima', uj takom rumal ri Dios, xukuje' chuwäch ri Dios cujtzijon pa ri Crist.