Ri Daniel 2:48 - Quiché Bible

⁴⁸ Xuya' c'u ri ajawinel jun nimalaj rekle'n ri Daniel xukuje' xebuya' je'licalaj tak sipanic che; xuya' c'u che chi cätakan puwi' ronojel ri ajawibal Babilon xukuje' xucoj che nimalaj c'amal qui be conojel ri ajno'jab ri e c'o pa ri nim tinimit ri'.

Ri Daniel 2:48 ပူးပေါင်းရင်းမြစ်များ

Ucab Samuel 19:32

Sibalaj c'u nim winak chic, c'o chic jumuch' u junab (80), conojel ri k'ij ri xc'oji' ri ajawinel pa Mahanaim xuya' ronojel ri xajwataj che ri ajawinel, rumal chi sibalaj c'u k'inom.

Ucab Ajawinelab 5:1

C'o jun achi Naaman u bi', qui nimal rajch'ojab ri ajawinel re Siriy, sibalaj lok' xukuje' sibalaj cätok'obisax u wäch rumal ri rajawinel, rumal chi ri Ajawaxel u yo'm ri ch'äcanic che ri Siriy rumal rech are'. Yawab c'ut we achi ri' c'o chuwilaj ch'a'c chrij.

Ri Job 1:3

e c'o c'u wukub mil (7000) u chij, oxib mil (3000) u camey, job sient (500) c'ulaj u wacax, job sient (500) ati'tab tak u bur. E c'o c'ut q'uialaj rajchaquib. Are achi wa' ri sibalaj k'inom na pa ri elebal k'ij.

Ri Jeremiy 5:5

Xinbe cuc' ri winak ri nimak qui banic queben ch'abej c'u na. Ri e are', man c'o ta queblan c'uxaj, queta'm ri caraj ri Ajawaxel. Conojel c'ut quiwalijisam quib chrij ri Dios, qui k'ilom quib che u nimaxic.

Ri Daniel 2:6

We c'u quibij chwe ri xinwichic'aj xukuje' ri quel cubij, quebic'am na sipanic xukuje' tok'ob tak xukuje' nimalaj u nimarisaxic i k'ij. Je c'u ri', chitzijoj ba' chwe ri xinwichic'aj xukuje' chik'alajisaj c'u chnuwäch ri quel cubij.”

Ri Daniel 3:1

Ri ajawinel Nabucodonosor xutak u banic jun tac'aticalaj u wächbal winak re k'an puak, ri quetan juwinak olajuj (35) bara' u taq'ui'c, oxib bara' ruc' niq'uiaj u wäch; xtakanic chi cätac'abax pa ri lianic ri c'o pa Dur, rulewal ri Babilon.

Ri Daniel 3:12

E c'o c'ut jujun aj judeyib ri e cojom la, puwi' ri rulewal ri Babilon, ri man cäquiya' ta jubik' k'ij la, mawi quequik'ijilaj tak ri diosib la mawi ri u wächbal winak re k'an puak ri takom u walijisaxic umal la. E are ri Sadrac, ri Mesac xukuje' ri Abed-neg xecha' che ri ajawinel.”

Ri Daniel 3:30

Ri ajawinel xuya' quekle'n we oxib alabom ri' ri nimak na qui k'ij chuwäch ri u yo'm chque nabe pa ri rulewal ri Babilon.

Ri Daniel 4:6

Xinya' c'u takanic chi quepe conojel ri ajno'jab aj babilonib rech quepe che wilic, rech cäquik'alajisaj ri quel cubij ri ichic'.

Ri Daniel 4:9

‘Beltsasar, c'amal qui be ri ch'obonelab, in weta'm chi ri ruxlabal ri tastalicalaj Dios cäc'amow a be, aweta'm c'u conojel ri c'utalic: chatatabej ba ri wilom pa ri nu wichic', chabij c'u chwe ri quel cubij.

Ri Daniel 5:11

chi pa ri ajawibal la c'o jun achi ri c'amom u be rumal ri ruxlabal ri tastalicalaj Dios. Aretak ri tat la, c'o che ajawinel, we achi ri' xuc'utu chi c'o jun sakalaj u chomabal, ri c'o retamanic xukuje' u no'j e jacha' tak ri diosib. Rumal ri' ri ajawinel Nabucodonosor ri tat la, xucoj we achi ri' che c'amal qui be conojel ri ajk'ijab, ri ch'obonelab, ri ajno'jab xukuje' ri ajch'imilab ri e c'o pa ri nim tinimit,

Ri Daniel 5:16

Nu tom c'ut, u bixic chi ri at catcuinic quebak'alajisaj ri queblan tak c'uxaj xukuje' qui ch'obic tak jastak ri sibalaj e c'ax. We ri at catcuinic quebak'alajisaj ri cäquibij tak we tzij ri', cabij c'u chwe ri quel cäquibij, quinya' na takanic chi quecoj atz'iak re morato chawij, xukuje' chi cäcoj na jun pach'um k'an puak chakul, catcanaj c'u can che urox takanel pa ri wajawibal.”

Ri Daniel 5:29

Xuya' c'u takanic ri ajawinel Belsasar chi checoj atz'iak re morato chrij ri Daniel xukuje' chcoj jun pach'um k'an puak chukul, xuya' c'u u bixic chque conojel chi kas pa ri jok'otaj ri', ri Daniel cäcanaj chupam ri urox c'olbal pa ri k'atbal tzij re ri Ajawibal.

Ri Daniel 5:7

Xuchaplej c'u u rakic u chi', xebusiq'uij ri ch'obonelab, ri ajno'jab xukuje' ri ajch'imilab ri e c'o pa Babilon, xubij c'u chque: “Apachin ta ne ri cäcuinic cusiq'uij u wäch ri tz'ibatal chi', cuk'alajisaj ta c'u chnuwäch ri quel cubij, cäcoj na atz'iak re morato chrij, cäcoj na jun pach'um k'an puak chukul, cäcanaj chupam ri urox c'olbal chupam ri wajawibal.”

Ri Daniel 8:27

In, Daniel, xinna' chi man e c'o ta chic nu chuk'ab, q'ui k'ij xinyawajic. C'äte chi c'u xinwalijic, xintakej chi c'ut ri patanijic pa ri k'atbal tzij re ri nim tinimit. Sibalaj c'u in oquinak il che ri c'utwächinic ri wilom, man quincuin ta c'u che u ch'obic.”

Ajilanic 24:11

¡Are utz na chawe chi cattzelej cho awachoch! In nu chi'm chi quebenban na nimak tak nimarisabal a k'ij, are' c'u ri Ajawaxel k'atininak.”

Nabe Samuel 17:25

je xquibij wa': “¿La xiwil ri achi ri elinak ulok? ¡Petinak che qui tzuric ri aj israelib! Jachin ta ne ri cäticar che u ch'äquic, ri ajawinel cuya' q'ui u k'inomal, cuya' na ri u mia'l che rixokil xukuje' man c'o ta chi tojbal cäquitoj chi na ri e rachalaxic.”

Nabe Samuel 2:8

ri Dios cuwalijisaj ri meba' pa ri ulew cäresaj c'ut ri molonel chupam ri tixbal mes, che u t'uyubaxic chquixo'l ri nimak tak achijab cuya' c'u che chi cäya' pa jun c'olbal ri nim u k'ij; rumal rech chi ri Ajawaxel are ajchak'e ri e u tiq'uilibal ri uwächulew, paquiwi' c'u xuya' wi ri uwächulew.

Nabe Samuel 25:2

C'o jun achi pa Maon ri sibalaj k'inom, e c'o oxib mil (3,000) u chij jun mil (1,000) u q'uisic', cätajin c'u cusocaj quij ri u chij pa Carmel, ri u nak'atisam wi u socaxic quij ri u chij chila'.