Ri Daniel 2:47 - Quiché Bible

⁴⁷ Xubij chi c'u na che ri Daniel: “Kastzij ri i Dios ix, are' ri nim na u k'ij chquiwäch ri niq'uiaj diosib chic; are' ri cajaw ri ajawinelab xukuje' are' ri cäk'alajisan tak ri c'utalic, atcuininak c'u ri at che u c'utunisaxic we c'utalic ri'.”

Ri Daniel 2:47 ပူးပေါင်းရင်းမြစ်များ

Chapletajic 41:39

Xubij c'u che ri Jose: “Man c'o ta jun ri nim ta na retamanic xukuje' c'o ta na u no'j chawäch at, are c'u ri Dios ri c'o awuc' u c'utum ronojel wa' chawäch.

Ucab Ajawinelab 5:15

Are c'u ri are' xukuje' conojel ri e achilaninak xebe che rilic ri Elisey. Aretak xebopan chuwäch, ri Naaman xubij che: “¡Camic nu ch'obom chi pa ronojel ri uwächulew man c'o ta Dios, xane' xak xuwi pa Israel! Rumal ri' quinbochi'n che la chi c'ama' la jun sipanic che we pataninel ech la ri'.”

Ri Job 12:19

Queresaj ri e cojol tabal tok'ob chupam ri qui patan quebukasaj ri e c'o che k'atal tak tzij.

Salmib 136:2

Chebiya' maltioxinic che ri Dios ri c'o paquiwi' conojel ri diosib, junalic c'ut ri u lok'ok'ebal c'u'x.

Salmib 136:3

Chebiya' maltioxinic che ri Cajaw ajawib; junalic c'ut ri u lok'ok'ebal c'u'x.

Salmib 72:11

¡Chi conojel c'ut ri ajawinelab chexucul chuwäch! ¡Chi conojel c'ut ri nimak tak tinimit chepatanin che!

Salmib 82:1

Ri Dios c'o chupam ri u c'olbal chquixo'l ri e k'atal tak tzij ri e c'o pa ri caj che u k'atic tzij paquiwi':

Salmib 96:4

rumal rech chi ri Ajawaxel nim xukuje' sibalaj takal che chi cak'ijilaxic: ¡caxex ib chuwäch chquiwäch conojel ri diosib!

Ri Ezequiel 26:7

In, ri Ajawaxel quinbij: Quinbano chi cäpe pa ri riquiak'ab elebal k'ij ri Nabucodonosor, ri ajawinel pa Babilon, ri ajawinel ri c'o na nimalaj u chuk'ab, rech cäch'ojin ruc' ri Tir. E ruc'am quiej capetic xukuje' tak carwaj xukuje' ajquiejab, e ruc'am c'u ulok q'uialaj ajch'ojab.

Ri Daniel 11:36

Ri ajawinel ri c'o pa elebal k'ij cuban na ronojel ri cäpe pa u jolom. Sibalaj nim ri nimal ri cäc'amowic chi cuna' na rib chi c'o na u k'ij chquiwäch conojel ri diosib, quebubij c'u na xibibalalaj tak yok'obal che u yok'ic ri kas Dios; ronojel c'ut ri cubano utz quel na chuwäch, c'ä cutak na ulok ri Dios ri c'äjisabal u wäch; rumal rech chi ri cuban c'u na ri Dios, cuban na.

Ri Daniel 2:19

Pa ri ak'ab ri' ri awatalic xc'utunisax chuwäch ri Daniel pa jun c'utwächinic, rumal c'u wa' ri Daniel xutewichi'j ri Dios ri c'o pa ri caj

Ri Daniel 2:22

Ri are' quebuc'utunisaj tak ri jastak ri naj qui pam xukuje' ri man e etamatal taj; reta'm ri c'o pa ri k'ekumalil, c'o c'ut ri sakil ruc'.

Ri Daniel 2:28

C'o c'u jun Dios pa ri caj ri cuk'alajisaj tak ri c'utalic, are c'u yo'winak retamaxic che la ri c'ä maja' quec'ulmatajok. Quinya' u k'alajisaxic che la, ri ichic' xukuje' tak ri c'utwächinic ri e ilom la aretak cätajin cäwar la:

Ri Daniel 2:29

Ri lal, lal c'o pa ri ch'at la aretak xchaplej la; u chomaxic ri quec'ulmataj na, are' c'ut ri quebuk'alajisaj ri jastak ri e c'utalic e u k'alajisam chwäch la.

Ri Daniel 2:30

Xukuje' chwe in k'alajisam wi we c'utalic ri', man xak ta c'u rumal chi c'o ta na u wi' ri wetamanic chquiwäch conojel ri achijab, xane' rech quink'alajisaj chwäch la ri quel cubij ri ichic', je c'u ri' cacuin la che qui ch'obic tak ri chomanic ri e petinak pa jolom la.

Ri Daniel 2:37

Ri lal, are' ri sibalaj lal nim na chquiwäch conojel tak ri ajawinelab, rumal rech chi are' ri Dios ri c'o pa ri caj yowinak ajawinic che la, ri cuinem, ri chuk'ab, ri u nimarisaxic k'ij la.

Ri Daniel 3:15

¿La quiya' i tzij chi xuwi quita' ri cok'ebal tak ri k'ojom, quimej iwib chuwäch ri u wächbal winak ri nu takom u banic, quik'ijilaj c'ut? We c'u man quik'ijilaj kas pa ri jok'otaj ri' quixq'uiak na pa ri jorno ri cabac'ow k'ak' chupam; ¿Jachin ta c'u ri dios ri cäcuin ta che i to'ic?”

Ri Daniel 3:28

Pa ri jok'otaj ri' ri Nabucodonosor xurak u chi' xubij: “¡Chyo'k u k'ij ri u Dios ri Sadrac, ri Mesac xukuje' ri Abed-neg, ri xutak ri u tako'n aj caj che qui to'ic ri jicalaj tak pataninel tak rech, ri man xquinimaj ta ri u takanic ri ajawinel, are' xquiya' qui tzij chi quecämic che u q'uexwäch ri quexuqui' ta che u k'ijilaxic jun dios chic ri ma ta are ri qui Dios!

Ri Daniel 3:29

Are c'u ri camic, quinya' takanic chi apachique winak ri cäyok'on che ri qui Dios we alabom ri', cäban ch'akatak che, ri rachoch cäban jumulaj ch'akatak xan che, apachique ta ne ri u tinimit, ri u nim tinimit, ri u ch'abal, man c'o ta chi c'u jun dios ri je ta colotajic wa' cubano.”

Ri Daniel 4:17

Are c'u c'äjisabal wächaj wa' ri xquiya' u bixic ri tastalicalaj tak tako'n yuxlenelab, rech conojel ri winak chquetamaj chi ri Dios ri sibalaj chicaj c'o wi ri c'o u cuinem paquiwi' ri ajawinic aj winak chi are' cuya' ri ajawinic jachin che ri craj cuya' wi, cuban c'u che jun winak ri sibalaj man nim ta u k'ij chi cux c'amal u be jun nim tinimit.

Ri Daniel 4:25

Are' c'u, ri lal quesax na la bic chquixo'l ri winak cäjeki' na la chquixo'l ri awaj; catij na la k'ayes, e jacha' tak ri wacax, are c'u ri räxk'ab cäch'akaban na ri cuerp la. Je c'u c'aslemal la wa', wukub junab c'ä cach'ob na la, chi ri Dios aj chicaj c'o u cuinem paquiwi' conojel tak ri ajawibal aj winak, chi are c'ut ri are' ri cäcojow jacha' che k'atal tzij jachin ri cuchomaj chi takal che.

Ri Daniel 4:32

catelesax na chquixo'l ri winak catejekel na chquixo'l ri awaj; catija' na k'ayes e jacha' ri wacax wukub junab, c'ä cach'ob na chi ri Dios ri sibalaj aj chicaj c'o u cuinem paquiwi' conojel ri nimak tak tinimit ri e c'o cho ri uwächulew, chi are' c'ut ri are' ri cäcojow jacha' che k'atal tzij jachin ri cuchomaj chi takal che.”

Ri Daniel 5:11

chi pa ri ajawibal la c'o jun achi ri c'amom u be rumal ri ruxlabal ri tastalicalaj Dios. Aretak ri tat la, c'o che ajawinel, we achi ri' xuc'utu chi c'o jun sakalaj u chomabal, ri c'o retamanic xukuje' u no'j e jacha' tak ri diosib. Rumal ri' ri ajawinel Nabucodonosor ri tat la, xucoj we achi ri' che c'amal qui be conojel ri ajk'ijab, ri ch'obonelab, ri ajno'jab xukuje' ri ajch'imilab ri e c'o pa ri nim tinimit,

Ri Amos 3:7

Mawi jumul c'o ta jas cuban ta ri Ajawaxel, we ta mat cuk'alajisaj chquiwäch ri u pataninelab ri e k'axal u tzij.

1 Corintios 14:25

quel na chi sak ri jastak ri e c'o pa ranima'. Je c'u ri' chi cutzak na rib cho ri ulew, cuk'ijilaj na ri Dios xukuje' cubij c'ut chi kastzij c'o ri Dios iwuc'.

U Camulixic ri Pixab 10:17

Ri Ajawaxel c'ut ri i Dios are Dios chque ri cäbix diosib chque, are' c'u Cajaw ri ajawib; are' Dios wa' ri c'o puwi' ronojel, c'o u cuinem xukuje' mayibal c'ut, ri man quebuban ta jalan wächaj ri queban ta u pa u k'ab,

1 Timoteo 6:15

Ri are cäc'ut na pa tak ri u k'ijol rumal ri Jun ri nimarisam u k'ij ri tewichi'm, ri xa' jun Ajawinel paquiwi' ri ajawinelab, ri Cajaw ri ajawib,

Ri Josue 22:22

“Ri Ajawaxel xukuje' Dios paquiwi' conojel ri cäbix diosib chque reta'm chi man xkaban ta we porobal ri' che ta walijisam ib mawi che ta u tasic kib chrij. Ri are' reta'm xukuje' cuya' retamaxic chiwe iwonojel; we cumal tak we jastak ri'. ¡Cujicämisaj!

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Apocalipsis 17:14

Ri e are' quech'ojin na ruc' ri Alaj Chij. Ri Alaj Chij c'ut quebuch'äc na, are c'ut Cajaw ri ajawib, Cajawinel ri ajawinelab. E c'o c'u ne ruc' ri e siq'uim xukuje' e cha'om rumal ri Dios, e jic c'ut.”

Apocalipsis 19:16

Che ri ratz'iak xukuje' che ri ra' tz'ibatal wi we bi'aj ri': “Cajawinel ri ajawinelab, Cajaw ri ajawib.”