Ri Daniel 2:45 - Quiché Bible

⁴⁵ Are wa' ri quel cubij ri abaj ri xil la, ri xc'otoc'ob ulok che ri juyub, ri man c'o ta jachin xch'icnim ulok; abaj ri xuban puc'uc' ulew che ri ch'ich', ri k'an ch'ich', ri t'ac, ri sak puak xukuje' ri k'an puak. Ri nimalaj Dios u k'alajisam chwäch la, ri maja' quec'ulmataj pa tak ri k'ij ri quepe na. Ri ichic' kas jic, xukuje' ri quel cubij, kas cac'ulmataj na.”

Ri Daniel 2:45 ပူးပေါင်းရင်းမြစ်များ

Chapletajic 41:26

Ri wukub ati'tab tak wacax ri e je'lic e wukub junab, junam xukuje' ri e wukub u jolom trico ri e je'lic. Xak junam caquibij we quieb ichic' ri'.

Chapletajic 41:28

Je jacha' ri nu bim che la: Ri Dios u yo'm u bixic che la ri cubana' na.

Chapletajic 41:32

We camul xban la ri ichic', are cubij wa' chi ri Dios kas cuban ri u chomam, cuban c'u chanim.

Ucab Samuel 7:22

rumal ri', Wajaw Dios. ¡Sibalaj ba' nim ri banic la! Man c'o ta chi c'u jun jacha' ri lal, mawi c'o chic jun dios we ta ma ta xak xuwi ri lal, jas ri u cholajil ronojel ri ka tom cuc' ri ka xiquin.

Nabe Tzijobelil 16:25

rumal rech chi ri Ajawaxel nim u k'ij xukuje' ya'tal u k'ijilaxic, xukuje' xibibal na chquiwäch conojel tak ri diosib.

Ri Nehemiy 4:14

Aretak c'u xinwilo chi caquixe'j quib, xintac'aba' wib xinbij chque ri nimak tak qui banic, chque ri quek'atow tak tzij xukuje' chque ri e u tz'akatil ri tinimit: “Mixe'j iwib chquiwäch. Chnataj chwe chi ri Ajawaxel nimalaj xukuje' xibibal, chicojo' i chuk'ab che qui q'uexwäch ri e i winakil che qui q'uexwäch tak ri e i c'ojol ri e i mia'l, ri e iwixokil xukuje' tak ri e iwachoch.”

Ri Nehemiy 9:32

Are c'u ri camic, ka Dios, nimalaj Dios, cuinel xukuje' xibibal, jekebam c'u la ri c'ulwächinic xukuje' ri nimalaj lok'ok'ebal c'uxaj la, xak ba maca'y la chque tak ri c'axc'olil ri e kajinak pakawi' paquiwi' tak ri kajawinelab, ri e c'amal tak ka be, ri e ka cojol tabal tok'ob xukuje' tak ri e k'axal tak tzij la, xukuje' ri e ka mam, xukuje' che ronojel ri tinimit, kas pa tak ri qui k'ijol tak ri ajawinelab re Asiriy c'ä pa ri k'ij camic.

Ri Job 36:26

Ri Dios sibalaj nim, man cujcuinta c'u che u ch'obic; mawi cujcuinic quekajilaj tak ri e u junab.

Salmib 135:5

In kas weta'm chi ri Ajawaxel, ri ka Dios, nim na chquiwäch conojel ri diosib.

Salmib 145:3

Ri Ajawaxel nim u banic, sibalaj takal che cäya' u k'ij; ri u nimalil coc'ow na chuwäch ri ketamanic.

Salmib 2:9

Ruc' bara' re ch'ich' quebaban na ch'akatak chque tak ri ajawinelab; ¡quebaban na ch'akatak chque jacha' ri cäban chque tak ri bo'j re t'ac!”

Salmib 48:1

¡Nim ri Ajawaxel! ¡Ri ka Dios takal u ya'ic u k'ij pa ri u tinimit, pa ri tastalicalaj u juyub!

Salmib 96:4

rumal rech chi ri Ajawaxel nim xukuje' sibalaj takal che chi cak'ijilaxic: ¡caxex ib chuwäch chquiwäch conojel ri diosib!

Ri Isaiy 28:16

Rumal ri', ri Ajawaxel cubij: “Quincoj na jun abaj pa Sion, jun abaj ri cha'om ri sibalaj pakal rajil, are c'u abaj wa' ri nim u patan, ri cajwataj na che tac'alibal. Ri c'o u jiquiban wi c'uxaj, man quebel ta na ch'u'j.

Ri Daniel 2:24

Xbe c'u ri Daniel che u tzijobexic ri Arioc, ri takom che qui cämisaxic ri ajno'jab ri e c'o pa Babilon, xubij c'u che: “Mebacämisaj ri ajno'jab. Chinac'ama' bic chuwäch ri ajawinel, ri in quink'alajisaj na chuwäch ronojel ri richic'am.”

Ri Daniel 2:28

C'o c'u jun Dios pa ri caj ri cuk'alajisaj tak ri c'utalic, are c'u yo'winak retamaxic che la ri c'ä maja' quec'ulmatajok. Quinya' u k'alajisaxic che la, ri ichic' xukuje' tak ri c'utwächinic ri e ilom la aretak cätajin cäwar la:

Ri Daniel 2:29

Ri lal, lal c'o pa ri ch'at la aretak xchaplej la; u chomaxic ri quec'ulmataj na, are' c'ut ri quebuk'alajisaj ri jastak ri e c'utalic e u k'alajisam chwäch la.

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Daniel 8:25

Rumal ri itzel u nawinic, ri e u subunic cäch'äcan na. Cänoj na che nimal, e q'uia winak c'ut ri qui jiquiban qui c'u'x man c'o ta cäquinabej quebucämisaj na ruc' ri qui chac ri quieb qui wäch aj jachinelab, cuk'atij na u wäch ri nim u banic paquiwi' ri nimak qui banic, cäsachisax c'u na u wäch rumal.

Ri Hajey 2:22

quinsachisaj na qui wäch ri qui cuinem tak ri ajawibal rech ri uwächulew quebenkasaj c'u na tak ri e qui tem re ajawibal; quebenpac'abala' tak c'u na ri e qui carwaj re ch'o'j xukuje' tak ri e benak chquipam, quecäm c'u na tak ri quiej xukuje' tak ri e quiejeninak chquij; chquijujunal quecäm na e k'ok'em rumal ri u ch'ich' re ch'o'j ri rachalal.

Ri Zacariy 12:3

Chupam ri k'ijol ri' quinjalwächij na ri Jerusalen pa jun abaj ri sibalaj al na chque conojel ri nimak tak tinimit. Cusoc c'u na apachique jun chque ri cutijtobej ta u ch'elexic. Conojel ri nimak tak tinimit caquimulij na quib che u banic c'ax che ri Jerusalen,

Ri Malaquiy 1:11

Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

Ri Matey 21:24

Ri Jesus xutzelej u wäch qui tzij: “Xukuje' ri in quinban jun c'otoj chi'aj chiwe, we quibij chwe: ¿Jachin xtakow ulok ri Xuan che u banic ri bautism, ri Dios o ri winak? We ri ix quitzelej u wäch ri nu tzij, ri in quinbij na chiwe ruc' jachique takanic quinban wa'.” Xquichaplej chomanic chquixo'l: “We cäkatzelej u bixic che chi are' ri Dios, cubij na chke: ‘¿Jas c'u che man xixcojon che?’

Ri Matey 24:35

Ri caj ulew casach na qui wäch. Are c'u ri nu tzij mawi jubik' casach u wäch.

Ri Lucax 17:20

Ri pariseyib xquic'ot u chi' ri Jesus chi jampa' cäpe ri rajawibal ri Dios. Ri Jesus xubij chque: “Ri rajawibal ri Dios aretak cäpetic man quilitaj taj.

U Camulixic ri Pixab 10:17

Ri Ajawaxel c'ut ri i Dios are Dios chque ri cäbix diosib chque, are' c'u Cajaw ri ajawib; are' Dios wa' ri c'o puwi' ronojel, c'o u cuinem xukuje' mayibal c'ut, ri man quebuban ta jalan wächaj ri queban ta u pa u k'ab,

Apocalipsis 1:19

Chebatz'ibaj ri jastak ri e awilom, ri jastak ri e c'olic, xukuje' ri quec'ulmax na aretak queboc'ow we jastak ri'.

Apocalipsis 19:17

Te c'u ri xinwil jun tako'n aj caj tac'al chupam ri k'ij. Xurak u chi' ruc' chuk'ab, xubij chque conojel ri chicop ri e c'o qui xic' ri querapin pa u niq'uiajil ri caj: “Tisaj, chimulij iwib che ri wa'im re xk'ekal ri cuya' ri nimalaj Dios,

Apocalipsis 4:1

Xuwi c'u xebitaj we jastak ri' xinca'yic, xinwil jun oquibal jaktal pa ri caj. Ri nabe ch'abal ri xinto jacha' ri rok'ebal jun trompet. Xubij chwe: “Chatpakal ulok waral, quebenc'ut na ri jastak chawäch ri rajawaxic quec'ulmax na oc'owinak chi c'u wa.”