Ri Daniel 2:44 - Quiché Bible

⁴⁴ Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Daniel 2:44 ပူးပေါင်းရင်းမြစ်များ

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Ucab Samuel 7:13

Are' cäyacow na jun wachoch, quinjekeba' c'u na ri rajawinic chbe k'ij sak.

Ucab Samuel 7:16

Ri awija'lil xukuje' ri awajawinic quecanaj jic chuxe' ri nu to'banic, xukuje' ri a tem re ajawibal cäjekebax can chbe k'ij sak.’ ”

Salmib 145:13

Ri ajawibal la are jun ajawibal re chbe k'ij sak, ri k'ijinic la re k'ij junab.

Ri Isaiy 60:12

E are tak c'ut ri ulew ri man catupatanij taj cäsachisax na qui wäch.

Ri Ezequiel 37:25

Quejeki' na pa ri ulew ri xinya' che ri pataninel wech ri Jacob, ri xejeki' wi xukuje' ri e qui mam. Chila' quejekel wi na amak'el xukuje' tak ri e qui c'ojol xukuje' conojel ri quija'lil; are c'u ri pataninel wech ri David are' cux c'amal qui be amak'el.

Ri Daniel 2:28

C'o c'u jun Dios pa ri caj ri cuk'alajisaj tak ri c'utalic, are c'u yo'winak retamaxic che la ri c'ä maja' quec'ulmatajok. Quinya' u k'alajisaxic che la, ri ichic' xukuje' tak ri c'utwächinic ri e ilom la aretak cätajin cäwar la:

Ri Daniel 2:34

C'ä cätajin c'u cäca'y la, che c'u jun juyub xc'otoc'ob wi ulok jun abaj, man c'o ta jachin jun xch'iquimin, ulok xeltakal chque ri rakan ri wächbal xebuc'äjij c'ut.

Ri Daniel 2:35

Pa ri jok'otaj, ri räx ch'ich', ri t'äc, ri k'an ch'ich', ri sak puak xukuje' ri k'an puak xebux puc'uc' ulew, jacha' ri quilitaj pa ri sak'ij aretak cäjopix ri trico, cäc'am c'u bic rumal ri quiakik' man c'o ta c'u jubik' retal cäcanajic. Are c'u ri abaj ri xpe chrij ri u wächbal winak xux jun nimalaj juyub xunojisaj c'u ronojel ri uwächulew.

Ri Daniel 2:37

Ri lal, are' ri sibalaj lal nim na chquiwäch conojel tak ri ajawinelab, rumal rech chi are' ri Dios ri c'o pa ri caj yowinak ajawinic che la, ri cuinem, ri chuk'ab, ri u nimarisaxic k'ij la.

Ri Daniel 2:43

Je c'ut jacha' ri xil la, chi ri räx ch'ich' yujtal ruc' ri t'ac, jeri' ri k'atal tak tzij cäquinuc' na quib cumal tak ri c'ulanem ri cäquiban chquixo'l; man quecuin ta c'ut quebux ta xa' junam cuerp, jacha' xukuje' ri räx ch'ich' man cacuin ta cuyuj ta rib ruc' ri t'äc.

Ri Daniel 4:3

¡Sibalaj e nimak ri e u cajmajibal xukuje' ri e u mayibal! Ri rajawinic man c'o ta u q'uisic, ri u cuinem cätaken na ija'lil chi ija'lil.

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.

Ri Daniel 6:26

quinya' c'u takanic xukuje' quintakanic chi pa ronojel ri wajawibal, nim chil wi xukuje' chyo'k u k'ij ri u Dios ri Daniel. Rumal rech chi are' Dios ri c'aslic, jekel c'u amak'el. Ri rajawinic mawi jubik' casachisax ta u wäch, mawi c'o u q'uisbalil ri u cuinem.

Ri Daniel 6:27

Are' ri Colonel xukuje' ri Toronel; ri quebuban tak etal ri e mayibal pa ri caj xukuje' cho ri uwächulew. Are' xcolow ri Daniel pa qui chi' ri coj.”

Ri Daniel 7:27

Ri ajawinic, ri cuinem xukuje' ri juluwem que conojel ri ajawibal ri e c'o cho ri uwächulew, queya' na che ri u tinimit ri Dios aj chicaj. Ri rajawinic cäjeki' na chbe k'ij sak, conojel c'u ri tinimit re ri uwächulew quepatanin na che xukuje' queniman na che.’

Ri Daniel 8:25

Rumal ri itzel u nawinic, ri e u subunic cäch'äcan na. Cänoj na che nimal, e q'uia winak c'ut ri qui jiquiban qui c'u'x man c'o ta cäquinabej quebucämisaj na ruc' ri qui chac ri quieb qui wäch aj jachinelab, cuk'atij na u wäch ri nim u banic paquiwi' ri nimak qui banic, cäsachisax c'u na u wäch rumal.

Ri Hajey 2:22

quinsachisaj na qui wäch ri qui cuinem tak ri ajawibal rech ri uwächulew quebenkasaj c'u na tak ri e qui tem re ajawibal; quebenpac'abala' tak c'u na ri e qui carwaj re ch'o'j xukuje' tak ri e benak chquipam, quecäm c'u na tak ri quiej xukuje' tak ri e quiejeninak chquij; chquijujunal quecäm na e k'ok'em rumal ri u ch'ich' re ch'o'j ri rachalal.

Ri Hajey 2:7

Quenbana' na chi quebeyicop conojel ri nimak tak tinimit quequic'am c'u na ulok tak ri qui k'inomal, canoj c'u na ri wachoch che juluwem.” Ri Ajawaxel ri c'o ronojel u cuinem cäjiquiban u bixic:

Ri Matey 28:18

Xkeb ri Jesus cuc', xebuch'abej, xubij chque: “Ronojel takanic pa ri caj, ronojel takanic cho ri uwächulew yo'm pa nu k'ab.

Ri Xuan 12:34

Ri winak xquibij che: “Uj ka tom pa ri pixab, chi ri Crist cäjeki' na chbe k'ij sak. ¿Jas c'u che cabij at chi rajawaxic chi ri Rija'l Winak cäwalijisax na? ¿Jachin wa' ri Rija'l Winak?”

Hebreos 12:28

Ri ajawibal ri cäkac'am che ri Dios, are man slabel taj. Chujmaltioxin ba' che ri Dios, chkak'ijilaj ri Dios jas ri cäkaj chuwäch, nim chkila' wi, chujmach'al chwäch.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Apocalipsis 2:27

jas ri nu Tat u yo'm takanic pa nu k'ab, cätakan c'u na paquiwi' ri nimak tak tinimit ruc' bara' re räx ch'ich', quebuc'äjij na je ta ne e lak re ulew.