Ri Daniel 2:37 - Quiché Bible

³⁷ Ri lal, are' ri sibalaj lal nim na chquiwäch conojel tak ri ajawinelab, rumal rech chi are' ri Dios ri c'o pa ri caj yowinak ajawinic che la, ri cuinem, ri chuk'ab, ri u nimarisaxic k'ij la.

Ri Daniel 2:37 ပူးပေါင်းရင်းမြစ်များ

Nabe Ajawinelab 4:24

xtakan c'u ri Salomon puwi' ronojel ri ulew ri c'o che ri u kajebal k'ij che ri Euprats, cachapletaj pa Tips quetakal c'ä pa Gaz, xukuje' paquiwi' conojel tak ri ajawinelab re we ulew ri', c'o jamaril pa ronojel ri ulew ri sutininak rij.

Ucab Ajawinelab 25:28

xuban utzil che are', xuya' na u k'ij chquiwäch ri niq'uiaj ajawinelab chic ri junam ri e c'o ruc' pa Babilon.

Ucab Tzijobelil 36:23

“Sir, ajawinel re Pers, cuya' u bixic wa': ri Ajawaxel, ri Dios ri c'o pa ri caj, e u yo'm pa nu k'ab conojel ri ajawibal re ri uwächulew, u bim c'u chwe mel a k'ij chayaca' jun wachoch pa Jerusalen, ri c'o pa ri rulewal ri Juda. Je c'u ri' apachin ta c'u ne chiwe ri u tz'akatil ri u tinimit ri Ajawaxel, chato' ba' rumal ri Ajawaxel ri u Dios chä'oj c'u chila'.”

Ri Esdras 1:2

“Ri Sir, ajawinel re Pers, cuk'alajisaj ri cätakex u bixic: Ri Ajawaxel, ri Dios ri c'o chicaj, u yo'm pa nu k'ab conojel ri ajawibal aj uwächulew, u yo'm c'u u bixic chwe chi quinyac jun Rachoch Dios pa Jerusalen, ri c'o pa ri rulew ri Juda.

Ri Esdras 7:12

“Ri k'atal tzij Artajers cuya' rutzil u wäch ri Esdras, cojol tabal tok'ob xukuje' ajtij ri u tijom rib che ri u pixab ri Dios aj caj.

Salmib 62:11

Man xa ta jumul o camul nu tom wa' ri u bim ri Dios: chi ri cuinem xukuje' ri lok'ok'ebal c'uxaj, e rech, ri are' c'ut quetojow chquijujunal jas ri u cholajil ri u banom.

E C'ambal tak Tzij 8:15

Wumal in, quebajawin tak ri ajawinelab quequik'at c'u tzij tak ri k'atal tak tzij.

Ri Isaiy 10:8

Cubij: ‘Conojel tak ri ajawinelab e c'amal tak be wa' ri e c'o chuxe' ri nu takanic.

Ri Isaiy 47:5

“Chatt'uyul pa yinelem k'apoj Caldey, chanima' awib pa ri k'eku'm, man cäbix ta chi c'u na chawe: ‘qui ajawinel ixok ri nimak tak tinimit.’

Ri Jeremiy 28:14

In c'ut ri Ajawaxel ri c'o ronojel u cuinem, ri u Dios ri Israel, quinbij: Nu cojom chrij qui wi' conojel we nimak tak tinimit ri' jun eka'bal re räx ch'ich' rech quepataninic e jacha' lok'om tak pataninelab che ri ajawinel Nabucodonosor re Babilon. Xukuje' ne tak ri juyubal tak awaj e nu cojom chuxe' ri u cuinem.”

Ri Jeremiy 34:1

Aretak ri Nabucodonosor, rajawinel re Babilon, e rachil conojel ri rajch'ojab e re conojel qui wäch winak e re conojel ri nimak tak tinimit re ri ulew ri e c'o chuxe' ri u takanic, cätajin quech'ojin ruc' ri Jerusalen xukuje' cuc' conojel ri c'ulja nimak tak tinimit, ri Ajawaxel xutzijobej ri Jeremiy, xubij c'u che:

Ri Ezequiel 26:7

In, ri Ajawaxel quinbij: Quinbano chi cäpe pa ri riquiak'ab elebal k'ij ri Nabucodonosor, ri ajawinel pa Babilon, ri ajawinel ri c'o na nimalaj u chuk'ab, rech cäch'ojin ruc' ri Tir. E ruc'am quiej capetic xukuje' tak carwaj xukuje' ajquiejab, e ruc'am c'u ulok q'uialaj ajch'ojab.

Ri Daniel 1:2

Ri Ajawaxel xuya' c'olbal chi ri Nabucodonosor xuyut ri Joasim, xukuje' niq'uiaj chque ri e u chaconisan ri rachoch Dios. Ri Nabucodonosor, xebuc'am c'u bic ri winak ri xekaj pa u k'ab pa Babilon, xebuya' c'ut ri tastalic tak chaconisan chquixo'l ri e u k'inomal ri cachoch ri e u diosib;

Ri Daniel 2:31

Pa ri waram la, xil la chi chwäch la xwalij wi jun u wächbal winak ri sibalaj nim ri cärepc'un c'ut sibalaj xibibal cäpetic.

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Daniel 4:19

Are c'u ri Daniel, ri cäbix Beltsasar che, xcanaj jok'otaj che chomanic, u xibim rib cumal tak ri chomanic ri xepe pa u jolom. Are c'u ri in, ri ajawinel xinbij che ri Beltsasar, ‘matoc il che ri ichic' ri nu banom, mawi che ri quel cubij.’ Ri Beltsasar xubij che ri ajawinel: ‘¡Ay, ronojel ta ri quel cubij ri ichic', chkaj ta paquiwi' ri e c'ulel la!

Ri Daniel 4:22

we che' ri', kas lal ri' ajawinel, ri q'uiyinak la, ri uxinak sibalaj nim chuk'ab la. Ri nimalil la, nimarinak ri u rikom ri u chicajil ri caj, ri ajawinic la u lic'om rib c'ä puwi' ronojel ri uwächulew.

Ri Daniel 4:25

Are' c'u, ri lal quesax na la bic chquixo'l ri winak cäjeki' na la chquixo'l ri awaj; catij na la k'ayes, e jacha' tak ri wacax, are c'u ri räxk'ab cäch'akaban na ri cuerp la. Je c'u c'aslemal la wa', wukub junab c'ä cach'ob na la, chi ri Dios aj chicaj c'o u cuinem paquiwi' conojel tak ri ajawibal aj winak, chi are c'ut ri are' ri cäcojow jacha' che k'atal tzij jachin ri cuchomaj chi takal che.

Ri Daniel 4:3

¡Sibalaj e nimak ri e u cajmajibal xukuje' ri e u mayibal! Ri rajawinic man c'o ta u q'uisic, ri u cuinem cätaken na ija'lil chi ija'lil.

Ri Daniel 4:32

catelesax na chquixo'l ri winak catejekel na chquixo'l ri awaj; catija' na k'ayes e jacha' ri wacax wukub junab, c'ä cach'ob na chi ri Dios ri sibalaj aj chicaj c'o u cuinem paquiwi' conojel ri nimak tak tinimit ri e c'o cho ri uwächulew, chi are' c'ut ri are' ri cäcojow jacha' che k'atal tzij jachin ri cuchomaj chi takal che.”

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.

Ri Daniel 5:18

Ri Dios aj chicaj xuya' ri ajawinic xukuje' ri nimalil, juluwem xukuje' ri nimarisabal k'ij che ri Nabucodonosor, ri tat la.

Ri Daniel 7:14

Xeya' c'u ri cuinem che, ri juluwem xukuje' ri ajawibal, xukuje' winak que conojel ri nimak tak tinimit xukuje' tak ch'abal quepatanin c'u che. Ri u cuinem man c'o ta u q'uextajic, ri rajawinic mawi jubik' cäsachisax ta u wäch.

Ri Osey 8:10

Pune' ta c'u ne quebuya' tak sipanic chquixo'l nimak tak tinimit, ri in quebenjabuj na, c'o c'u jun k'ijol ri caquitanaba' na qui takexic tak ajawinelab xukuje' c'amal tak be.

Ri Matey 6:13

Mujya' la chuwäch ri takchibal macaj, xane' chujto' la chujesaj la pa u k'ab ri banal etzelal.’

Ri Xuan 19:11

Ri Jesus xutzelej u bixic che: “Ma ta c'o takanic la ri' panuwi', we ta ma ta cäyataj che la rumal ri Dios. Rumal ri', c'o na nim u mac ri jun ri xinujach pa k'ab la.”

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Apocalipsis 17:14

Ri e are' quech'ojin na ruc' ri Alaj Chij. Ri Alaj Chij c'ut quebuch'äc na, are c'ut Cajaw ri ajawib, Cajawinel ri ajawinelab. E c'o c'u ne ruc' ri e siq'uim xukuje' e cha'om rumal ri Dios, e jic c'ut.”

Apocalipsis 19:16

Che ri ratz'iak xukuje' che ri ra' tz'ibatal wi we bi'aj ri': “Cajawinel ri ajawinelab, Cajaw ri ajawib.”

Apocalipsis 4:11

“Kajaw xukuje' ka Dios, ya'tal che la ri u c'amic ri juluwem, ri nim ilic xukuje' ri cuinem. Lal xebanow la conojel ri jastak, rumal ri rayibal la e c'olic, xebantajic.”

Apocalipsis 5:12

Xquibij ruc' chuk'ab: “Takal che ri Alaj Chij ri xcämisaxic, chi cuc'am ri cuinem, ri k'inomal, ri no'j, xukuje' ri chuk'ab, xukuje' ri nim ilic, xukuje' ri juluwem xukuje' chi cak'ijilaxic.”