Ri Daniel 2:27 - Quiché Bible

²⁷ Ri Daniel xubij: “Man c'o ta jun ajno'j mawi jun ch'obonel mawi ajk'ij mawi ajch'imil, ri cäcuin ta chubixic che la, ri c'utalic ri caj la retamaxic.

Ri Daniel 2:27 ပူးပေါင်းရင်းမြစ်များ

Chapletajic 40:8

Ri achijab ri' xquibij che ri Jose: “Ka banom jujun kichic', man c'o ta c'u jun cäcuinic cubij ta chke jas quel cubij ri xkichic'aj.” Ri Jose xubij chque: “¿La ma ta puch are' ri Dios cayo'w ri k'alajisanic?” xcha' ri Jose chque. “Chibij ba' chwe ri xinwichic'aj.”

Chapletajic 41:8

Chucab c'u k'ij aretak sakarinak chic sibalaj oquinak il, xuya' c'u takanic chi chepet conojel ch'obonelab xukuje' ri ajno'jab aj ejiptib. Ri paraon xutzijoj chque ri xerichic'aj, man c'o ta c'u jun chque xcuin ta che qui ch'obic ri quelcaquibij.

Ri Isaiy 19:3

Quinbano chi cämoxir ri qui jolom, quinbano chi man je ta quel wi ri qui chomanic. Quebe c'u na che u tz'onoxic qui no'j chque tak ri diosib xukuje' chque tak ri ajk'ijab, chque tak ri cuxlabal ri cäminakib xukuje' chque tak ri ch'obonelab.

Ri Isaiy 44:25

Ri in man quinya' ta be che chi je cäbantajic ri cäquiya' u bixic ri e qui cawäch tak e k'axal tzij; ri in quinbano chi ri ch'obonelab queconiric. Ri in quinbano chi ri ajno'jab cäquic'ulelaj quib chi ri qui no'j cux na xa conil.

Ri Jeremiy 10:7

¿Jachin ta ri ma ta cuxe'j rib chwäch la, cajawinel ri nimak tak tinimit? Lal ya'tal che la chi chxex ib chwäch la. Chquixo'l conojel ri ajno'jab xukuje' tak ri ajawinelab re ri uwächulew, man c'o ta jachin jun jacha' ta ri lal.

Ri Daniel 1:20

Pa conojel ri jastak ri cajwataj wi no'j xukuje' c'oxomanic, chque tak wa' xc'ot wi qui chi' rumal ri ajawinel, xeburik c'ut chi c'o na lajuj mul ri qui no'j chquiwäch ri ajk'ijab xukuje' ri ch'obonelab ri e c'o pa ri rajawibal.

Ri Daniel 2:2

Xtakan c'u che qui siq'uixic tak ri ajk'ijab, ch'obonelab, itzinelab xukuje' ajno'jab, rech quequik'alajisaj ri richic'. Xepe c'u conojel wa' xeboc chuwäch ri ajawinel,

Ri Daniel 4:7

Xepe conojel ri ajk'ijab, ri ajch'obonelab, ri ajno'jab xukuje' ri ajch'imilab aj babilonib, xintzijoj c'ut ri ichic' chque, man c'u xecuin taj xquibij chwe ri quel cubij chwe.