Ri Daniel 2:22 - Quiché Bible

²² Ri are' quebuc'utunisaj tak ri jastak ri naj qui pam xukuje' ri man e etamatal taj; reta'm ri c'o pa ri k'ekumalil, c'o c'ut ri sakil ruc'.

Ri Daniel 2:22 ပူးပေါင်းရင်းမြစ်များ

Chapletajic 41:16

Ri Jose xubij che ri ajawinel: “Man quincuin ta in che u ch'obic, xa ne are' ri Dios cäyo'w na u k'alajisaxic che la jun k'alajisanic che utzil che la.”

Ri Job 12:22

Cuya' c'u quetamaxic tak ri e awatalic ri sibalaj e c'utalic queresaj c'ut ri jastak chisak ri sibalaj e k'ekumarinak.

Ri Job 26:6

Ri quemuk wi ri cäminakib, rajawibal ri cämical, awatal ta chuwäch ri Dios che ri Dios.

Salmib 104:2

bolk'otim ib pa jun sakilal jacha' ta ne jun atz'iak. ¡Lal xlic'ow la ri caj jacha' jun ch'ukubal!

Salmib 25:14

Ri Ajawaxel ranima' rib cuc' jachintak ri nim caquil wi, cuya' c'u retamaxic ri u c'ulwächinic chque.

Salmib 36:9

uc' la c'o wi ri u q'uiyibal ja' re c'aslemal chupam c'ut ri chäj la cäkil wi ri chäj.

Ri Tzijonel 8:1

¿Jachin ta ri cacuinic cujunamaj ta rib ruc' ri ajno'j? ¿Jachin ta ri reta'm ri quel quequibij ri jastak? Ri no'j cutunuj ri u palaj ri winak; cuban che chi cuq'uex ri cowilaj u palaj.

Ri Isaiy 41:22

Chilibij chke jas ri cäc'ulmataj na, chilik'alajisaj chkawäch ri oc'owinak chic, cujoc c'u na il che u tatabexic chiliya' u bixic ri jastak chke ri quepe na, rech cäkilo jas ri quebel na;

Ri Isaiy 41:26

¿Jachin xyo'w ulok u bixic wa' kas pa ri tictajic, rech cäketamaj? ¿Jachin xbin ulok wa' ojer rech cäkacojo chi c'o rumal ri xubano? Man c'o ta jun chiwe xyo'w ta u bixic, man c'o ta jun xuta' ta jun tzij ri xibij.

Ri Isaiy 42:9

Chiwila', chi je xel wi ronojel ri nu yo'm ulok u bixic nabe, are c'u ri camic quinya' qui bixic c'ac' tak jastak quinya' qui bixic chiwe c'ä majok chebec'utunok.”

Ri Isaiy 45:7

In quinyo'w ri sakil xukuje' ri k'eku'm, in quinyo'w ri utzalaj c'aslemal xukuje' ri u q'ueyowal. In, ri Ajawaxel ri quinbanow conojel we jastak ri'.”

Ri Jeremiy 23:24

¿Jachin ta lo ri cäcuinic cuc'u' ta rib chquiwäch ri nu bak'wäch? Ruc' ri nu wächbalil quinnojisaj ri caj xukuje' ri ulew. In ri Ajawaxel quinjiquiba' u bixic.

Ri Jeremiy 33:3

Chinasiq'uij quintzelej c'u na u wäch ri a tzij, quinya' c'u na qui bixic nimak tak jastak chawe ri e awatalic ri man e aweta'm taj.

Ri Daniel 2:11

Rumal rech chi ri catz'onoj la retamaxic, sibalaj c'ax, ri man c'o ta jun winak ri cäcuin ta che u bixic che la ri quel cubij, we man e are' ri diosib; ¡ri e are' man e jekel ta c'u chquixo'l ri winak!”

Ri Daniel 2:19

Pa ri ak'ab ri' ri awatalic xc'utunisax chuwäch ri Daniel pa jun c'utwächinic, rumal c'u wa' ri Daniel xutewichi'j ri Dios ri c'o pa ri caj

Ri Daniel 2:47

Xubij chi c'u na che ri Daniel: “Kastzij ri i Dios ix, are' ri nim na u k'ij chquiwäch ri niq'uiaj diosib chic; are' ri cajaw ri ajawinelab xukuje' are' ri cäk'alajisan tak ri c'utalic, atcuininak c'u ri at che u c'utunisaxic we c'utalic ri'.”

Ri Daniel 5:11

chi pa ri ajawibal la c'o jun achi ri c'amom u be rumal ri ruxlabal ri tastalicalaj Dios. Aretak ri tat la, c'o che ajawinel, we achi ri' xuc'utu chi c'o jun sakalaj u chomabal, ri c'o retamanic xukuje' u no'j e jacha' tak ri diosib. Rumal ri' ri ajawinel Nabucodonosor ri tat la, xucoj we achi ri' che c'amal qui be conojel ri ajk'ijab, ri ch'obonelab, ri ajno'jab xukuje' ri ajch'imilab ri e c'o pa ri nim tinimit,

Ri Daniel 5:14

Xbix chwe chi ri ruxlabal ri Dios c'o awuc', chi c'o jun sakalaj a chomanic, xukuje' chi sibalaj c'o awetamanic xukuje' a no'j.

Ri Matey 13:13

Rumal ri' quebench'abej ri winak pa tak c'ambal no'j. Rumal rech chi queca'yic, man cäquil ta c'ut. Quetanic, man cäquita' ta c'ut, mawi quech'obonic.

Ri Xuan 1:9

Ri kas chäj, ri cätunun paquiwi' conojel ri winak, ulinak c'u cho ri uwächulew.

Ri Xuan 21:17

Ri Jesus xubij chi che churoxmul: “Simon, u c'ojol ri Jonas: ¿la quinalok'ok'ej?” Xbison ri Lu' rumal rech chi xubij che churoxmul: “¿La quinalok'ok'ej?” Xubij c'u che ri Jesus: “Wajaw, lal eta'm la conojel, eta'm la chi lal quinlok'ok'ej.” Ri Jesus xubij che: “Chebayuk'uj ri nu chij.

Ri Xuan 8:12

Ri Jesus xebutzijobej chi jumul ri winak, xubij: “In ri' ri u chäj ri uwächulew. Apachin ri quinuterenej, man cäbin ta pa k'eku'm, xane' cäc'oji' na ri chäj re c'aslemal ruc'.”

1 Corintios 4:5

Je c'u ri' c'o jun jasach mik'at tzij puwi', aretak c'ä majok ri u k'ijol. Chiweyej na aretak cäpe ri Ajawaxel, ri are' cäresaj na chi sak ri c'utal pa ri k'eku'm, cuk'alajisaj na ri u rayibal ri qui c'u'x ri winak. C'äte ri' cäya' na qui k'ij chquijujunal rumal ri Dios jas ri takal chque.

Efesios 3:5

Nabe canok man yo'm ta retamaxic we jastak ri' chque ri winak. C'äte camic ri Dios u c'utum chquiwäch ri u tastalic takomxenlab xukuje' ri e k'axal tak re ri u tzij rumal ri Uxlabaxel,

U Camulixic ri Pixab 29:28

xeresaj c'u bic pa ri culew ruc' oyowal, ruc' nimalaj c'anal; xq'uistaj u c'u'x chque, xebuq'uiak bic pa jule' tak ulew chic, jas ri cätajin cäc'ulmataj camic.

1 Timoteo 6:16

ri xa' Jun ri man cäcäm taj, ri cäc'oji' pa ri sakil, ri man c'o ta jun cäcuinic cänakajin ruc', ri mawi ne jun winak ilowinak mawi cäcuinic cärilo. ¡Che ri are chyok wi ri nim ilic cumal conojel! ¡Ri are c'o u takanic ri man cäq'uis taj! Je chbanok.

Hebreos 4:13

Man c'o ta jun jasach banom ta cho ri uwächulew c'u'm ta chuwäch ri Dios. Conojel ri jastak e ch'anach'oj xukuje' e k'alaj chuwäch ri u bak'wäch ri Jun ri cäkabij wi na jas ri ka banom.

Santiago 1:17

Ronojel utzalaj sipanic, ronojel tz'akatalaj sipanic chicaj cäpe wi. Cäkaj ulok ruc' ri Dios ri xebuban ri sakil chicaj. Ri are' man cäq'uextaj taj. Ruc' ri are' man c'o ta u nanoch' ri q'uextajic.

1 Juan 1:5

Are tzijol wa' ri xujutijoj wi ri Jesucrist rech cakaya' c'u u bixic chiwe: chi ri Dios sakilal chi man c'o ta jun k'ekumalil ruc' ri are'.