Ri Daniel 2:21 - Quiché Bible

²¹ Ri are' quebuq'uex ri k'ijaric xukuje' tak ri k'ijol; queresaj xukuje' quebucoj tak ajawinelab, cuya' qui no'j tak ri ajno'jab xukuje' qui c'oxomabal ri quec'oxomanic.

Ri Daniel 2:21 ပူးပေါင်းရင်းမြစ်များ

Nabe Ajawinelab 10:24

Conojel ri winak cäcaj caquilo xukuje' caquitatabej ri u no'j ri u yo'm ri Dios che,

Nabe Ajawinelab 3:28

Ronojel Israel xunabej ri k'atan tzij ri xuban ri ajawinel che u sachisaxic u tza'm ri ch'o'j, nim xquil wi, rumal rech chi xquilo chi are' ri Dios yowinak u no'j che u cojic ri suq'uilal.

Nabe Ajawinelab 4:29

Ri Dios xuya' nimalaj no'j che ri Salomon xukuje' etamabal, xukuje' jun ch'obonic ri sibalaj nim jacha' sanyeb ri c'o chuchi' ri plo,

Nabe Tzijobelil 22:12

Chuya' ba ri Ajawaxel awetamanic xukuje' a no'j, rech aretak cujach ri ajawinic pa a k'ab puwi' ri Israel, chatz'akatisaj qui banic tak ri u pixab ri Ajawaxel ri a Dios.

Nabe Tzijobelil 29:30

c'o ronojel ri tzijobelil re ri rajawinic xukuje' ri u cuinem xukuje' tak ri xuc'ulmaj ri are', ri Israel xukuje' ri niq'uiaj tak ulew chic.

Ri Ester 1:13

xutz'onoj u no'j chque ri queta'm jas caquibij ri pixab, nak'atisabal c'ut chi ri jastak ri cuchomaj ri ajawinel cächomax cumal ri queta'm ri caquibij ri pixab, xukuje' ri colomibal.

Ri Job 12:18

Cäresaj ri qui takanic tak ri ajawinelab cuban chque chi e yutuyuj quec'am bic; xukuje' e ch'anach'oj.

Elem 31:3

nu nojisam c'u che ri ruxlabal ri Dios xukuje' che no'jinic, nawinic, etamanic, che qui banic jastak,

Elem 31:6

Nu cojom c'u ri Aholiab che to'l rech, ri u c'ojol ri Ahisamac, ri aj Dan. Conojel ri ajno'jab nu yo'm u wi' ri qui no'jibal rech quecuin che u banic ronojel ri at nu takom che u banic:

Ri Daniel 1:17

Chque we quiejeb alabom ri', ri Dios xuya' c'oxomanic xukuje' no'jinic chque rech cäquich'ob ronojel qui wäch wuj xukuje' etamanic. Ri Daniel cuch'ob xukuje' ronojel u wäch c'utwächinic xukuje' ichic'.

Ri Daniel 10:1

Pa ri urox junab re ri rajawinic ri Sir ri aj Pers, ri Daniel ri cäbix Beltsasar che, xril jun kas k'alajisanic ri sibalaj c'ax u ch'obic ri quel cubij. Are c'u ri Daniel xucoj ronojel ri u no'j che u ch'obic, xcuin c'u che u ch'obic ri quel cubij ri k'alajisanic ri xya' che.

Ri Daniel 11:6

Che c'u quieb oxib junab, qui cabichal cuc'ulaj na rib qui wäch: ri ajawinel ri c'o pa u mox elebal k'ij cuya' na ri u mia'l pa c'ulanem che ri ajawinel ri c'o pa riquiak'ab elebal k'ij, rech jic cäc'oji' ri jamaril chquixo'l ri quieb nimak tak tinimit. Man je ta c'u quel na we chomanic ri', ri ralib jacha' xukuje' ri u c'ojol, ri rachajil xukuje' tak ri e u pataninelab quecämisax na.

Ri Daniel 2:20

cuc' tak we tzij ri': “Tewichi'm ba' amak'el ri u bi' ri Dios, e rech c'ut ri no'j xukuje' ri cuinem.

Ri Daniel 2:23

Che la, qui Dios ri e nu mam, quinya' maltioxinic che la xukuje' quink'ijilan che la, rumal rech chi banom la aj no'j chwe xukuje' aj chuk'ab; camic yo'm la retamaxic ri ka tz'onon che la: c'utum la chkawäch ri oquinak wi il ri ajawinel.”

Ri Daniel 2:9

Rumal ri', we c'u man quitzijoj chwe ri xinwichic'aj, xa' junam c'äjisabal wächaj quikajbej na, i junam c'u i tzij che qui bixic banoj tak tzij chwe xukuje' tak cawächibal, quiweyej c'ut chi queq'uextaj tak ri c'ulmatajic. Chitzijoj ba ri ichic' chwe, je c'u ri' quinwetamaj na chi quixcuin che u k'alajisaxic ri quel cubij ri xinwichic'aj.”

Ri Daniel 4:14

ri co xurak u chi' je xubij wa': Chikasaj ri juwi' che, chebit'oyo tak ri u k'ab, chebijolij tak ri u xak chebijabuj tak ri e u wächinic. Chebanimaj tak ri juyubal tak awaj ri e c'o chuxe' ri u mu'jal xukuje' tak ri chicop ri e c'o ri qui xic' ri e c'o pa tak ri u xak.

Ri Daniel 4:17

Are c'u c'äjisabal wächaj wa' ri xquiya' u bixic ri tastalicalaj tak tako'n yuxlenelab, rech conojel ri winak chquetamaj chi ri Dios ri sibalaj chicaj c'o wi ri c'o u cuinem paquiwi' ri ajawinic aj winak chi are' cuya' ri ajawinic jachin che ri craj cuya' wi, cuban c'u che jun winak ri sibalaj man nim ta u k'ij chi cux c'amal u be jun nim tinimit.

Ri Daniel 4:22

we che' ri', kas lal ri' ajawinel, ri q'uiyinak la, ri uxinak sibalaj nim chuk'ab la. Ri nimalil la, nimarinak ri u rikom ri u chicajil ri caj, ri ajawinic la u lic'om rib c'ä puwi' ronojel ri uwächulew.

Ri Daniel 4:32

catelesax na chquixo'l ri winak catejekel na chquixo'l ri awaj; catija' na k'ayes e jacha' ri wacax wukub junab, c'ä cach'ob na chi ri Dios ri sibalaj aj chicaj c'o u cuinem paquiwi' conojel ri nimak tak tinimit ri e c'o cho ri uwächulew, chi are' c'ut ri are' ri cäcojow jacha' che k'atal tzij jachin ri cuchomaj chi takal che.”

Ri Daniel 7:25

Cuyok' c'u na ri Dios aj chicaj, cutakej c'u na u sachic u wäch ri u tinimit; cucoj na u chuk'ab che u q'uexic ri u pixab ri Dios xukuje' tak ri nimak'ij, are c'u ri u tinimit ri Dios cäcanaj na chuxe' ri u cuinem cäbeytaj c'u na oxib junab ruc' wakib ic'.

Ri Lucax 21:15

In quinyo'w na i tzij, in quinyo'w i no'j. Jeri' chi ri e i c'ulel man cäquirik taj jas cäquibij chiwe, man quech'äcan taj.

Romanos 13:1

Conojel winak rajawaxic chi caquiya' quib pa takic chque ri k'atal tak tzij ri e cajom. Man c'o ta k'atal tzij, we ta ma ta rumal ri Dios. Ri e c'olic, are ri Dios e takowinak.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

Santiago 1:17

Ronojel utzalaj sipanic, ronojel tz'akatalaj sipanic chicaj cäpe wi. Cäkaj ulok ruc' ri Dios ri xebuban ri sakil chicaj. Ri are' man cäq'uextaj taj. Ruc' ri are' man c'o ta u nanoch' ri q'uextajic.

Santiago 1:5

We c'u c'o jun chiwe c'ä c'o cäraj ri u no'j, chuta' che ri Dios, cäyataj c'u na. Ri Dios cuya' chque conojel, man xak ta jubik' cuya'o, xukuje' aretak cäyataj rumal, man cäyok'on taj.

Apocalipsis 19:16

Che ri ratz'iak xukuje' che ri ra' tz'ibatal wi we bi'aj ri': “Cajawinel ri ajawinelab, Cajaw ri ajawib.”