Ri Daniel 12:6 - Quiché Bible

⁶ Jun c'ut chque xuban we c'otoj chi'aj ri' che ri achi ri u cojom tak sakloloj atz'iak re lino, ri c'o paquiwi' ri ja' re ri nima': ¿Jampa' queq'uis qui tza'm we jastak ri' ri kas man e c'o ta c'o wi?

Ri Daniel 12:6 ပူးပေါင်းရင်းမြစ်များ

Salmib 74:9

Man quekil ta chic ri e tastalicalaj tak ketal; man c'o ta chi jun k'axal tzij la; mawi ne keta'm joropa' junab cäbeytaj na wa'.

Ri Ezequiel 9:2

Xinwil c'ut chi wakib achijab xeboc pa ri oquibal ri naj elinak chicaj ri cäca'y pa ri u mox ri elebal k'ij, chquijujunal cuc'am ulok jun wi't pa qui k'ab. Petinak jun achi pa qui niq'uiajil ri u cojom ratz'iak re lino, ri e ruc'am chaconisan re tz'ibanic xe' u pam. Xeboquic, xetaq'ui' c'u ruc' ri porobal re k'an ch'ich'.

Ri Daniel 12:5

In, Daniel, xinwilo chi e c'o chi quieb winak e tac'atoj, jun c'o che ri juperaj u chi' ri nima' ri jun chic che ri juperaj chic.

Ri Daniel 12:8

Ri in xintatabej ri cubij, man c'o ta c'u jas xinch'obo. Xinc'ot c'u u chi', xinbij che: ‘Ajawaxel, ¿jas ri cäc'ulmataj na aretak cäbantaj ronojel wa?’ xincha' che.

Ri Daniel 8:13

Chuwi' chi c'u wa' xinto chi jun tako'n aj caj xuc'ot u chi' chic jun tako'n aj caj, xubij: ‘¿Jampa' cätanabax u banic wa' ri quilitaj puwi' ri porobal ri queya' wi tabal tok'ob ronojel k'ij? ¿Joropa' k'ijol cäbeytaj ri xibibalalaj mac chi cäjach ri tastalicalaj k'ijilabal ri cak'ijilax wi ri Ajawaxel xukuje' ri quecojon che, rech quexak'alexic?’

Ri Daniel 8:16

xinta' c'u u ch'abal jun winak ri petinak pa ri nima' Ulay, ri je xubij wa': ‘Gabriel, chak'alajisaj ri c'utwächinic chuwäch we achi ri'.’

Ri Matey 24:3

Ri Jesus t'uyul pa ri qui juyubal tak ri u Che'al Aseitun. Xebopan ri u tijoxelab ruc' pa qui tuquiel wi, che u ta'ic che: “Bij la chke, ¿Jampa' cäc'ulmax wa'? ¿Jas ri retal ri petbal la? ¿Jas ri retal ri u q'uisbalil ri uwächulew?”

Marcos 13:4

Bij la chke: “¿Jampa' quebantaj we jastak ri'? ¿Jas c'u ri etal aretak majok chebantaj ronojel wa'?”

Efesios 3:10

Xbantaj wa' rech camic ri c'o qui takanic xukuje' ri c'o qui cuinem pa ri caj cäquetamaj rumal ri comon cojonelab ri q'ui u wäch tak u no'j ri Dios.

1 Pedro 1:12

Xk'alajisax c'u chquiwäch ri k'axal tak tzij, chi aretak cäquibij we jastak ri', man chquetaj e are quebajwataj wi, xane' chiwe ix. Are we jastak ri' quetzijox chiwe camic cumal ri winak ri cäquitzijoj ri tzij re colobal ib chiwe rumal ri Ruxlabal ri Dios ri takom ulok chicaj. E jastak wa' ri xcajtaj ri e tako'nib aj caj chi e are' taj xeilowic.

Apocalipsis 15:6

Chupam c'ut ri k'ijilabal xebel wi ulok ri wukub tako'nib aj caj ri cuc'am ri wukub banbal c'ax. Qui cojom ch'ajch'oj catz'iak re lino ri cäjuluwic, qui cojom ximibal re k'an puak che ri uwo qui c'u'x.

Apocalipsis 19:14

Ri ajch'ojab ri e c'o pa ri caj e teren chrij. E c'o chquij sak tak quiej. Qui cojom sakloloj tak atz'iak re ch'uch'ujalaj lino ri ch'ajch'oj.

Apocalipsis 6:10

Xquirak qui chi' ruc' chuk'ab, xquibij: “Ajawaxel, ri tastalic ri man cuban ta etzelal, xukuje' ri jic, ¿c'ä jampa' cäk'at la tzij paquiwi' ri e c'asal cho ri uwächulew? ¿C'ä jampa' cäya' la rajil u q'uexel ri ka quiq'uel chque?”