Ri Daniel 12:4 - Quiché Bible

⁴ Are c'u ri at Daniel, chebawawaj we jastak ri' chi c'uyal, chat'ika' ri wuj c'a copan na ri q'uisbal jok'otaj. E q'uia winak quebe na jeri' quebe na jela', cäquitzucuj u q'uiyirisaxic tak ri quetamanic.’

Ri Daniel 12:4 ပူးပေါင်းရင်းမြစ်များ

Ri Isaiy 11:9

Pa ronojel ri tastalicalaj nu juyub man c'o ta jun ri cuban ta jun c'ax, je c'ut jacha' ri ja' cunojisaj ri plo, je cuban na ri etamanic ri cuya' ri Ajawaxel cunojisaj na ronojel ri uwächulew.

Ri Isaiy 29:11

Ronojel c'u c'utwächinic uxinak chiwe jacha' tzij ri tz'ibatal chupam jun botobic wuj, ri xukuje' t'ikom, we c'u c'o cayo'w che jun ri reta'm uwo wuj, cubij c'u che: “Chasiq'uij u wäch we wuj ri'”, cutzelej ta c'ut u bixic: “Man quincuin taj t'ikom c'ut.”

Ri Isaiy 30:26

Ri Ajawaxel cucunaj na xukuje' cubotz' na ri u socotajic ri u tinimit. Ri ic' xak junam cätunun chic ruc' ri k'ij, ri u tun ri k'ij cux na wukub mul ri u chuk'ab, jacha' ri qui tun wukub k'ij ri junam quetununic.

Ri Isaiy 32:3

Sibalaj jaktal ri qui bak'wäch, sibalaj queboc na il che tatabenic;

Ri Isaiy 8:16

Utz u c'olic chibana', chicojo' pa lawe, ri k'alajisanic, ri yabal no'j, xukuje' ri tijonic ri quinya' chiwe.

Ri Jeremiy 5:1

Ri Ajawaxel je cubij wa': “Chebibinibej ri e u xo'l tak ja re ri Jerusalen, kas chixcayilob, chixtzucun pa tak ri c'ayibal, che rilic we quiriko jachin jun ri cuchacuj ta ri suq'uilal, ri caraj cux aj kas jic ranima'. We quiriko quinsach na u mac ri Jerusalen.

Ri Daniel 10:1

Pa ri urox junab re ri rajawinic ri Sir ri aj Pers, ri Daniel ri cäbix Beltsasar che, xril jun kas k'alajisanic ri sibalaj c'ax u ch'obic ri quel cubij. Are c'u ri Daniel xucoj ronojel ri u no'j che u ch'obic, xcuin c'u che u ch'obic ri quel cubij ri k'alajisanic ri xya' che.

Ri Daniel 10:14

In petinak c'u che u k'alajisaxic ri cuc'ulmaj na ri a tinimit pa ri q'uisbal tak k'ijol ri quepe na, ri c'utwächinic c'ut ri awilom are' cubij we k'ijol ri'.’

Ri Daniel 10:21

Camic quinbij chawe ri tz'ibatal chupam ri wuj ri c'o wi ri kastzij: Pa ri nu tijoj chuk'ab cuc', xak xuwi c'o ri u to'banic ri Miquel wuc', ri tako'n aj caj ri to'banel pa Israel.’ ”

Ri Daniel 11:33

Ri e rajno'jab ri tinimit, e q'uialaj winak xquiya' qui no'j, chanim c'ut quecämisax c'u na, queporox c'u na, queläk'ax c'u na ronojel ri c'o apan cuc', quec'am na bic, quecoj na che lok'om pataninelab pa jule' tak ulew chic. Wa' cabeytaj na jun k'ijol.

Ri Daniel 11:40

Aretak copan ri jok'otaj q'uisbalil, ri ajawinel ri c'o pa u mox relebal k'ij cäch'ojin na ruc' ri ajawinel ri c'o pa ri riquiak'ab relebal k'ij; quel c'u na ulok wa' che u c'ulaxic jacha' c'u jun xibibalalaj jasach, cuq'uiak rib chrij ri u mox elebal k'ij, cunojisaj c'u ronojel ri ulew cuc' carwaj re ch'o'j, ajch'ojab ri e c'o qui quiej xukuje' ri q'ui qui jucub.

Ri Daniel 12:13

Are c'u ri at, Daniel, chatakej ri a be c'ä che ri a q'uistajic, chatuxlan c'ut, chquipam c'ut ri q'uisbal tak k'ij catwalij na che u c'amic ri tojbal awech.’ ”

Ri Daniel 12:5

In, Daniel, xinwilo chi e c'o chi quieb winak e tac'atoj, jun c'o che ri juperaj u chi' ri nima' ri jun chic che ri juperaj chic.

Ri Daniel 12:9

Ri are' xutzelej u wäch ri nu tzij xubij chwe: ‘Chatakej ri a be, Daniel, e are c'ut we jastak ri' rajawaxic quecanajisax chic'uyal c'ä copan na ri jok'otaj q'uisbalil.

Ri Daniel 8:17

Xkeb c'u ri are' wuc'. Ri in xinxe'j wib, xinmej c'u wib c'ä xinya' na ri nu palaj cho ri ulew, xubij c'u ri are' chwe: ‘Rija'l winak, chawetamaj chi we c'utwächinic ri' che ri q'uisbal tak k'ijol cätzijon wi'.’

Ri Daniel 8:19

xubij c'u chwe: ‘Quink'alajisaj na chawe ri quec'ulmatajok aretak cheq'uis ri k'ijol re ri royowal ri Dios, are c'u ri c'utwächinic ri' che we q'uisbal k'ijol ri' cätzijon wi.

Ri Daniel 8:26

Ri c'utwächinic que ri benak tak k'ij xukuje' can ri que tak ri ak'abibal e k'alajisam chawäch, kas c'u tzij wa'; are c'u ri at xak chc'ol pa awanima' queban c'u na wa' aretak e oc'owinak chic q'ui k'ijol.’

Ri Matey 24:14

We utzalaj tak tzij ri' re ri rajawibal ri Dios cätzijox na pa ronojel ri uwächulew. Jeri' cäk'alajisax ri utzalaj tak tzij chquiwäch conojel nimak tak tinimit ri c'o cho ronojel ri uwächulew. C'äte ri', cäpe ri q'uisbal.

Romanos 10:18

Quinbij c'ut: ¿La ma ta qui tom ri tzij? ¡Je', qui tom! Cubij ri Tz'ibatalic: “Cho ronojel ri uwächulew elinak wi bic ri qui ch'abal. C'ä pa tak ri c'olbal sibalaj e naj cho ri uwächulew elinak wi bic ri qui tzij.”

Apocalipsis 10:4

Aretak e ch'awinak chic ri wukub cakulja, raj xintz'ibanic. Xinta' c'u jun ch'abal chicaj ri xubij chwe: “Chebac'u' ri jastak ri qui tzijom ri wukub cakulja, mebatz'ibaj wa'.”

Apocalipsis 22:10

Xukuje' xubij chwe: “Mawawaj we tzij ri' ri c'amom che ri Dios ri c'o chupam we wuj ri'. Nakaj chi c'ut ri k'ij.

Apocalipsis 5:1

Xinwil pa ri u k'ab re ri riquiak'ab ri t'uyul pa ri tem re ajawibal jun wuj ri tz'ibatal chupam xukuje' chrij t'ikom c'u cuc' wukub t'ikbal.