Ri Daniel 12:10 - Quiché Bible

¹⁰ Sibalaj e q'ui ri queboc'ow pa tak ri c'axc'olil ri e yo'm qui bixic, quebel c'u na chquipam e ch'ajch'ojirisam e tz'akatinak. Ri itzel tak winak cäquitakej na qui banic tak etzelal, man cäquich'ob ta c'ut ri cäc'ulmatajic, are c'u ri achijab ri ajno'jab cäquich'ob na ronojel.

Ri Daniel 12:10 ပူးပေါင်းရင်းမြစ်များ

Salmib 107:43

Jachin ri c'o u no'j, chucojo' retal wa' chuch'obo' c'u ri lok'ok'ebal u c'u'x ri Ajawaxel.

Salmib 51:7

Chinjosk'ij la ruc' k'ayes re hisop, quinjosk'itaj c'u na; chinch'aja' la, sak c'u quincanaj na chuwäch ri sakalaj tew.

E C'ambal tak Tzij 1:5

Ri c'o u no'j xukuje' u c'oxomanic quebutatabej, we c'u je cuban wa' cäq'uiy c'u na u wi' ri u no'j xukuje' ri esbal u no'j

Ri Isaiy 1:18

Ri Ajawaxel cubij: “Tisaj kachomaj we jasach ri'. Pune' ta ne sibalaj quiäk rokroj ri i mac, quinban na che jacha' ri sak tew; pune' ta junam ruc' jun atz'iak ri rubum pa corinto quinban na sak che jacha' ri sakalaj rismal chij.

Ri Ezequiel 36:25

Quixinch'aj na ruc' josok'alaj ja', quixinjosk'ij na che ronojel ri i tz'ilol, quixinch'ajch'ojirisaj na chque tak ri e u rikic iwib cuc' tak ri e diosib;

Ri Ezequiel 47:11

Pa tak c'ut ri suk xukuje' pa tak ri chemelic tak ja' man e c'o ta ja' qui'; chila' cäcanaj wi can ri ja' ri c'a che atz'am, ri na ri quesax wi na ri atz'am.

Ri Daniel 11:33

Ri e rajno'jab ri tinimit, e q'uialaj winak xquiya' qui no'j, chanim c'ut quecämisax c'u na, queporox c'u na, queläk'ax c'u na ronojel ri c'o apan cuc', quec'am na bic, quecoj na che lok'om pataninelab pa jule' tak ulew chic. Wa' cabeytaj na jun k'ijol.

Ri Daniel 11:35

Xukuje' cäban na c'ax chque jujun ri queyo'w tak qui no'j ri winak, rech aretak e c'o pa ri c'ambejebal, quejosk'itajic xukuje' quetz'akatisaxic, c'ä copan na ri jok'otaj q'uisbalil ri c'utum chic.

Ri Daniel 12:3

Ri achijab ri ajno'jab, ri xequic'am qui be q'ui winak pa ri colomalaj be, quejuluw na jacha' ri räxalaj caj; ¡quejuluw na chbe k'ij sak, e junam cuc' tak ri ch'imil!

Ri Osey 14:9

E are' ba' ri ajno'jab xukuje' ri utz quenojinic chequich'ob we tijonic ri': Ri e u be ri Ajawaxel e colom, e are' tak c'ut ri e suc' quequitakej; e are' tak c'ut ri e banal tak etzelal chaquichak'ij quib puwi'.

Ri Malaquiy 3:3

Ri Ajawaxel cut'uyuba' na rib che qui josk'ixic tak ri e cojol tabal tak tok'ob, ri e rija'lil ri Levi, jacha' ta ne ri cuban ri ch'ajal sak puak xukuje' k'an puak chupam ri k'ak'. Aretak c'u cabantaj wa' ri e are cuya' caquicoj ri qui sipanic chuwäch ri Ajawaxel, jacha' ri takal u banic cumal.

Marcos 4:11

Ri Jesus xubij chque: “Yo'm chiwe ix ri qui ch'obic ri jastak re ri rajawibal ri Dios ri man etamatal taj nabe canok. Chque c'u ri niq'uiaj winak chic, ronojel cäbix chque pa c'ambal tak no'j,

Ri Lucax 24:25

C'äte ri' ri Jesus xubij chque: “¡Ay, ri ix man quixchoman taj; man quicoj ta pa ri iwanima' ronojel ri qui tzijom ri k'axal tak tzij!

Ri Xuan 18:37

Xubij c'u ri Pilat che: “¡At ba' ajawinel!” Ri Jesus xubij che: “Lal cabin la chi in ajawinel. Che wa' xinalax wi, che wa' in ulinak wi cho ri uwächulew, rech quink'alajisaj ri kastzij. Conojel ri e aj kastzij cäquita' ri nu ch'abal.”

Ri Xuan 7:17

We c'o jachin cäraj cuban ri u rayibal ri xintakow ulok, cäretamaj na we ri nu tijonic cäpe ruc' ri Dios, we xak quintzijoj pa we wi.

Ri Xuan 8:47

Jachin c'ut ri rech ri Dios, quebutatabej ri e u tzij ri Dios; rumal c'u rech chi man ix ta rech ri Dios, man quiwaj taj quebitatabej.”

1 Corintios 6:11

E c'o c'u jujun chiwe e je tak wa' nabe canok. Camic c'ut ix ch'ajtajinak chic, banom chi tastalic tak winak chiwe, ix k'alajisam chic chi ix suc' chuwäch ri Dios pa ri u bi' ri Ajawaxel Jesucrist, rumal ri Uxlabal re ri ka Dios.

2 Corintios 7:1

Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Hebreos 12:10

E are ri ka tat xa' quieb oxib k'ij xquic'äjisaj ka wäch jas ri xquichomaj chi utz. Are c'u ri Dios cuc'äjisaj ka wäch rech c'o cäkechbej che xukuje' rech cuban tastalic tak winak chke, jas ri are' tastalic Dios.

1 Pedro 1:22

I josk'im ri iwanima' rumal rech chi xinimaj ri kastzij, rech quebilok'ok'ej ri iwachalal, man xak ta quieb i wäch. Chilok'ok'ela ba' iwib ruc' ronojel iwanima' xukuje' ronojel i chuk'ab.

1 Pedro 1:7

Are c'u ri i cojonic ix xak junam ruc' ri k'an puak: ri cätijtobex rumal ri k'ak'. Ri cojonic ri cuch'ijo cac'ambejexic pakal na rajil chuwäch ri k'an puak, ri cäsach u wäch. Je c'u ri' we ri i cojonic ix, we je u tijtobexic wa' curik na juluwem xukuje' cäya' na u k'ij aretak cuc'utunisaj rib ri Jesucrist.

1 Juan 5:20

Keta'm xukuje' chi ri u C'ojol ri Dios petinak, u yo'm c'ut ketamanic rech caketamaj u wäch ri kas Dios. Ka nuc'um c'u kib ruc' ri kas Dios, ri u bixic wa' che ri Jesucrist ri u C'ojol. Are wa' ri kas Dios xukuje' ri junalic c'aslemal.

Apocalipsis 16:11

Xquiyok'ok'ej ri Dios aj caj rumal rech ri qui k'oxowem xukuje' ri qui ch'a'c. Man xquiq'uex ta c'u qui c'u'x chquij ri qui chac.

Apocalipsis 19:14

Ri ajch'ojab ri e c'o pa ri caj e teren chrij. E c'o chquij sak tak quiej. Qui cojom sakloloj tak atz'iak re ch'uch'ujalaj lino ri ch'ajch'oj.

Apocalipsis 19:8

xya' che chi cucoj jun ch'ajch'oj atz'iak re ch'uch'ujalaj lino ri cäjuluwic. Ri ch'uch'ujalaj lino are cubij ri suc'alaj tak chac ri qui banom ri tastalic tak winak aj Dios.”

Apocalipsis 22:11

Ri cäbanow etzelal, caya' che chi chubana' na ri etzelal. Ri cäbanow tz'ilalaj tak jastak, caya' che chi chutz'iloj na rib. Are c'u ri suc'alaj winak chubana' na ri suq'uil, ri tastalic winak chutakej ri u tasic rib che u nimaxic ri Dios.

Apocalipsis 3:18

Rumal wa' quinya' a no'j chalok'o' k'an puak wuc', ri ch'ajch'ojirisam pa k'ak', rech catk'inomaric. Xukuje' chalok'o' sakloloj tak atz'iak wuc', che ratz'iakixic awib, rech man quebel ta u q'uixbal ri ach'analiquil, xukuje' chalok'o' cunabal wuc' che u ya'ic chquipam ri e a bak'wäch, rech catca'yic.

Nabe Samuel 24:13

Cubij jun ojer tzij: ‘Ri etzelal quebel ulok cuc' ri e banal tak etzelal’; rumal ri' mawi jumul quinyac ta na ri nu k'ab che u banic c'ax che la.