Ri Daniel 11:8 - Quiché Bible

⁸ Quec'am c'u na bic ri e qui diosib pa Ejipt, ri wächbal ri e c'o cuc', ri e nuc'um tak ch'ich' ri e tzacom pa k'ak' xukuje' niq'uiaj jastak quech chic ri e re k'an puak xukuje' sak puak. Oc'owinak chi c'u quieb oxib junab man ruc' ta ch'o'j ri c'o ta chquixo'l ri quieb nimak tak tinimit,

Ri Daniel 11:8 ပူးပေါင်းရင်းမြစ်များ

Chapletajic 31:30

We c'u sibalaj carayij ri a tzelejic cho rachoch ri a tat, rumal ri' catbec, ¿jas c'u che xebaweläk'aj ulok ri e u c'u'x nu k'inomal?”

Ucab Samuel 5:21

Ri aj pilisteyib xequitzak c'u ne can tak ri e qui diosib, ri David xukuje' ri rachijab xequisic' bic.

Elem 12:12

Pa ri ak'ab ri' quinoc'ow na pa ronojel ri Ejipt, quebencämisaj na ri qui nabeal ri aj ejiptib ri e c'o pa tak ri cachoch, xukuje' ri e qui nabeal ri awaj, quinban na ri takal u banic chque conojel ri diosib re Ejipt. In ri Ajawaxel, ri nu yo'm u bixic.

Ri Isaiy 2:16

chquij conojel ri cäquina' quib chi e junam cuc' ri jucub re Tarsis, o jucub ri sibalaj e rayibal.

Ri Isaiy 37:19

xukuje' e qui porom ri e qui diosib pa k'ak', rumal rech chi kastzij we e diosib ri', man c'o ta qui patan, xa e che' o e abaj ri e banom cumal ri winak. Rumal ri' xecuin che u sachixic qui wäch.

Ri Jeremiy 46:25

Ri Ajawaxel ri c'o ronojel u cuinem, ri u Dios ri Israel, je cubij wa: “Quenc'äjisaj u wäch ri Amon, ri u dios ri Tebs, ri Ejipt e rachil tak ri e u diosib xukuje' tak ri e rajawinelab, xukuje' ri paraon xukuje' ri caquicu'ba' qui c'u'x chrij.

Ri Daniel 10:3

Man xebentij ta je'lalaj tak wa ja', man xinna' ta u tijic ti'j mawi u wa'l uva, man c'o ta jun c'oc'al xincojo c'ä xeboc'ow na juwinak jun (21) k'ij.

Ri Daniel 11:9

ri ajawinel ri c'o pa riquiak'ab elebal k'ij cutzucuj u ch'äquic ri u mox elebal k'ij, man cäticar taj cätzelej c'u na pa rakan.

Ri Osey 13:15

Pune' ta ne ri Israel cäwächinic jacha' ri k'ayes, cäpe na ri quiakik' re ri elebal k'ij, ri cowilaj quiakik' ri elinak ulok pa ri chaki'j uwo sak, quebuchaki'jarisaj c'u na xukuje' quebutzajisaj na tak ri e q'uiyibal xukuje' ri e u bulbuxil tak ja'. Ri c'ulel cutokij na ri u k'inomal ri e je'lic ri e c'o ruc'.

Ajilanic 33:4

ri aj ejiptib cätajin quequimukla' tak conojel ri e nabeal tak qui c'ojol, are c'u xbanow ri Ajawaxel chi xecämic, rumal c'u wa' u k'atom tzij paquiwi' tak ri e qui diosib.

U Camulixic ri Pixab 12:3

Chebiyojij tak ri e qui porobal, chebibana' ch'akatak chque tak ri abaj, chebiporoj c'u tak ri cuta'm ri quequik'ijilaj, chisacha' qui wäch tak ri e qui diosib chebichupisaj pa tak ri c'olbal ri' ri natabal quech.

K'atal tak Tzij 18:24

Ri Micaiy xubij chque: “Ri ix e i c'amom bic ri e nu diosib ri e nu banom, xukuje' xic'am bic ri nu cojol tabal tok'ob, man c'o ta jas xiya' can chwe, ¿la c'ä c'o c'u i palaj quita' chwe jas ri xinc'ulmaj?”