Ri Daniel 11:40 - Quiché Bible

⁴⁰ Aretak copan ri jok'otaj q'uisbalil, ri ajawinel ri c'o pa u mox relebal k'ij cäch'ojin na ruc' ri ajawinel ri c'o pa ri riquiak'ab relebal k'ij; quel c'u na ulok wa' che u c'ulaxic jacha' c'u jun xibibalalaj jasach, cuq'uiak rib chrij ri u mox elebal k'ij, cunojisaj c'u ronojel ri ulew cuc' carwaj re ch'o'j, ajch'ojab ri e c'o qui quiej xukuje' ri q'ui qui jucub.

Ri Daniel 11:40 ပူးပေါင်းရင်းမြစ်များ

Ri Isaiy 21:1

Cäya' u bixic ri cuc'ulmaj na ri chaki'j uwo sak chunakaj ri plo: Jacha' ri sutinel quiakik' ri cäpe pa u mox elebal k'ij, petinak pa ri chaki'j uwo sak, ri xibibalalaj c'olbal.

Ri Isaiy 5:28

Sibalaj t'ist'ak u wi' tak ri qui ch'ab, conojel ri qui q'uiakbal ch'ab sibalaj e utz qui tanixic qui banom. Ri quixq'uiak ri qui quiej sibalaj e co jacha' ri abaj, ri quetet rech ri qui carwaj e junam ruc' jun sulc'um:

Ri Isaiy 66:15

Rumal rech chi ri Ajawaxel c'o pa u niq'uiajil ri k'ak' aretak copanic, ri e u carwaj jeri' quepe sutinelalaj tak quiakik' cutzokopij c'ut ri u k'ak'al ri royowal xukuje' ri e rak' tak k'ak' ri quenicowic re ri c'äjisabal wächaj ri cuyao.

Ri Jeremiy 4:13

Chiwila', ri c'ulel canakajinic jacha' jun sutz', ri e u carwaj re ch'o'j e je ta ne qui banic jun ulrakan, ri qui quiej tak aninak na quexiq'uin chquiwäch tak ri cot. ¡Tok'ob ka wäch, uj ch'äcatajinak!

Ri Ezequiel 38:4

Quinbano chi cattzelej chawij, quebencojo' xocoxak tak ch'ich' pa a chi', catinwesaj at xukuje' conojel tak ri e a quiej, xukuje' tak ri awajquiejab ri je'lalaj u wikic tak quib qui banom, we tinimit tak ajch'ojab ri' ri cuc'am tak qui ch'ich' re ch'o'j xukuje' qui quetecak ch'ich' ri jalan tak qui banic.

Ri Ezequiel 38:9

Ri at catopan na, jacha' jun nimalaj sutz' ri sibalaj k'ek che u ch'ukic ri ulew, catkaj c'u na puwi' jacha' jun rikoj c'ax junam cuc' conojel ri e a wäch banal tak ch'o'j xukuje' q'uialaj winak.

Ri Daniel 11:10

E are' c'u ri e u c'ojol ri ajawinel ri c'o pa ri riquiak'ab elebal k'ij, quequisuc'umaj na quib che u banic ri ch'o'j, quequicolomaj c'u na ajch'ojab. Jun chque e rachil ri q'uialaj rajch'ojab, coc na che u ch'äquic ri aj mox elebal k'ij; cusachisaj c'u u wäch ronojel jacha' ri cuban jun nima' ri cäpulinic; cutakej c'u ch'äcanic c'ä copan na chunakaj ri rachoch ri ajawinel ri c'o pa u mox elebal k'ij.

Ri Daniel 11:11

Ri ch'äcanic ri cäquiban ri ajch'ojab ri quepe pa riquiak'ab elebal k'ij sibalaj cuyac na royowal ri ajawinel ri c'o pa u mox elebal k'ij, quel c'u na bic wa' che u tijic u chuk'ab cuc' ri q'uialaj ajch'ojab ri e c'ulel. Cäch'äcan c'u na paquiwi', chnimalaj conojel.

Ri Daniel 11:13

Ri ajawinel ri c'o pa riquiak'ab elebal k'ij cumulij chi c'u jumulaj ajch'ojab, ri c'o na qui q'uial chuwäch ri nabe, chuquieb oxib junab chi c'ut cäbe chi che qui ch'äquic ri e c'o pa u mox elebal k'ij e ruc'am bic q'uialaj ajch'ojab ri cuc'am bic qui ch'ojibal.

Ri Daniel 11:22

Kas cuq'uis na tzij paquiwi' tak ri chuk'ab ri cäcaj quech'äcan puwi', xukuje' ne ri xc'amow u be ri c'ulwächinic cucämisaj na.

Ri Daniel 11:25

Cuchajij c'u na anima' rumal ri u cuinem ri c'olic xukuje' ri u chuk'ab, cäch'ojin c'u na ruc' ri ajawinel ri c'o pa ri u mox elebal k'ij ruc' ri qui to'banic ri q'uialaj rajch'ojab che u banic ri ch'o'j. Ri ajawinel ri c'o pa u mox elebal k'ij cäch'ojin na ruc' nimalaj u chuk'ab, coc c'u na pa ri ch'o'j ruc' ri qui to'banic ri q'uialaj rajch'ojab ri sibalaj c'o qui chuk'ab; cäjach na cumal ri quieb qui wäch c'u na, rumal c'u ri' man cäcuin taj cuto' rib pa qui k'ab ri rajch'ojab ri u c'ulel.

Ri Daniel 11:35

Xukuje' cäban na c'ax chque jujun ri queyo'w tak qui no'j ri winak, rech aretak e c'o pa ri c'ambejebal, quejosk'itajic xukuje' quetz'akatisaxic, c'ä copan na ri jok'otaj q'uisbalil ri c'utum chic.

Ri Daniel 11:39

Che qui to'ic ri e to'bal tak ib quebucoj na winak ri quequik'ijilaj jun dios ri quech jule' tak winak chic; conojel c'ut ri caquik'ijilaj we ajawinel ri', cunimarisaj na qui k'ij, cuya' na nimak tak quekle'n, quebuya' na culew che u ya'ic rajil q'uexelal chque.

Ri Daniel 11:7

Jun c'u aj ralaxic cäch'ojin na cuc' ri ajch'ojab ri aj riquiak'ab elebal k'ij, coc c'u na pa ri rachoch ri ajawinel e are' tak c'ut ri rajch'ojab quetakan na puwi' ri c'ulmatajic.

Ri Daniel 12:4

Are c'u ri at Daniel, chebawawaj we jastak ri' chi c'uyal, chat'ika' ri wuj c'a copan na ri q'uisbal jok'otaj. E q'uia winak quebe na jeri' quebe na jela', cäquitzucuj u q'uiyirisaxic tak ri quetamanic.’

Ri Daniel 12:9

Ri are' xutzelej u wäch ri nu tzij xubij chwe: ‘Chatakej ri a be, Daniel, e are c'ut we jastak ri' rajawaxic quecanajisax chic'uyal c'ä copan na ri jok'otaj q'uisbalil.

Ri Daniel 8:17

Xkeb c'u ri are' wuc'. Ri in xinxe'j wib, xinmej c'u wib c'ä xinya' na ri nu palaj cho ri ulew, xubij c'u ri are' chwe: ‘Rija'l winak, chawetamaj chi we c'utwächinic ri' che ri q'uisbal tak k'ijol cätzijon wi'.’

Ri Habacuc 3:14

Xcämisaj la ri c'amal u be cumal tak ri kas e u ch'ab, aretak ri e rajquiejab, e jacha' ta ne jun quiakik' jäb, xquiq'uiak quib ruc' ronojel qui ch'ujilal che qui jabuxic ri man quecuin taj caquito' ta quib, che u sachisaxic qui wäch chi c'uyal.

Ri Zacariy 9:14

Ri Ajawaxel cuc'ut na rib puwi' ri u tinimit; quebutzokopij tak na ri e u ch'ab e jacha' ta ne cakulja. Ri Dios, ri Ajawaxel, cok'isan na ri trompet cunim c'u na rib chupam ri quiakik' jäb re ri mox ri elebal k'ij.

Apocalipsis 16:12

Ri uwak tako'n aj caj xuk'ij ri u lak puwi' ri nimalaj nima' Euprats. Xtzaj c'u ri ja' chupam, rech cäsuc'umataj ri qui be ri ajawinelab aj elebal k'ij.

Apocalipsis 9:16

Ri cajilabal ri ajch'ojab e ajquiejab e quieb sient miyon (200,000,000). Xinta' c'u ri cajilabal.