Ri Daniel 11:4 - Quiché Bible

⁴ Aretak c'u jekel chic ri rajawinic cayojyob na, cäban c'u na quiejeb che. Ri u cuinem we ajawinel ri' man cäk'ax ta na pa qui k'ab ri rija'lil, mawi c'u ne c'o ta chi sibalaj nim u chuk'ab we ajawinic ri' jacha' ri nabe canok, cäjachjaxin c'u na e jutak le' chi wi ri quebajawin pa ri u c'olbal.

Ri Daniel 11:4 ပူးပေါင်းရင်းမြစ်များ

Salmib 39:6

“¡Ronojel winak xak coc'owic xa jacha' jun nanoch'! Man c'o ta cupatanij che cumulij sibalaj k'inomal, man reta'm ta c'ut jachin quechben canok.

Ri Tzijonel 4:8

Jun winak ri c'o xak u tuquiel, ri man e c'o ta rachil, mawi tak ralc'ual, mawi tak rachalal, ri mawi cuxlan ta jubik, ri kas man cäcos ta che u ca'yexic ri u k'inomal, mawi c'u ne cuc'ot ta u chi' chbil rib: “¿Jachin c'u lo che cätajin quinchacun wi? ¿Jasche quink'il ri utzil chwe?” Xukuje' ba' wa' xak cawächibal, xak jun alalaj eka'n.

Ri Jeremiy 12:15

Aretak c'u e boktajinak chic quel chi na nu c'u'x chque, quinban c'u na chque chi quetzelej chupam ri kas quechbal xukuje' chupam ri culew.

Ri Jeremiy 12:17

Are c'u ri nim tinimit ri man caniman ta chwe, quinbok na c'ä chuxe' quinsachisaj c'u na u wäch. In, ri Ajawaxel quinjiquiba' u bixic.”

Ri Jeremiy 18:7

Pa jun jok'otaj ri takalic quinchomaj u bokic, u t'akixic xukuje' u sachisaxic u wäch jun nim tinimit o jun ajawibal.

Ri Jeremiy 31:40

Ronojel ri beya' ri quemuk wi cäminakib xukuje' ri caq'uiak wi ri chaj, xukuje' conojel tak ri ulew ri e c'o puwi' ri nima' Sedron c'ä copan na pa ri cotoquic ri c'o wi ri Coquibal ri Quiej, ri cäca'y pa ri elebal k'ij, quebentas na chwe, ronojel c'u wa' mawi jubik' cat'akix ta na mawi cäyojix ta na.”

Ri Jeremiy 45:4

quinutak c'ut chi quinbij chawe: ‘In quinyojij ri xinwoco, xukuje' quinbok ri xintiquiba'. Je c'u quenbana' che ronojel ri uwächulew.

Ri Jeremiy 49:36

Quinc'am na ulok tak quiakik' puwi' we tinimit ri' kas pa ri quiejeb xcutaj, rech quebuc'am bic pa conojel tak c'olbal, c'ä man c'o ta na ulew cäcanajic ri quebopan ta wi ri aj Elam ri quequito' ta wi quib.

Ri Ezequiel 37:9

Xubij c'ut ri Ajawaxel chwe: “Chach'abej ri uxlab re c'aslemal pa ri nu bi', chabij c'u che: ‘je' wa' cubij ri Ajawaxel: Uxlab re c'aslemal, chatel ulok pa ri quiejeb u xcut ri uwächulew chaya' c'u qui c'aslemal we cäminak tak cuerp ri'.’ ”

Ri Daniel 7:2

“In xinwil pa ri nu waram chi ri quiejeb quiakik' quejich'ich'ic xequich'ujirisaj c'ut ri e u ja'il ri plo.

Ri Daniel 7:6

Ri urox cäjunamataj ruc' jun leopard, e c'o c'u quiejeb u xic' cho rachak xukuje' xinwilo chi e c'o quiejeb u jolom xjach c'u ri cuinem pa u k'ab.

Ri Daniel 7:8

Aretak c'u cätajin quebenca'yej tak ri uc'a', xinwilo chi cätajin quel chi ulok jun alaj uc'a' chquixo'l, xebok c'u oxib ruc'a' rech cäya' can c'olbal che ri q'uisbal ri c'äte xel ulok, ri e c'o u bak'wäch jas ri e c'o che jun winak xukuje' jun u chi' ri cäch'aw ruc' banoj nimal.”

Ri Daniel 8:22

Ri quiejeb uc'a' ri xeq'uiy ulok aretak xk'aj ri nabe uc'a', quel cubij wa' chi che we nim tinimit ri' quebel na quiejeb ajawibal chic, man junam ta chi c'u qui chuk'ab ruc' ri nabe.

Ri Daniel 8:8

Ri ama' q'uisic' sibalaj cätajin cäq'uiy ri u chuk'ab, aretak c'u sibalaj c'o chic ri u chuk'ab, xk'aj ri nimalaj ruc'a', pa ri u c'olbal xebel chi ulok quiejeb ruc'a' ri are cäquic'ut ri quiejeb u xcut ri uwächulew.

Ri Zacariy 2:6

Ri Ajawaxel cujiquiba' u bixic: “In xinbanowic chi ri ix xixjabux pa conojel tak c'olbal. Are c'u ri camic quinbij chiwe: ¡Chixanimaj chanim chiya' can ri ulew aj riquiak'ab elebal k'ij! ¡Chito'tajisaj iwib chiwesaj iwib pa u k'ab ri Babilon, ri xixjekebax wi aretak xixc'am ulok, ri ix jekel can pa Sion! In, ri Ajawaxel, quinjiquiba' u bixic.”

Ri Zacariy 6:5

Ri tako'n xutzelej u bixic chwe: “E are quiejeb quiakik' wa', ri quel bic chuwäch ri Ajawaxel re ronojel ri uwächulew.

Ri Matey 12:25

Ri Jesus reta'm ri cätajin caquichomaj, xubij chque: “Ronojel ajawibal ri quieb u banom caquic'ulela' c'u quib, cusachisaj u wäch chbil rib; xukuje' ronojel ulew o jun ja winak ri quieb u banom cäquic'ulelaj quib, man cuya' taj cajeki'c.

Ri Lucax 12:20

Xubij c'u ri Dios che ri achi ri': ‘Ri at man c'o ta aweta'm. Camic chak'ab catcämic. Are c'u ri jastak ri a c'olom, ¿jachin lo quechbenic?’

Apocalipsis 7:1

Aretak xebantaj we jastak ri', xebenwil quiejeb tako'nib aj caj ri e tac'atoj paquiwi' ri quiejeb u tza'm ri uwächulew. Qui chapom ri quiejeb quiakik', rech man cäjich'ich' ta ri quiakik' cho ri uwächulew, mawi cho ri plo, mawi puwi' apachique che'.