Ri Daniel 11:31 - Quiché Bible

³¹ Ri e rajch'ojab cäcawasij na ri rachoch Dios xukuje' tak ri cowirisabal, cäquik'il na ri u ya'ic ri tabal tok'ob ri cäya' ronojel k'ij, cäquicoj c'u na chila' jun xibibalalaj awasixic.

Ri Daniel 11:31 ပူးပေါင်းရင်းမြစ်များ

Ri Jeremiy 19:4

Rumal rech chi ri aj israelib xinquitzak canok xquijalwächij c'ut we c'olbal ri' pa jun ulew chic; chupam xquichi'j wi c'oc' k'ol chque tak ri e jule' diosib, ri man quetamam ta qui wäch mawi ri e are' mawi ri e qui mam mawi tak ri e ajawinelab re Juda, xquinojisaj c'u che qui quiq'uel winak ri man c'o ta qui mac.

Ri Jeremiy 7:30

Ri Ajawaxel cujiquiba' u bixic: “Ri winak aj Juda c'o ri u banom ri yacowinak woyowal xebequiya' ri xawebalalaj tak e qui diosib chupam ri wachoch ri banom che nu c'olbal, xcawasij c'ut.

Juyuwem 1:10

Ri c'ulel u banom rech chque tak ri e u k'inomal ri Jerusalen. Ri tinimit xeril ri e k'ijilal tak diosib quetininic xeboc chupam ri k'ijilabal, ¡Winak, ri yo'm wi la takanic Ajawaxel, chi man cuya' taj queboc chupam ri c'olbal la re mulin ib!

Juyuwem 2:7

Ri Ajawaxel u xutum ri u porobal wi tabal tok'ob che, retzelam u wäch ri cäk'ijilax wi; e u jachom tak pa u k'ab ri c'ulel ri e nimak tapia ri e k'atibal rij ri tinimit. ¡E c'o jun rakoj tak chi'aj chupam ri Rachoch ri Ajawaxel, je ta ne jun k'ij re nimak'ij!

Ri Ezequiel 9:7

Xubij chi c'u chque: “Jix pa ri rachoch Dios, chi wawasij; chinojisaj ri uwo ja chque cäminakib.” Xebel c'u bic xquichaplej qui cämisaxic ri winak ri e c'o pa ri tinimit.

Ri Daniel 12:11

Jun mil quieb sient jumuch' lajuj (1290) k'ij queboc'ow na tza pa ri jok'otaj aretak cätanabax u cojic ri tabal tok'ob re ronojel k'ij are c'u cäcoj ri tz'ilalaj etzelal awas chupam ri rachoch ri Ajawaxel.

Ri Daniel 8:24

Cäc'oji' na nimalaj u chuk'ab, man c'u ruc' taj ri kas u cuinem; ri sachoj wächaj ri cuban na man cojel taj cäch'äcan c'u na pa ronojel ri cubana'. Cusachisaj na qui wäch cowilaj tak achijab xukuje' e q'ui che ri u tinimit ri Dios.

Ri Daniel 8:26

Ri c'utwächinic que ri benak tak k'ij xukuje' can ri que tak ri ak'abibal e k'alajisam chawäch, kas c'u tzij wa'; are c'u ri at xak chc'ol pa awanima' queban c'u na wa' aretak e oc'owinak chic q'ui k'ijol.’

Ri Daniel 9:27

Pa jun chi c'u wukub (7) k'ij, ri are' cuban na jun c'ulwächinic cuc' e q'uia winak, pa u niq'uiajil c'ut ri wukub k'ij cätanabax na qui ya'ic ri tabal tok'ob xukuje' tak ri sipanic. Jun c'u xibibalalaj awasinic cäbantaj na chuwäch ri porobal ri queya' wi ri tabal tak tok'ob c'ä cakaj na ri sachbal wäch ri yo'm u bixic puwi' ri banal tak rech we xibibal ri'.’ ”

Ri Osey 3:4

Sibalaj c'u q'ui k'ijol ri aj israelib quec'oji' na man c'o ta cajawinel mawi ta ne c'amal ta qui be, man c'o ta chi tabal tok'ob mawi chi tastalic tak abaj, mawi ta chi catz'iak e cojol tabal tok'ob mawi ta chi tak qui diosib pa tak ri cachoch.

Ri Matey 24:15

Ri Daniel ri k'axal tzij xutz'ibaj ri tz'ilalaj etzelal ri awas u banic pa ri k'ijilabal. Ri cäsiq'uinic ch'obonok: aretak ri ix quiwil ri xibibal tz'ilol pa ri k'ijilabal,

Marcos 13:14

Aretak c'u quiwil ri tz'ilalaj jasach pa ri c'olbal ri man takal ta wi che chi cac'oji' chila', (ri jun ri cusiq'uij we tzij ri', chuch'obo'), c'äte ri' ri e c'o pa Judey chebanimaj bic pa tak ri juyub.

Ri Lucax 21:20

Aretak quiwil ri Jerusalen sutim rij cumal ajch'ojab, chich'obo' chi chanim cäsach na u wäch.

Apocalipsis 17:12

Ri lajuj uc'a' ri e awilom are quebubij ri lajuj ajawinelab, ri c'ä maja' cäquic'am cajawibal. Cäquic'am c'u na takanic re ajawinel xa' jun jok'otaj, cachil c'ut ri itzel awaj.