Ri Daniel 11:27 - Quiché Bible

²⁷ E are c'u ri quieb ajawinelab ri cäquichomala' xuwi u banic c'ax chquibil tak quib, quet'uyi na pa ri xa' junam mexa quequibila' banoj tak tzij chquixo'l ri jun che ri jun chic, man c'o ta c'u jun quel ta na puwi' ri cuchomaj u banic, rumal rech chi c'ä maja' copan ri u k'ijol.

Ri Daniel 11:27 ပူးပေါင်းရင်းမြစ်များ

Ucab Samuel 13:26

Xubij c'ut ri Absalon: “We ba' man cuya' wa', nimaj ba' la chi chujrachilaj ri watz Amnon.” “¿Jasche cawaj chi catrachilaj ri Amnon?” Xcha' ri ajawinel che.

Salmib 12:2

Xak banoj tzij chic cäquiban chbil tak quib; cäquitzijobela' quib ruc' subunic, xak quieb cubij ri cäquibij.

Salmib 52:1

¿Jasche caban nimal chupam ri awetzelal at ri c'o a chuk'ab? ¡Ri u lok'ok'ebal c'u'x ri Dios xak jewi'!

Salmib 58:2

Xane' etzelal ri quibano; quijak ri be che ri tokinic chupam ri uwächulew.

Salmib 62:9

Ri winak xa jun uxlab, xak junam ri meba' ruc' ri k'inom; we ta quepaj junam pa jun pajbal, man quepajan ta jubik'.

Salmib 64:6

chi man c'o ta jun cäch'obow ri quetzelal. Are' c'u ri cäcuin che retamaxic ri qui chomanic ri winak ri c'o pa canima', are' cäch'obow na.

E C'ambal tak Tzij 12:20

Chupam ri qui chomanic ri banal tak etzelel c'o banoj tzij; pa tak ri u yo'w no'j ri winak aj jamaril c'o quicotemal.

E C'ambal tak Tzij 19:21

Ri winak quebuban q'ui tak chomanic, are c'u ri u chomam u banic ri Ajawaxel are cabantajic.

E C'ambal tak Tzij 26:23

Sak puak bilom chrij t'uy re t'ac e je tak wa' ri ch'uch'ujalaj tak tzij ri xak quieb caquibij.

Ri Ezequiel 17:9

Chabijba' chque, ri quinbij chawe, are wa' ri cubij ri Ajawaxel: ‘We juwi' uva ri' man capok'colij ta na. Ri nabe cot quebubok na ri u rab, quebupulpubisaj c'u na ri u wäch; xa' ruc' jubik' chuk'ab man quebajwataj ta q'ui winak cabok c'u na c'ä chuxe', quechaki'jar c'u na conojel ri c'ac' tak u tux.

Ri Daniel 10:1

Pa ri urox junab re ri rajawinic ri Sir ri aj Pers, ri Daniel ri cäbix Beltsasar che, xril jun kas k'alajisanic ri sibalaj c'ax u ch'obic ri quel cubij. Are c'u ri Daniel xucoj ronojel ri u no'j che u ch'obic, xcuin c'u che u ch'obic ri quel cubij ri k'alajisanic ri xya' che.

Ri Daniel 11:28

Ri ajawinel ri cäpe pa ri riquiak'ab ri elebal k'ij cätzelej na pa ri rulew cuc'am c'u na bic ronojel ri k'inomal ri u tokim pa ri ch'o'j, cuc'ulelaj c'u na ri tastalic c'ulwächinic; cuban c'u na ri u chomam u banic, c'äte c'u ri' cätzelej na pa ri rulew.

Ri Daniel 11:29

Aretak c'u copan ri jok'otaj ri c'utum quebutak chi na bic ri e rajch'ojab che ch'o'j chrij ri u mox elebal k'ij; aretak c'u cuban we ch'o'j ri man cäch'äcan ta na jacha' ri nabe.

Ri Daniel 11:35

Xukuje' cäban na c'ax chque jujun ri queyo'w tak qui no'j ri winak, rech aretak e c'o pa ri c'ambejebal, quejosk'itajic xukuje' quetz'akatisaxic, c'ä copan na ri jok'otaj q'uisbalil ri c'utum chic.

Ri Daniel 11:40

Aretak copan ri jok'otaj q'uisbalil, ri ajawinel ri c'o pa u mox relebal k'ij cäch'ojin na ruc' ri ajawinel ri c'o pa ri riquiak'ab relebal k'ij; quel c'u na ulok wa' che u c'ulaxic jacha' c'u jun xibibalalaj jasach, cuq'uiak rib chrij ri u mox elebal k'ij, cunojisaj c'u ronojel ri ulew cuc' carwaj re ch'o'j, ajch'ojab ri e c'o qui quiej xukuje' ri q'ui qui jucub.

Ri Daniel 8:17

Xkeb c'u ri are' wuc'. Ri in xinxe'j wib, xinmej c'u wib c'ä xinya' na ri nu palaj cho ri ulew, xubij c'u ri are' chwe: ‘Rija'l winak, chawetamaj chi we c'utwächinic ri' che ri q'uisbal tak k'ijol cätzijon wi'.’

Ri Daniel 8:19

xubij c'u chwe: ‘Quink'alajisaj na chawe ri quec'ulmatajok aretak cheq'uis ri k'ijol re ri royowal ri Dios, are c'u ri c'utwächinic ri' che we q'uisbal k'ijol ri' cätzijon wi.

Ri Habacuc 2:3

C'ä maja' c'u ne copan ri k'ijol ri chetz'akat we c'utwächinic ri'; ma ta c'u ne ma ta chetz'akatok. At chateyenok, pune' cabeytajic, copan c'u na ri k'ijol ri rajawaxic.

Hechos 1:7

Ri Jesus xubij chque: “Man ya'tal ta chiwe ix quiwetamaj jampa' mawi jachique k'ij quebuban na ri Tataxel ri jastak, xuwi ri are' c'o u takanic che qui banic.

Hechos 17:31

U chomam c'u ri Dios jun k'ij ri cuk'at na tzij puwi' ri uwächulew ruc' suq'uilal, rumal jun achi ri u cha'om are'; xuya' c'u c'utbal chque conojel aretak xuc'astajisaj.”

1 Tesalonicenses 5:1

Man rajawaxic ta c'ut, wachalal, chi c'o jas quintz'ibaj bic chiwe che jachique k'ij cäbantaj ronojel wa'.