Ri Daniel 11:26 - Quiché Bible

²⁶ Kas e are' tak ri querulaj che u tijic qui wa ruc' pa ri kas u mexa, e are quesuc'uman ri u ch'äctajic, quech'äctaj c'u na ri rajch'ojab sibalaj c'u e q'ui ri rach'ojab quecäm na.

Ri Daniel 11:26 ပူးပေါင်းရင်းမြစ်များ

Ucab Ajawinelab 8:14

Ri Hazael xuya' can ri Elisey xtzelej chuwäch ri rajaw, ri xc'ot u chi' rumal: “¿Jas ri u bim ri Elisey chawe?” Ri Hazael xutzelej u bixic: “U bim chwe chi man cäcäm ta na la rumal ri yabilal la.”

Salmib 41:9

Xukuje' ne ri utzalaj wachil, ri nu cuban nu c'u'x chrij, ri cäwa' junam wuc' ri cutij ri nu caxlanwa, u walijisam rib chwij.

Ri Daniel 11:10

E are' c'u ri e u c'ojol ri ajawinel ri c'o pa ri riquiak'ab elebal k'ij, quequisuc'umaj na quib che u banic ri ch'o'j, quequicolomaj c'u na ajch'ojab. Jun chque e rachil ri q'uialaj rajch'ojab, coc na che u ch'äquic ri aj mox elebal k'ij; cusachisaj c'u u wäch ronojel jacha' ri cuban jun nima' ri cäpulinic; cutakej c'u ch'äcanic c'ä copan na chunakaj ri rachoch ri ajawinel ri c'o pa u mox elebal k'ij.

Ri Daniel 11:22

Kas cuq'uis na tzij paquiwi' tak ri chuk'ab ri cäcaj quech'äcan puwi', xukuje' ne ri xc'amow u be ri c'ulwächinic cucämisaj na.

Ri Daniel 11:40

Aretak copan ri jok'otaj q'uisbalil, ri ajawinel ri c'o pa u mox relebal k'ij cäch'ojin na ruc' ri ajawinel ri c'o pa ri riquiak'ab relebal k'ij; quel c'u na ulok wa' che u c'ulaxic jacha' c'u jun xibibalalaj jasach, cuq'uiak rib chrij ri u mox elebal k'ij, cunojisaj c'u ronojel ri ulew cuc' carwaj re ch'o'j, ajch'ojab ri e c'o qui quiej xukuje' ri q'ui qui jucub.

Ri Matey 26:23

Ri Jesus xubij chque: “Ri curub ri u wa wuc' pa ri lak, are ri' quinjachow na.

Marcos 14:20

Ri are' xubij chque: “Jun chque ri cablajuj, ri curub ri u caxlanwa wuc' pa ri lak.

Ri Xuan 13:18

Man iwonojel taj quixinbij; in weta'm e jachin tak ri e nu cha'om. Cabantaj c'u wa' rech quebe tz'akat ri e tz'ibatalic: ‘Ri cutij rech ri nu caxlanwa, xuwalijisaj rib chwij.’