Ri Daniel 11:22 - Quiché Bible

²² Kas cuq'uis na tzij paquiwi' tak ri chuk'ab ri cäcaj quech'äcan puwi', xukuje' ne ri xc'amow u be ri c'ulwächinic cucämisaj na.

Ri Daniel 11:22 ပူးပေါင်းရင်းမြစ်များ

Ri Isaiy 28:15

Ri ix quibij: “Ka banom jun c'ulwächinic ruc' ri cämical, ka banom ka tzij ruc' ri quebajawin wi ri cäminakib rech aretak cäpe ri nimalaj c'ax pakawi', man cujurik taj ka tzucum ka panibal chupam ri banoj tzij, ka tzucum to'bal kib chupam ri subunic.”

Ri Daniel 11:10

E are' c'u ri e u c'ojol ri ajawinel ri c'o pa ri riquiak'ab elebal k'ij, quequisuc'umaj na quib che u banic ri ch'o'j, quequicolomaj c'u na ajch'ojab. Jun chque e rachil ri q'uialaj rajch'ojab, coc na che u ch'äquic ri aj mox elebal k'ij; cusachisaj c'u u wäch ronojel jacha' ri cuban jun nima' ri cäpulinic; cutakej c'u ch'äcanic c'ä copan na chunakaj ri rachoch ri ajawinel ri c'o pa u mox elebal k'ij.

Ri Daniel 11:23

Xukuje' quebusub na ri qui banom jun c'ulwächinic ruc', pune' c'u xa' e quieb oxib ri winak ri e u c'amom bic, cäch'äcan na.

Ri Daniel 8:25

Rumal ri itzel u nawinic, ri e u subunic cäch'äcan na. Cänoj na che nimal, e q'uia winak c'ut ri qui jiquiban qui c'u'x man c'o ta cäquinabej quebucämisaj na ruc' ri qui chac ri quieb qui wäch aj jachinelab, cuk'atij na u wäch ri nim u banic paquiwi' ri nimak qui banic, cäsachisax c'u na u wäch rumal.

Ri Daniel 9:26

Aretak oc'owinak chi oxc'al quieb (62) wukutak k'ij quesax na ri u c'aslemal ri ajawinel ri cha'om. Ri Jerusalen xukuje' ri rachoch Dios cäsachisax na qui wäch cumal ri u winak jun ajawinel ri cäpe na. Ri q'uisbalil cäpe na jacha' jun bik'tajic, c'ä chuq'uisbalil c'ut cätaken na ri ch'o'j xukuje' ri sachoj tak wächaj ri e yo'm qui bixic chi quebanic.

Ri Amos 8:8

¿La ma ta c'u lo cäbirbob ri ulew rumal ronojel wa'? ¿La ma ta c'u lo quebok' conojel ri winak ri e jekel chi'? ¡Ri ulew cäpaki' na, cäkaj c'u na, jacha' ri cäquiban ri u ja'lil ri Nil quepakic, quekaj c'ut!

Ri Amos 9:5

Ri Ajawaxel, ri Dios ri c'o ronojel u cuinem, cuchap ri ulew, cäjar c'ut ri ulew quebok' c'u conojel ri e jekejoj chuwäch. Ri ulew capakic xukuje' cäkajic, jacha' ri qui pakalem xukuje' ri qui kajem tak ri e u ja'il ri Nil.

Ri Nahum 1:8

Jacha' c'u jun jik'isanelalaj ja' ri ronojel cumuku, cusachisaj c'u qui wäch ri caquitac'aba' quib chuwäch che u c'ulelaxic; k'ekumalil querikow na tak ri qui banom qui c'ulel che.