Ri Daniel 11:21 - Quiché Bible

²¹ Aretak cäminak chic cajawin na jun itzel achi, ri man takal ta che chi coc che ajawinel, ri quebuc'u' ri itzel tak u chomanic, cumajij c'u na ri takanic cumal tak subunic.

Ri Daniel 11:21 ပူးပေါင်းရင်းမြစ်များ

Salmib 12:8

Ri e banal tak etzelal xak apawije' quewacatilob wi, conojel c'u ri winak cäquiya' u k'ij ri etzelal.

Salmib 15:4

ri cäretzelaj u wäch ri takal retzelaxic u wäch, nim c'u caril wi ri cuya' u k'ij ri Ajawaxel; ri quebutz'akatisaj ri e u chi'm pune' c'ax quelic;

Salmib 55:21

C'o na ri u lebebic ri qui tzij chuwäch ri mantequiy, ch'o'j c'ut ri cacaj. Ri qui ch'uch'ujil ri qui tzij c'o na chuwäch ri aseit, man je ta c'ut xa c'u e ch'ich' re ch'o'j.

Ri Isaiy 32:5

Ri winak man cäquibij ta na utzalaj winak che ri k'an u chi, mawi cäquiya' na u k'ij ri chi' c'o wi.

Ri Daniel 11:20

Ri u c'olbal, cac'am na rumal jun ajawinel chic, cutak c'u na jun tok'il cuchuj che u k'inomarisaxic ri rajawibal; xak c'u chuquieb oxib k'ij cäcämisax na, pune' c'u man chupam ta ri ch'o'j.

Ri Daniel 11:32

Ri ajawinel ruc' subunic cutzucuj c'u na qui ch'äquic ri caquixutuj ri c'ulwächinic, are c'u ri tinimit ri culok'ok'ej ri Dios cäcanaj jic cutac'aba' rib chuwäch ri c'axc'ol.

Ri Daniel 11:34

Aretak copan ri jok'otaj quech ri rikoj tak c'ax cäquirik na jubik' to'banic, pune' c'u e q'ui quek'ax na cuc' xa' che u tok'obisaxic qui wäch.

Ri Daniel 11:7

Jun c'u aj ralaxic cäch'ojin na cuc' ri ajch'ojab ri aj riquiak'ab elebal k'ij, coc c'u na pa ri rachoch ri ajawinel e are' tak c'ut ri rajch'ojab quetakan na puwi' ri c'ulmatajic.

Ri Daniel 4:17

Are c'u c'äjisabal wächaj wa' ri xquiya' u bixic ri tastalicalaj tak tako'n yuxlenelab, rech conojel ri winak chquetamaj chi ri Dios ri sibalaj chicaj c'o wi ri c'o u cuinem paquiwi' ri ajawinic aj winak chi are' cuya' ri ajawinic jachin che ri craj cuya' wi, cuban c'u che jun winak ri sibalaj man nim ta u k'ij chi cux c'amal u be jun nim tinimit.

Ri Daniel 7:8

Aretak c'u cätajin quebenca'yej tak ri uc'a', xinwilo chi cätajin quel chi ulok jun alaj uc'a' chquixo'l, xebok c'u oxib ruc'a' rech cäya' can c'olbal che ri q'uisbal ri c'äte xel ulok, ri e c'o u bak'wäch jas ri e c'o che jun winak xukuje' jun u chi' ri cäch'aw ruc' banoj nimal.”

Ri Daniel 8:23

Aretak c'ut ri cajawinic wa' quebopan pa ri qui q'uisbalil aretak c'u e chemowinak chic ri etzelal, jun ajawinel nimol rib xukuje' itzel cäno'jinic are cajawin na.

Ri Daniel 8:25

Rumal ri itzel u nawinic, ri e u subunic cäch'äcan na. Cänoj na che nimal, e q'uia winak c'ut ri qui jiquiban qui c'u'x man c'o ta cäquinabej quebucämisaj na ruc' ri qui chac ri quieb qui wäch aj jachinelab, cuk'atij na u wäch ri nim u banic paquiwi' ri nimak qui banic, cäsachisax c'u na u wäch rumal.

Ri Daniel 8:9

Che jun chque we uc'a' ri' xel chi ulok jun alaj uc'a', ri sibalaj xq'uiy apan che ri u mox elebal k'ij, che ri elebal k'ij xukuje' che ri Ulew ri re ri Je'lical.

Ri Nahum 1:14

Ri Ajawaxel cuya' takanic chawij ajawinel re Ninibe: “Man e c'o ta awija'lil ri quetaken taj ri a bi'; ri e diosib xukuje' tak e wächbal ri e c'o chupam ri rachoch ri a dios quinsachisaj na qui wäch, chila' c'u catinmuk wi na rumal rech chi etzelam a wäch.”

Nabe Samuel 3:13

Nu yo'm u bixic che chi quinc'äjisaj qui wäch ri e rech, xa' jumul chbe k'ij sak rumal rech ri etzelal ri reta'm chic; ri e u c'ojol in quic'okom, man xebuk'il ta c'ut.