Ri Daniel 11:20 - Quiché Bible

²⁰ Ri u c'olbal, cac'am na rumal jun ajawinel chic, cutak c'u na jun tok'il cuchuj che u k'inomarisaxic ri rajawibal; xak c'u chuquieb oxib k'ij cäcämisax na, pune' c'u man chupam ta ri ch'o'j.

Ri Daniel 11:20 ပူးပေါင်းရင်းမြစ်များ

Ucab Ajawinelab 23:35

Ri Joasim xujach che ri Necao ri sak puak xukuje' ri k'an puak ri cutok'ij wa', che c'u u tojic xutok'ij na jun cuchuj chque conojel ri winak ri e c'o pa ri ulew. Chquijujunal c'ut xquitoj ri alcabal ri xtok'ix chque ruc' ri sak puak xukuje' ruc' k'an puak ri alcabal ri xk'at chquij, rech cäjach che ri paraon Necao.

E C'ambal tak Tzij 30:33

We c'u cabak ri leche, cärik na mantequiy che, we c'u co cajisq'uej ri a tza'm, quel na u quiq'uel, we c'u catzur jun chic caq'uis na u tza'm pa jun ch'ojinic.

Ri Isaiy 60:17

Che u q'uexwäch k'an ch'ich' quinya' na k'an puak chawe, che u q'uexwäch ch'ich' quinya' na sak puak chawe, che u q'uexwäch che', quinya na k'an ch'ich' chawe, che u q'uexwäch abaj, quinya na ch'ich' chawe. Quinban na chi ri jamaril are cätakan pawi', are c'u ri jicomal cuc'ama' a be.

Ri Daniel 11:21

Aretak cäminak chic cajawin na jun itzel achi, ri man takal ta che chi coc che ajawinel, ri quebuc'u' ri itzel tak u chomanic, cumajij c'u na ri takanic cumal tak subunic.

Ri Daniel 11:7

Jun c'u aj ralaxic cäch'ojin na cuc' ri ajch'ojab ri aj riquiak'ab elebal k'ij, coc c'u na pa ri rachoch ri ajawinel e are' tak c'ut ri rajch'ojab quetakan na puwi' ri c'ulmatajic.

Ri Habacuc 1:1

Are tzijol wa' ri xuk'alajisaj ri Ajawaxel chuwäch ri Habacuc, ri k'axal tzij.