Ri Daniel 11:19 - Quiché Bible

¹⁹ Kas chila', cätzelej wi bic ri ajawinel cäbe pa ri cowilaj rachoch ri c'o pa ri rulew; cuc'ulmaj c'u na jun u q'ueyowal ri quesan na ri u c'aslemal, mawi chi c'u jumul quetamax na jas ri xuc'ulmaj.

Ri Daniel 11:19 ပူးပေါင်းရင်းမြစ်များ

Ri Job 20:8

Cäsach na u wäch jacha' jun ichic', jacha' jun c'utwächinic re chak'ab, man c'o ta c'u jachin jun cärikowic.

Ri Job 34:24

Man cajwataj ta na u ch'obic rumal, rech quebukasaj ri nimak qui k'ij cuya' c'u ri qui c'olbal chque jule' chic.

Salmib 27:2

Ri e banal tak etzelal, ri qui banom qui c'ulel chwe, caquimulij quib che nu ch'äquic che c'u u sachisaxic nu wäch; e are' c'ut ri caquichak'ij quib quetzak c'ut.

Salmib 37:35

Wilom ri banal etzelal nojinak che nimal u lic'om rib jacha' jun jewejic che';

Salmib 37:36

man xk'alajin ta c'ut jawije' xbe wi, xsach u wäch, xintzucuj man xinrik ta chic.

Ri Isaiy 24:20

Cäbak'otlob na jacha' jun k'abarel, cäyicop na jacha' jun k'e'l cäbal. Ri u mac cäquitzak calal puwi' cätzak c'u na man cäwalij ta chic.

Ri Jeremiy 46:6

¡Man quecuin taj quebanimaj ri sibalaj quebanic, mawi queto'taj ri sibalaj c'o qui chuk'ab! Pa ri iquiak'ab, chuxucut ri Euprats caquipuq'uila' tak quib quetzak c'ut.

Ri Ezequiel 26:21

Catux na xibibal, cäsach na a wäch. Cattzucux na, mawi c'u jumul catriktaj chi na. In, ri Ajawaxel, quinjiquiba' u bixic.”

Ri Daniel 11:7

Jun c'u aj ralaxic cäch'ojin na cuc' ri ajch'ojab ri aj riquiak'ab elebal k'ij, coc c'u na pa ri rachoch ri ajawinel e are' tak c'ut ri rajch'ojab quetakan na puwi' ri c'ulmatajic.