Ri Daniel 11:12 - Quiché Bible

¹² Ri ch'äcanic ri xuriko xukuje' ri e q'uia tak c'ulel ri xecämic cänojisan na che u banic nimal, are c'u ri u chuk'ab man naj taj cäbeytajic.

Ri Daniel 11:12 ပူးပေါင်းရင်းမြစ်များ

Ucab Ajawinelab 14:10

Quinya' a k'ij chi xebach'äc ri aj edomib, are c'u cäbanow wa' chawe chi caban nimal. Utz ri', chana' awib chi nim a banic; are c'u utz na chi chatcanaj chupam ri awachoch. ¿Jasche are cawaj cac'am ulok u q'ueyowal pawi' xukuje' ri u q'ueyowal puwi' ri Juda?”

Ucab Tzijobelil 25:19

At cabij chi at ch'äcaninak paquiwi' ri aj edomib, are c'u wa' cabanow chawe chi caban nimal catzucuj ta chi c'u niq'uiaj nimarisabal a k'ij. Are c'u utz na chi catcanaj can cho awachoch. ¿Jasche are cawaj cac'am ulok ri u q'ueyowal pawi' xukuje' ri u q'ueyowal puwi' ri Juda?”

Ucab Tzijobelil 26:16

Aretak c'u co tiquil chic pa ri ajawinic, xuchaplej u banic nimal, are c'u xtzakisan wa'. Man xux ta jic chuwäch ri Ajawaxel ri u Dios, xoc c'u chupam ri rachoch ri Ajawaxel che u poroxic c'oc' k'ol puwi' ri porobal ri cäporox wi c'oc' k'ol.

Ucab Tzijobelil 32:25

Pune' c'u xban utzil che, ri Ezequiy man nim ta xril wi, xane' xuban nimal, rumal c'u rech wa' ri Ajawaxel xoyowar ruc' xukuje' ruc' ri Juda xukuje' ri Jerusalen.

E C'ambal tak Tzij 16:18

Chrij ri nimal, cäpe ri tzakmajic; chrij ri nimarisan ib, ri tzakic.

Ri Ezequiel 28:17

Ri a je'lical xatnojisan che nimal; ri nimalaj a banic xetzelan ri a no'j. In xatinrokij cho ri ulew, xatinya' pa ri yok'ic chquiwäch tak ri ajawinelab.

Ri Ezequiel 28:2

“At, winak, chabij che ri ajawinel re Tir: ‘Are wa' ri cubij ri Ajawaxel: Ri awanima' xnoj che u banic nimal, are' c'u pa a c'u'x chi at jun dios ri t'uyul chupam ri qui tem re ajawibal ri diosib sutim awij rumal ri plo. Man at ta c'ut jun dios xane' at jun winak ri cuchomaj rib chi c'o ri u c'oxomanic jun dios ruc'.

Ri Ezequiel 28:5

Ruc' ri nimalaj a nawinic che ri c'ayinic xukuje' che ri lok'omanic e a q'uiyirisam tak ri a k'inomal, are c'u ri k'inomal banowinak chawe chi caban nimal.

Ri Daniel 11:11

Ri ch'äcanic ri cäquiban ri ajch'ojab ri quepe pa riquiak'ab elebal k'ij sibalaj cuyac na royowal ri ajawinel ri c'o pa u mox elebal k'ij, quel c'u na bic wa' che u tijic u chuk'ab cuc' ri q'uialaj ajch'ojab ri e c'ulel. Cäch'äcan c'u na paquiwi', chnimalaj conojel.

Ri Daniel 11:13

Ri ajawinel ri c'o pa riquiak'ab elebal k'ij cumulij chi c'u jumulaj ajch'ojab, ri c'o na qui q'uial chuwäch ri nabe, chuquieb oxib junab chi c'ut cäbe chi che qui ch'äquic ri e c'o pa u mox elebal k'ij e ruc'am bic q'uialaj ajch'ojab ri cuc'am bic qui ch'ojibal.

Ri Daniel 5:23

Man je ta c'u banom la, xane' etz'ben c'u la u wäch ri Ajawaxel aj caj, xtak c'u la qui c'amic tak ri kumubal xukuje' ri nimak tak lak re ri rachoch ri Dios, junam c'ut cuc' ri e ula' la, e kumum la u wa'l uva, e quik'ijilam c'ut ri diosib ri e re k'an puak, sak puak, k'an ch'ich', räx ch'ich', che' xukuje' abaj; e diosib wa' ri man queca'y taj mawi quetanic, mawi c'o jas queta'm. Man c'u ne k'ijlan ta la ri Dios ri c'o wi ri c'aslemal la, che c'u cäpe wi ronojel ri cäban la.

Ri Daniel 8:25

Rumal ri itzel u nawinic, ri e u subunic cäch'äcan na. Cänoj na che nimal, e q'uia winak c'ut ri qui jiquiban qui c'u'x man c'o ta cäquinabej quebucämisaj na ruc' ri qui chac ri quieb qui wäch aj jachinelab, cuk'atij na u wäch ri nim u banic paquiwi' ri nimak qui banic, cäsachisax c'u na u wäch rumal.

U Camulixic ri Pixab 8:14

Miban nimal mawi mäsach ri Ajawaxel ri i Dios pa i jolom ri xixresaj ulok pa Ejipt, jawije' xixc'oji' wi na che patanijic;

1 Timoteo 3:6

Rajawaxic chi man c'ac' cojonel taj, rech munimarisaj rib, makaj ne ri c'okonic puwi' jas ri xkaj puwi' ri itzel.

1 Pedro 5:5

Xukuje' ri ix ri c'ä ix ac'alab k'apoj, c'ojolab, chiya' iwib pa takic chque ri quetakan pa ri comon cojonelab. Iwonojel chipatanila' iwib, minimarisaj iwib. Rumal rech chi cubij: “Ri Dios quebuc'ulelaj ri winak ri nimak cäquina' quib, cuban c'u tok'ob chque ri e mach'amoj.”