Ri Daniel 11:10 - Quiché Bible

¹⁰ E are' c'u ri e u c'ojol ri ajawinel ri c'o pa ri riquiak'ab elebal k'ij, quequisuc'umaj na quib che u banic ri ch'o'j, quequicolomaj c'u na ajch'ojab. Jun chque e rachil ri q'uialaj rajch'ojab, coc na che u ch'äquic ri aj mox elebal k'ij; cusachisaj c'u u wäch ronojel jacha' ri cuban jun nima' ri cäpulinic; cutakej c'u ch'äcanic c'ä copan na chunakaj ri rachoch ri ajawinel ri c'o pa u mox elebal k'ij.

Ri Daniel 11:10 ပူးပေါင်းရင်းမြစ်များ

Ri Isaiy 25:12

Ri Ajawaxel cut'akij na ri cowilaj tak u tapia ri sibalaj naj e elinak chicaj quebuwulij na, quebuq'uiak na cho ri ulew.

Ri Jeremiy 51:42

Ri plo xubik' ri Babilon, xuch'uk cuc' ri nimak tak u rekbala'.

Ri Daniel 11:22

Kas cuq'uis na tzij paquiwi' tak ri chuk'ab ri cäcaj quech'äcan puwi', xukuje' ne ri xc'amow u be ri c'ulwächinic cucämisaj na.

Ri Daniel 11:26

Kas e are' tak ri querulaj che u tijic qui wa ruc' pa ri kas u mexa, e are quesuc'uman ri u ch'äctajic, quech'äctaj c'u na ri rajch'ojab sibalaj c'u e q'ui ri rach'ojab quecäm na.

Ri Daniel 11:7

Jun c'u aj ralaxic cäch'ojin na cuc' ri ajch'ojab ri aj riquiak'ab elebal k'ij, coc c'u na pa ri rachoch ri ajawinel e are' tak c'ut ri rajch'ojab quetakan na puwi' ri c'ulmatajic.

Ri Daniel 11:9

ri ajawinel ri c'o pa riquiak'ab elebal k'ij cutzucuj u ch'äquic ri u mox elebal k'ij, man cäticar taj cätzelej c'u na pa rakan.

Ri Daniel 9:26

Aretak oc'owinak chi oxc'al quieb (62) wukutak k'ij quesax na ri u c'aslemal ri ajawinel ri cha'om. Ri Jerusalen xukuje' ri rachoch Dios cäsachisax na qui wäch cumal ri u winak jun ajawinel ri cäpe na. Ri q'uisbalil cäpe na jacha' jun bik'tajic, c'ä chuq'uisbalil c'ut cätaken na ri ch'o'j xukuje' ri sachoj tak wächaj ri e yo'm qui bixic chi quebanic.