Ri Daniel 10:16 - Quiché Bible

¹⁶ Xak c'ätetal c'u xpe jun ri cäjunamataj ruc' jun rija'l winak xuchap ri qui chi' ri nu chi'. Xinbij c'u che ri c'o chnuwäch: “Ajawaxel, we c'utwächinic ri' c'axc'obisam canok, resam ri nu chuk'ab.

Ri Daniel 10:16 ပူးပေါင်းရင်းမြစ်များ

Elem 4:10

“¡Ay, Ajawaxel!” xcha' ri Moises. “Ri in man quincuin taj quinch'awic, man c'äte ta re iwir wa' mawi c'ä re ta camic ri cätajin catzijon la ruc' we pataninel ech la ri', xane' ojer ulok wa'. Aretak quintzijonic, quinmemetic.”

Elem 4:13

Ri Moises xucoj u chuk'ab che u bixic, xubij: “Tok'obisaj la nu wäch, Ajawaxel, bana' la tok'ob, taka' la bic jachin jun winak chic.”

Ri Tzijonel 1:18

Kas c'u ne tzij, we c'o nimalaj no'j, e c'o na nimalaj latz'; we nim na ri etamanic, nim na ri c'ax.

Ri Isaiy 6:7

xunak ri nu chi' ruc' ri k'ak' xubij c'u chwe: “Chawilampe', we rachak k'ak' ri' e u nakom ri a chi'. Ri awetzelal estajinak chic chawe, ri a mac e sachtajinak chic.”

Ri Jeremiy 1:9

Xuyuk c'ut ri Ajawaxel ri u k'ab, xunak ri nu chi' xubij c'u chwe:

Ri Ezequiel 1:26

Puwi' ri wocowic xinwil jun jasach jacha' jun tem re ajawibal ri je ta ne cäpe ri je'licalaj räx abaj ri zapir, puwi' c'u we tem re ajawibal ri' c'o jun jasach ri je ta ne u banic jun winak.

Ri Ezequiel 3:27

Aretak c'u c'o jas quinwaj quinbij chawe, quintzelej ri a ch'abal, cabij c'u na chque: ‘Are wa' cubij ri Ajawaxel.’ Jachin c'ut ri caraj cutatabej, cutatabej na', jachin c'ut ri man caraj taj, man cutatabej taj. Rumal rech chi e jun tinimit ri man ch'abexic ta cäcaj.”

Ri Ezequiel 33:22

Pa ri chak'ab ri c'ä maja' copan ri animajininak ulok, ri Ajawaxel, u yo'm ulok ri u k'ab panuwi', chupam, c'u ri u sakaribal, aretak xul ri winak, ri Ajawaxel xutzelej ri nu ch'abal xintanaba' ri memal.

Ri Daniel 12:8

Ri in xintatabej ri cubij, man c'o ta c'u jas xinch'obo. Xinc'ot c'u u chi', xinbij che: ‘Ajawaxel, ¿jas ri cäc'ulmataj na aretak cäbantaj ronojel wa?’ xincha' che.

Ri Daniel 4:19

Are c'u ri Daniel, ri cäbix Beltsasar che, xcanaj jok'otaj che chomanic, u xibim rib cumal tak ri chomanic ri xepe pa u jolom. Are c'u ri in, ri ajawinel xinbij che ri Beltsasar, ‘matoc il che ri ichic' ri nu banom, mawi che ri quel cubij.’ Ri Beltsasar xubij che ri ajawinel: ‘¡Ay, ronojel ta ri quel cubij ri ichic', chkaj ta paquiwi' ri e c'ulel la!

Ri Daniel 7:15

Ri in Daniel, xinna' chi xoc ri xe'n ib chwe; sibalaj xinoc il che ronojel ri xinwilo,

Ri Daniel 7:28

Are wa' ri u q'uisbalil ri tzijobelil. Are c'u ri in Daniel, sibalaj xinoc can il xukuje' xinsakmaquic; man c'o ta c'u jun jasach re ri c'utwächinic xinbij ta che jachin jun.”

Ri Daniel 8:15

Ri in Daniel aretak cätajin quinoc il che rilic we c'utwächinic ri' cätajin c'u quintzucuj u ch'obic jas ri quel cubij, c'äte quinwilo xtac'atob jun wächbal chnuwäch ri je ta ne cäpe jun winak,

Ri Daniel 8:17

Xkeb c'u ri are' wuc'. Ri in xinxe'j wib, xinmej c'u wib c'ä xinya' na ri nu palaj cho ri ulew, xubij c'u ri are' chwe: ‘Rija'l winak, chawetamaj chi we c'utwächinic ri' che ri q'uisbal tak k'ijol cätzijon wi'.’

Ri Daniel 8:18

Aretak cätajin cätzijon wuc', xinmejmobic, xinliq'ue can cho ri ulew; xinunak c'ut, xinuchapo xuban c'ut chi xintaq'uic

Ri Daniel 8:27

In, Daniel, xinna' chi man e c'o ta chic nu chuk'ab, q'ui k'ij xinyawajic. C'äte chi c'u xinwalijic, xintakej chi c'ut ri patanijic pa ri k'atbal tzij re ri nim tinimit. Sibalaj c'u in oquinak il che ri c'utwächinic ri wilom, man quincuin ta c'u che u ch'obic.”

Ri Daniel 9:21

Aretak cätajin quinban ch'awem ruc' Dios, ri Gabriel, ri xuc'ut rib chnuwäch nabe pa ri c'utwächinic, cärapapic xopan wuc' jawije' ri in c'o wi. Xa' col man pa ri jok'otaj ri cächi'x ri tabal tok'ob chuwäch ri Dios re ri benabal k'ij.

Ri Lucax 1:64

Chanim xtzelej ri u ch'abal ri Zacariy, xcuinic xch'awic. Xtzijonic, xunimarisaj u k'ij ri Dios.

Ri Lucax 21:15

In quinyo'w na i tzij, in quinyo'w i no'j. Jeri' chi ri e i c'ulel man cäquirik taj jas cäquibij chiwe, man quech'äcan taj.

Ri Xuan 20:28

Ri Max xubij che: “¡Wajaw, xukuje' nu Dios!”

Ri Josue 5:14

“Mawi ri jun mawi ri jun chic,” xcha' ri achi. “In petinak jacha' che c'amal qui be ri rajch'ojab ri Ajawaxel.” Xpe c'u ri Josue xumej rib c'ä xuya' na ri u palaj cho ri ulew, xuc'ot c'u u chi': “¿Jas ri takanic cuya' ri Wajaw che we pataninel ech la ri'?”

Apocalipsis 1:13

Pa qui niq'uiajil ri wukub tzuc'ulibal, xinwil jun ri cajunamataj ruc' jun rija'l winak. U cojom jun ratz'iak copan c'ä chukul rakan, u cojom jun pas re k'an puak cho u c'u'x.

K'atal tak Tzij 13:8

Xubij c'u ri Mano che ri Ajawaxel: “Pa ch'awem quinbochi'n che la Ajawaxel chi catak chi la ulok jumul we achi ri' kuc', rech cubij chke ri rajawaxic cäkaban che ri alaj ala ri quebalaxok.”

K'atal tak Tzij 6:13

Ri Jedeon xutzelej u bixic che: “Cuyu' la nu mac, tat, we c'o ri Ajawaxel kuc', ¿jasche je cätajin cäkac'ulmaj wa'? ¿Jawije' c'o wi conojel tak ri mayibal ri xquitzijoj can ri e ka mam chke, xquibij c'u chke chi are ri Ajawaxel xujesan ulok pa Ejipt? Ri Ajawaxel camic uj u xutum canok, uj u jachom pa qui k'ab ri aj madianib.”

K'atal tak Tzij 6:15

Xutzelej chi c'u u bixic ri Jedeon: “Jumul chic cuyu' la nu mac, tat, ¿jas ta c'u ri quinban na che qui to'ic ri aj israelib? Ri e wachalaxic e are ri sibalaj e meba' na chquiwäch conojel ri e ramak' ri aj Manases, in c'ut ri in ch'i'p na chquixo'l conojel ri wachalal.”