Ri Daniel 10:13 - Quiché Bible

¹³ Ri tako'n aj caj ri cätoban pa ri rajawibal ri Pers xuk'atij nu wäch juwinak jun k'ij; are c'u ri Miquel, jun chque ri tako'n aj caj ri nimak qui k'ij, xpe che nu to'ic, are c'u ri in in canajinak can nu tuquel chquinakaj ri ajawinelab re Pers.

Ri Daniel 10:13 ပူးပေါင်းရင်းမြစ်များ

Ri Esdras 4:24

Rumal ri', xk'ilk'ob u banic u yaquic ri Rachoch Dios pa Jerusalen c'ä pa ri ucab junab re ri rajawinic ri Dariy re Pers.

Ri Daniel 12:1

“ ‘Pa we jok'otaj ri' cätac'atob na ri Miquel, ri tako'n aj caj to'banel ri sibalaj nim u banic ri to'banel ri cuto' na ri a tinimit. Cux na jun jok'otaj re c'axc'ol, jun jok'otaj ri man c'o ta chi jun ri junam ta ruc' tzä aretak e c'olinak ulok ri nimak tak tinimit. Aretak chupam we jok'otaj ri' quecolotaj na conojel ri winak ri e re ri a tinimit ri tz'ibatal ri qui bi' chupam ri wuj.

Efesios 6:12

Man cujch'ojin ta cuc' winak, xane' cuc' itzel tak uxlabal ri e c'o pa ri caj, ri c'o qui takanic xukuje' qui cuinem puwi' we uwächulew ri' re ri k'eku'm, xukuje' quetakan puwi'.

Colosenses 2:10

Are c'u ri ix ix nojinak rumal rech chi ix junatal pa ri Crist, ri are' ri c'o u takanic paquiwi' conojel ri c'o qui cuinem xukuje' qui takanic.

1 Tesalonicenses 2:18

Rumal ri' xkatzucuj jas xkabano rech cujopan iwuc' che i solixic. In wa', ri Pawl, q'ui mul xintzucuj jas quinbano rech cujopan iwuc'. Are c'u ri Satanas xujuk'atij.

1 Pedro 3:22

Ri benak pa ri caj, c'o pa ri u wiquiak'ab ri Dios. Conojel c'u ri e tako'n aj caj, conojel ri c'o qui takanic, xukuje' conojel ri c'o qui cuinem e yo'm chi chuxe' ri u takanic ri Jesucrist.

Ri Juds 1:9

Ri Miquel, ri c'amal qui be ri tako'nib, aretak xch'ojin ruc' ri itzel xukuje' xquichomala' rij ri u cuerp ri Moises, xuxe'j rib che u yaquic mac chrij ri itzel ruc' c'axalaj tak tzij, xane xubij: “Ri Ajawaxel chatyajowok.”

Apocalipsis 12:7

Xban jun nimalaj ch'o'j pa ri caj. Are ri Miquel xukuje' ri u tako'nib aj caj xech'ojin ruc' ri dragon. Ri dragon xukuje' ri u tako'nib xech'ojinic,