Ri Daniel 10:12 - Quiché Bible

¹² Xubij c'u chwe: ‘Maxe'j awib Daniel, kas c'u pa ri nabe k'ij chi' aretak xatzucuj qui ch'obic ri c'axalaj tak jastak, xpe c'u pa awanima' ri u mach'ic awib chuwäch ri a Dios, ri are' xutatabej ri bochi'nic ri xabano. Rumal ri' in petinak in.

Ri Daniel 10:12 ပူးပေါင်းရင်းမြစ်များ

Salmib 69:10

aretak quinok'ic xukuje' man quinwa ta c'ut, caquitze'j nu wäch;

Ri Isaiy 35:4

chibij chque ri cäquixe'j quib: “¡Chichajij anima', mixe'j iwib! ¡Waral c'o wi ri i Dios che i to'ic, e are c'u ri e i c'ulel cuc'äjisaj na qui wäch jas ri takal chque!”

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Ri Isaiy 41:14

Ri Ajawaxel cujiquiba' u bixic: “Israel u tinimit ri Jacob, pune' xa at c'olic xukuje' at tuka'r, man caxe'j ta awib, in catinto'. In, ri Tastalicalaj u Dios ri Israel, in ri colol awech.

Ri Isaiy 58:9

We c'u quinasiq'uij, catinch'abej na we carak a chi' che u tz'onoxic ri nu to'banic, quinbij na chawe: ‘In c'olic ri'’. We catanaba' u banic c'ax chque ri awajil a tz'akat, we man quebatzur chic ri winak, mawi cawalijisaj jalum k'abam chquij,

Ri Isaiy 65:24

C'ä maja' c'o jas cäquitz'onoj chwe, in nu yo'm chi chque ri cäcaj c'ä maja' cäq'uis ri qui tzij, ri in nu tom chic ri cäquibij.

Ri Daniel 10:11

Xubij c'u chwe: ‘Daniel, ri cälok'ok'ex rumal ri Dios, kas utz u tatabexic chabana' ri quenbij chawe: Chatwalijok,; in takom c'u ulok awuc'.’ Xuwi c'u xq'uistaj qui bixic tak we tzij ri' rumal, ri in quinbirbitic, xintaq'ui'c.

Ri Daniel 10:19

xubij c'u chwe: ‘Maxe'j awib mawi matoc il. Ri Dios catulok'ok'ej; ¡chachajij anima' chc'ol c'u a chuk'ab! Aretak cätajin cätzijon wuc', xinna' chi xpe chajin anima' chwe, xinbij c'ut: Ajawaxel tzijom la wuc', e tzelem c'u la ri nu chuk'ab.’

Aj Levitib 16:29

Jun pixab wa' chiwe ri quitakej u banic: pa ri lajuj rajilabal ri uwuk ic', rajawaxic man quixwa' taj, xukuje' man c'o ta jun chac quibano, mawi ri man e i winakil taj ri e jekel chixo'l.

Aj Levitib 16:31

K'ij wa' re uxlanem chiwe, rajawaxic man quixwa' taj, pixab wa' ri quitakej u banic.

Ajilanic 29:7

“Chupam ri ulajuj k'ij re ri kas uwuk ic', xukuje' ix quiban jun tastalicalaj mulin ib. Man quixwa' ta pa we k'ij ri', man c'o ta jun u wäch chac qui bano.

Ri Matey 28:10

Xubij c'u ri Jesus chque: “Mixe'j iwib. Jix. Chiya' u tzijol chque ri wachalal, rech quebe pa Galiley. Chila' c'ut quinquil wi na.”

Ri Matey 28:5

Xch'aw ri tako'n aj chicaj, xubij chque ri ixokib: “Mixe'j iwib. Weta'm chi are quitzucuj ri Jesus, ri xripic.

Marcos 16:6

Ri c'ojol ala xubij chque: “Mixe'j iwib. Ri ix quitzucuj ri Jesus aj Nazaret, ri xrip cho ri ripibal. Xc'astaj c'u bic ri are'. Man c'o ta chi waral. Chiwilampe' ri c'olbal ri xya' wi.

Ri Lucax 1:13

Ri tako'n aj caj xubij che: “Zacariy, maxe'j awib. Ri a bochi'nic xtatajic. Ri awixokil Elisabet cäralaj na jun a c'ojol. Xuan ri u bi' cacoj na.

Ri Lucax 1:30

C'äte c'u ri' ri tako'n aj caj xubij che: “Mariy, maxe'j awib. Ri at a rikom ri u tok'ob ri Dios.

Ri Lucax 2:10

Ri tako'n aj caj xubij chque: “Mixe'j iwib. Chiwilampe', quintzijoj ri utzalaj tak tzij re nimalaj quicotemal chiwe, ri cäyataj na chque conojel ri winak.

Ri Lucax 24:38

Xubij c'u ri Jesus chque: “¿Jasche cäk'oxow ri iwanima'? ¿Jasche ixeniwib? ¿Jasche c'o quieblan c'uxaj pa ri iwanima'?

Hechos 27:24

Xubij c'u chwe: ‘Maxe'j awib, Pawl. Rajawaxic chi cattac'abax na chuwäch ri Sesar. Chatampe', rumal awech, ri Dios quebuto' na conojel ri e c'o awuc' pa ri nim jucub chuwäch ri cämical.’

Apocalipsis 1:17

Aretak xinwilo, xintzak chquiwäch ri rakan jacha' jun cäminak. Ri are' c'ut xuya' ri u k'ab re u wiquiak'ab panuwi', xubij: “Maxe'j awib. In ri' ri nabe xukuje' ri q'uisbal.