Ri Daniel 10:1 - Quiché Bible

¹ Pa ri urox junab re ri rajawinic ri Sir ri aj Pers, ri Daniel ri cäbix Beltsasar che, xril jun kas k'alajisanic ri sibalaj c'ax u ch'obic ri quel cubij. Are c'u ri Daniel xucoj ronojel ri u no'j che u ch'obic, xcuin c'u che u ch'obic ri quel cubij ri k'alajisanic ri xya' che.

Ri Daniel 10:1 ပူးပေါင်းရင်းမြစ်များ

Chapletajic 41:32

We camul xban la ri ichic', are cubij wa' chi ri Dios kas cuban ri u chomam, cuban c'u chanim.

Ucab Tzijobelil 36:22

Pa ri nabe junab re ri rajawinic ri Sir, ajawinel re Pers, rech c'u cätz'akat ri u tzij ri Ajawaxel ri xuya' u bixic ri Jeremiy, ri Ajawaxel xutakchi'j ri Sir rech cuya' u bixic pa ronojel ri rajawibal, cumal tzij xukuje' cumal tz'ibam, we takanic ri':

Ri Esdras 3:7

Xya' c'u ri puak chque ri yacal tak ja xukuje' chque ri ajanelab, wa, uq'uia' xukuje' aseit chque ri winak aj Tir xukuje' aj Sidon, rech c'ä pa ri Libano quec'am wi ulok che' re chacalte' puwi' ri plo queyok c'ä pa Jop, je c'u wa' ri xuya' ri Sir, ajawinel re Pers, chi caquibano.

Ri Esdras 4:3

Are c'u ri Zorobabel, ri Jexu xukuje' ri e jule' chic c'ämal tak qui be ri jujun tak ja winak aj israelib xquitzelej u bixic chque: “Man ya'tal ta chke chi cujito' ta che u banic u yaquic chi jumul ri Rachoch ri ka Dios, xak xuwi ri uj ka tuquiel cäkaban na u banic u yaquic che ri Ajawaxel, ri Dios re Israel, je c'u wa' ri takanic ri u yo'm ri Sir chke, ri ajawinel re Pers.”

Ri Esdras 4:5

Xquiban c'u u pa qui k'ab ri e k'atal tak tzij, we winak ri' xequicoj qui chuk'ab, xequik'il che u takexic u banic ri cätajin caquibano ronojel ri k'ijol ri xajawin ri Sir, ajawinel re Pers. C'ä xuchaplej na ajawinic ri Dariy, ajawinel re Pers.

Ri Esdras 6:14

Jeri' ri aj judeyib ri e c'amal tak u be ri chac xecuinic xquitakej qui banic tak ri chac ri caban u banic, je jas ri yo'm u bixic rumal ri k'axal tzij ri Hajey xukuje' ri Zacariy, u c'ojol ri Id. Xq'uis c'u u banic ri yacanic je jas ri yo'm u bixic rumal ri u Dios ri Israel, je c'ut xukuje' jas ri takanic ri u yo'm ri Sir, ri Dariy xukuje' ri Artajers, e ajawinelab re Pers.

Ri Esdras 6:3

“Pa ri nabe junab re ri rajawinic, ri Ajawinel Sir xtakan che u tz'ibaxic we takanic ri': ‘Che u bixic ri cäban che u banic u yaquic ri Rachoch ri Dios pa Jerusalen: Chi checoj ri e u tac'alibal chyac c'u ri ja, rech quechi'x ri tabal tak tok'ob chila'. Juwinak oxlajuj (33) bara' c'ut quebel chicaj xukuje' juwinak oxlajuj (33) c'ut bara' u wäch;

Ri Isaiy 44:28

In quinbij che ri Sir: At nu cojom che wajyuk', at catbanow na ronojel ri quinwaj xukuje' quinbij che ri Jerusalen: Ri at catyac chi na jumul che c'u ri rachoch Dios: quecoj chi na ri e a tac'alibal.”

Ri Daniel 1:17

Chque we quiejeb alabom ri', ri Dios xuya' c'oxomanic xukuje' no'jinic chque rech cäquich'ob ronojel qui wäch wuj xukuje' etamanic. Ri Daniel cuch'ob xukuje' ronojel u wäch c'utwächinic xukuje' ichic'.

Ri Daniel 1:21

Xcanaj c'u can ri Daniel chila' c'ä pa ri nabe junab re ri rajawinic ri Sir.

Ri Daniel 1:7

ri xq'uex ri qui bi' rumal ri c'amal be chupam ri rachoch ri ajawinel: ri Daniel xucoj Beltsasar che u bi'; ri Hananiy, Sadrac; ri Misael, Mesac; are' c'u ri Azariy, Abed-neg.

Ri Daniel 10:14

In petinak c'u che u k'alajisaxic ri cuc'ulmaj na ri a tinimit pa ri q'uisbal tak k'ijol ri quepe na, ri c'utwächinic c'ut ri awilom are' cubij we k'ijol ri'.’

Ri Daniel 11:2

Are c'u ri camic quinya' retamaxic ri kastzij chawe:’ ” “ ‘C'ä quebajawin c'u na oxib ajawinelab pa Pers, aretak c'u e oc'owinak chi wa' jun ucaj ajawinel cäcanaj pa ri takanic ri cux na nimalaj k'inom chquiwäch ri oxib. Aretak c'u cumal quech ri e u k'inomal e u rikom nimalaj cuinem, cuwalijisaj na rib che u ch'äquic ri Ajawibal pa Gres.

Ri Daniel 12:4

Are c'u ri at Daniel, chebawawaj we jastak ri' chi c'uyal, chat'ika' ri wuj c'a copan na ri q'uisbal jok'otaj. E q'uia winak quebe na jeri' quebe na jela', cäquitzucuj u q'uiyirisaxic tak ri quetamanic.’

Ri Daniel 12:9

Ri are' xutzelej u wäch ri nu tzij xubij chwe: ‘Chatakej ri a be, Daniel, e are c'ut we jastak ri' rajawaxic quecanajisax chic'uyal c'ä copan na ri jok'otaj q'uisbalil.

Ri Daniel 2:21

Ri are' quebuq'uex ri k'ijaric xukuje' tak ri k'ijol; queresaj xukuje' quebucoj tak ajawinelab, cuya' qui no'j tak ri ajno'jab xukuje' qui c'oxomabal ri quec'oxomanic.

Ri Daniel 4:8

Chuq'uisbalil xopan ri Daniel, ri cäbix Beltsasar che, che u ya'ic u k'ij ri nu dios, ri c'amom u be ri u c'aslemal rumal ri ruxlabal ri tastalicalaj Dios, je c'u u tzijoxic wa' ri nu wichic' xinban che:

Ri Daniel 5:12

c'o c'u ya' ruc' ri Daniel, ri xcoj Beltsasar che u bi', rumal ri ajawinel, jun uxlabal ri man c'o ta c'o wi ri c'o retamanic xukuje' u no'j che qui ch'obic ri quel cäquibij ri ichic', che qui k'alajisaxic ri jastak ri man e ch'obel taj. Siq'uij ba' la ri Daniel, are c'u ri are' cäyo'w na retamaxic ri tz'ibatal chuwäch ri tapia.”

Ri Daniel 5:17

Xutzelej c'u u bixic ri Daniel che: “Chcanaj ri e sipanic la uc' la, oh ajawinel, chi'j c'u la ri c'olem chupam ri nimalaj achoch la che jun winak chic. Ri in kas quink'alajisaj wi na chwäch la ri quel cäquibij ri tzij ri e c'o cho ri tapia.

Ri Daniel 6:28

Ri Daniel xutakej ruxic jun achi ri nim u k'ij pa ri rajawibal ri Dariy, xukuje' pa ri rajawibal ri Sir ri ajawinel pa Pers.

Ri Daniel 8:16

xinta' c'u u ch'abal jun winak ri petinak pa ri nima' Ulay, ri je xubij wa': ‘Gabriel, chak'alajisaj ri c'utwächinic chuwäch we achi ri'.’

Ri Daniel 8:26

Ri c'utwächinic que ri benak tak k'ij xukuje' can ri que tak ri ak'abibal e k'alajisam chawäch, kas c'u tzij wa'; are c'u ri at xak chc'ol pa awanima' queban c'u na wa' aretak e oc'owinak chic q'ui k'ijol.’

Ri Lucax 1:20

Chawilampe', catmemar na, man catcuin ta na cattzijonic, c'ä pa ri k'ij ri quebantaj na wa', rumal rech chi man xacoj ta ri nu tzij. Aretak cäpe ri k'ij, cäbantaj na jas ri xinbij chawe.”

Apocalipsis 19:9

Ri tako'n aj caj xubij chwe: “Chatz'ibaj: ‘Utz que ri e ula'm rech quebe pa ri wa'im re ri u c'ulanem ri Alaj Chij.’ ” Xukuje' xubij chwe: “We tzij ri' kas e u tzij ri Dios.”