Ri Daniel 1:8 - Quiché Bible

⁸ Are c'u ri Daniel xuchomaj pa ranima' chi man cutz'iloj ta rib rumal ri u tijic ri riquil xukuje' ri u wa'l uva ri caruq'uiaj ri ajawinel, xutz'onoj c'u che ri c'amal u be ri rachoch ri ajawinel chi mucoj chuk'ab che chi cutz'iloj ta rib cumal tak we wa ja' ri'.

Ri Daniel 1:8 ပူးပေါင်းရင်းမြစ်များ

Nabe Ajawinelab 5:5

Rumal ri' nu chomam u yaquic jun rachoch ri Ajawaxel ri nu Dios, jacha' ri chi'nic ri xuban che ri David, ri nu tat, aretak xubij che chi ri u c'ojol, ri cuban na che chi cajawin pa ri u c'olbal, are' ri' ri cäyacow na ri rachoch che u ya'ic u k'ij.

Salmib 106:28

Xebux c'u tak u lok'om pataninelab ri Baal-peor, xquitij quech ri tabal tak tok'ob ri xecoj chquiwäch tak ri diosib ri man c'o ta qui c'aslemal.

Salmib 119:106

Xinban jun chi'nic ri kas cäban na, quintz'akatisaj c'ut: ¡quebenbana' ri caquibij ri e suc'alaj tak colomibal la!

Salmib 119:115

¡Chinajtajisaj iwib chwe, banal tak etzelal, quinwaj c'ut quebentz'akatisaj ri e u takomal ri nu Dios!

Salmib 141:4

Najtajisaj la ri nu chomanic che ri etzelal; mäya' la chwe chi quebenban itzel tak banoj, mawi chi quinwa' ta cuc' ri e banal tak etzelal.

E C'ambal tak Tzij 23:3

Mäbe awanima' che qui tijic ri je'licalaj tak jastak, we c'u ne xa cätajin catusubu.

Ri Daniel 1:5

Ri Nabucodonosor xuya' takanic xukuje', chi chque we alabom ri' queya' ronojel k'ij ri e junam tak riquil xukuje' tak ri u wa'l uva ri quecoj chuwäch; xukuje' chi chyok oxib junab tijonic chque, aretak c'u quetz'akat wa' quecanaj che u patanixic.

Ri Daniel 5:4

Conojel cacuq'uiaj u wa'l uva quequik'ijilaj c'ut ri e diosib, ri e re k'an puak, sak puak, k'an ch'ich', räx ch'ich', che', xukuje' e re abaj.

Hechos 11:23

Aretak xopanic, xrilo chi c'o ri u tok'ob ri Dios cuc' ri cojonelab chila', xquicotic. Xebupixbej conojel chi cäquiterenej ri Ajawaxel ruc' ronojel canima', chi jic chetaken che ri Ajawaxel.

Hechos 15:20

Cubana' chi ka tz'ibaj bic chque chi chquitasa' quib maquinak apachique jasach awasim cumal ri diosib, chi man cäquiban ta macunic cuc' achijab ixokib, mequitij qui ti'jal awaj ri e jitz'itajinak, o ri e jik'inak, mawi quic'.

1 Corintios 7:37

We c'u c'o jun ri cuna' rib chi man c'o ta catakchinic, ri ya'tal che jachique ri craj cubano cuch'äc c'u ri ranima' cubij chi man cac'uli' taj, utz ri cubano.

2 Corintios 9:7

Chijujunal ba' chiya' jas ri cäpe pa iwanima', man ruc' ta bis, mawi rumal ta rech chi xa' ta cäcoj chuk'ab chiwe. Ri Dios c'ut culok'ok'ej ri cäyan ruc' quicotemal.

U Camulixic ri Pixab 32:38

ri quetijow tak ri qui xepoyil ri e i tabal tak tok'ob, quecuq'uiaj c'u ri u wa'l uva ri quichi'j chque? Chewalij che i to'ic. Chepet che iwesaxic pa qui k'ab ri i c'ulel.