Ri Daniel 1:2 - Quiché Bible

² Ri Ajawaxel xuya' c'olbal chi ri Nabucodonosor xuyut ri Joasim, xukuje' niq'uiaj chque ri e u chaconisan ri rachoch Dios. Ri Nabucodonosor, xebuc'am c'u bic ri winak ri xekaj pa u k'ab pa Babilon, xebuya' c'ut ri tastalic tak chaconisan chquixo'l ri e u k'inomal ri cachoch ri e u diosib;

Ri Daniel 1:2 ပူးပေါင်းရင်းမြစ်များ

Chapletajic 10:10

Ri e tinimit tak ri xtakan wi ri Nimrod are ri Babel, ri Erec, ri Acad, ri Calne, ri e c'o pa Sinar.

Chapletajic 11:2

Aretak c'u xebel bic pa elebal k'ij, xquirik jun lianic ri c'o pa Sinar. Chila' c'ut xejeki' wi.

Ucab Ajawinelab 24:1

Aretak cätajin cajawin ri Joasim, ri Nabucodonosor, ajawinel re Babilon, xumajij ri ulew, oxib junab c'ut xc'oji' ri Joasim chuxe' ri u takanic. Xuq'uex c'ut u chomanic xuwalijisaj c'u rib chrij.

Ucab Tzijobelil 36:5

Ri Joasim juwinak job u junab, julajuj junab c'ut xajawin pa Jerusalen. E itzel c'ut ri e u banoj ri xebuban chuwäch ri Ajawaxel ri u Dios.

Ucab Tzijobelil 36:7

Ri Nabucodonosor xebuc'am bic niq'uiaj chque ri chaconisan ri e c'o chupam ri rachoch ri Ajawaxel, xebuya' c'u chupam ri cachoch ri e u diosib ri c'o pa Babilon.

Ri Esdras 1:7

Ri ajawinel Sir, xebujach bic tak ri chaconisan ri re ri Rachoch ri Ajawaxel ri xeresaj ulok ri Nabucodonosor pa Jerusalen, xebuc'am c'u ulok xebuya' chupam ri cachoch ri e u diosib.

Ri Isaiy 11:11

Pa ri k'ijol ri' cuc'ut chi na jumul ri u cuinem ri Ajawaxel, quebumol chi na ri e u tz'akatil ri u tinimit ri e to'tajinak canok, quebutzelej ulok caquiya' can ri Asiriy xukuje' ri Ejipt, ri Patros, ri Etiopiy, ri Elam, ri Sinar, ri Hamat xukuje' tak ri tinimit ri e c'o chu chi' ri plo.

Ri Isaiy 42:24

¿Jachin xyo'w be chi ri Israel, ri u tinimit ri Jacob cäch'äctajic camajix ta c'u bic? ¿La ma ta kastzij chi are' ri Ajawaxel? Ri e are' xemacun chuwäch, man xcaj ta xquitakej ri be ri u c'utum chquiwäch rumal, mawi xquinimaj ri u tijonic.

Ri Jeremiy 25:1

Chupam ri ucaj junab ri rajawinic ri Joasim, u c'ojol ri Josiy, pa Juda, ri Ajawaxel xutak jun tzijol che ri Jeremiy ri cubij wi ri cuc'ulmaj na ronojel ri tinimit aj Juda. Are' c'u nabe junab wa' ri cajawin ri Nabucodonosor pa Babilon.

Ri Jeremiy 27:16

Xukuje' xebentzijobej tak ri e cojol tabal tok'ob xukuje' ronojel ri tinimit, xinbij chque: “Are wa' ri cubij ri Ajawaxel: ‘Minimaj ri caquibij ri e k'axal tzij ri caquijiquiba' u bixic chiwe chi chanim quetzelej ulok pa Babilon ri chaconisan tak rech ri wachoch. Wa' we quequibij chiwe xa' banoj tzij.

Ri Jeremiy 28:3

pa quieb junab c'ut quinban na chi quebeltzelex chupam we c'olbal ri' conojel ri chaconisan re ri rachoch Dios ri xebuc'am bic ri ajawinel Nabucodonosor pa Babilon.

Ri Jeremiy 35:11

Aretak c'u ri Nabucodonosor, ajawinel re Babilon, xoc che u ch'äquic we ulew ri', xkachomaj ka petic pa Jerusalen che kanimajic chquiwäch ri ajch'ojab ri aj caldeyib xukuje' ri aj siriyab; rumal ri' uj jekel camic pa Jerusalen.”

Ri Jeremiy 50:2

“Chiya' retamaxic wa', chiya' retamaxic chquixo'l ri nimak tak tinimit. Chiwalijisaj ri etal re u ya'ic tzijol; c'o mic'u' canok. Chibij: ‘¡Ri Babilon xch'äcatajic! ¡Ri dios Bel xcanaj pa q'uixbal, ri dios Marduc xch'äcatajic! ¡Ri e u diosib ri xa' e subunelab tak diosib, xecanaj pa q'uixbal xech'äctajic!’

Ri Jeremiy 51:44

“Quinc'äjisaj na u wäch ri dios Bel pa Babilon, quinban che chi cuxawaj ri u bik'om, man catzucux ta chi c'u na cumal ri nimak tak tinimit. ¡Xetzak tak ri e u nimak tak u tapia ri Babilon!

Ri Daniel 5:13

Ri Daniel xc'am ulok chuwäch ri ajawinel, xc'ot c'u u chi' rumal ri ajawinel. “¿La at ri' ri Daniel, jun chque ri aj judeyib ri xyut ulok rumal ri nu tat Nabucodonosor pa Juda?

Ri Daniel 5:18

Ri Dios aj chicaj xuya' ri ajawinic xukuje' ri nimalil, juluwem xukuje' ri nimarisabal k'ij che ri Nabucodonosor, ri tat la.

Ri Habacuc 1:16

Rumal ri' ri chapal cär quebuya' qui k'ij tak ri u c'at xukuje' tak ri e u xoc, quebuchi'j c'u tabal tak tok'ob xukuje' cuporoj c'oc' k'ol che u ya'ic qui k'ij, rumal rech chi c'o cäquitijo utz xukuje' tz'ebem.

Ri Zacariy 5:11

Ri are' xutzelej u bixic chwe: “Quequiyaca' jun achoch pa Babilon. Aretak catz'akat u banic ri achoch, caquijekeba' c'u chupam chila', puwi' jun tiq'uilibal.”

U Camulixic ri Pixab 32:30

¿Jas c'u che chi xa jun xcuin che cokataxic jun mil? ¿Jas c'u che chi xa e quieb xecuin che cokataxic lajuj mil? Xa rumal rech chi ri Ajawaxel, ri to'l iwech, xuchomaj qui jachic ri c'ulel pa i k'ab.

K'atal tak Tzij 2:14

rumal ri' ri Ajawaxel xoyowar chquij ri aj israelib, xubano chi ri eläk'omab xequeläk'aj ri jastak quech, xukuje' xech'äc cumal ri e qui c'ulel ri e c'o chquinakaj man xecuin taj xquito' ta quib pa qui k'ab.

K'atal tak Tzij 3:8

Rumal ri' xpe royowal ri Ajawaxel che qui c'ulelaxic, xebujach c'u pu k'ab ri Cusan-risataim, ajawinel aj Mesopotam. Wajxakib junab xquipatanij ri Cusan-risataim,

K'atal tak Tzij 4:2

rumal ri' ri Ajawaxel xebujach pu k'ab ri Jabin, jun ajawinel aj cananey ri cätakan pa ri tinimit Hazor. Ri c'amal qui be ri e rajch'ojab ri Jabin Sisara u bi', ri quel pa Haroset-goim.

Nabe Samuel 5:2

xquic'amo xquicoj pa ri rachoch ri dios Dagon, xquiya' c'u chuxcut ri Dagon.