Ri Daniel 1:17 - Quiché Bible

¹⁷ Chque we quiejeb alabom ri', ri Dios xuya' c'oxomanic xukuje' no'jinic chque rech cäquich'ob ronojel qui wäch wuj xukuje' etamanic. Ri Daniel cuch'ob xukuje' ronojel u wäch c'utwächinic xukuje' ichic'.

Ri Daniel 1:17 ပူးပေါင်းရင်းမြစ်များ

Nabe Ajawinelab 3:12

quinban na ri a tz'onon chwe: ri in quinya' na no'j chawe xukuje' etamanic jacha' ri man c'o ta jun rikowinak nabe chawäch mawi queburik ta na jun ri c'äte ta cäpe chi na.

Nabe Ajawinelab 3:28

Ronojel Israel xunabej ri k'atan tzij ri xuban ri ajawinel che u sachisaxic u tza'm ri ch'o'j, nim xquil wi, rumal rech chi xquilo chi are' ri Dios yowinak u no'j che u cojic ri suq'uilal.

Ucab Tzijobelil 1:10

Rumal c'u ri' ya' la nu no'j xukuje' wetamanic che u c'amic u be we tinimit ri'; rumal rech chi ¿jachin ta c'u lo ri cak'atow tzij ta na puwi' we tinimit la ri' ri sibalaj nim?”

Ucab Tzijobelil 1:12

quinya' ri no'j chawe xukuje' ri etamanic, xak c'u u wi' chic quebenya' na k'inomal chawe ronojel qui wäch tak utzilal xukuje' nimarisan tak k'ij, ri man xec'oji' ta cuc' ri ajawinelab ri xec'oji' can nabe chawäch mawi cac'oji' ta cuc' ri c'äte quepe na chawij at.”

Ucab Tzijobelil 26:5

Xucoj u chuk'ab che u nimaxic ri Dios joropa' k'ij xc'asi' ri Zacariy, ri xyo'w ri tijonic che chi nim chrila' wi ri Dios. Joropa' c'u k'ij ri xniman che ri Ajawaxel, ri are' xupok'colij.

Ri Job 32:8

Kas c'u ne kastzij ronojel winak c'o u ch'obonic, are' c'ut ri c'o ronojel u cuinem are' xyo'w ri ruxlabal che.

E C'ambal tak Tzij 2:6

Are' c'ut ri Ajawaxel cäyo'w ri no'j; ri ch'obonic ri etamanic chuchi' quebel wi ulok.

Ri Tzijonel 2:26

Je c'u wa' ri cac'ulmatajic, ri Dios cuya' no'j, etamanic xukuje' quicotemal jachin ri carilo chi takal che; are' c'ut ri cämacunic cuya' ri eka'n che chi chpok'colijok chebumulij c'u tak k'inomal rech cuya' che jachin ri caril ri Dios chi cakaj chuwäch. ¡Xukuje' wa' xa cawächibal xak lok' xa cajwax u chapic ri quiakik'!

Ri Isaiy 28:26

Ri Dios cäc'utuw chuwäch jas ri cuban che u banic.

Ri Ezequiel 28:3

¿La xa' ta pa u are c'o na a no'j chuwäch ri Danel? ¿La xa' ta pu c'o jun jasach ri ma ta catcuin che u ch'obic?

Ri Daniel 1:18

Aretak c'u xetz'akat ri k'ijol ri e u c'utum ri ajawinel rech quebec'utun ri alabom chuwäch, ri c'amal be re ri patanijic chupam ri rachoch ri ajawinel xebuc'am bic chuwäch.

Ri Daniel 1:20

Pa conojel ri jastak ri cajwataj wi no'j xukuje' c'oxomanic, chque tak wa' xc'ot wi qui chi' rumal ri ajawinel, xeburik c'ut chi c'o na lajuj mul ri qui no'j chquiwäch ri ajk'ijab xukuje' ri ch'obonelab ri e c'o pa ri rajawibal.

Ri Daniel 1:4

alabom ri utz queca'yic, ri man c'o ta qui yab, ri c'o qui no'j xukuje' quetamanic, ri quequich'ob conojel ri jastak re ri etamanic ri takal chque chi quepatanij chupam ri rachoch ri ajawinel. Quetijox c'u wa' che ri qui ch'abal xukuje' chque tak ri qui wuj ri aj caldeyib.

Ri Daniel 10:1

Pa ri urox junab re ri rajawinic ri Sir ri aj Pers, ri Daniel ri cäbix Beltsasar che, xril jun kas k'alajisanic ri sibalaj c'ax u ch'obic ri quel cubij. Are c'u ri Daniel xucoj ronojel ri u no'j che u ch'obic, xcuin c'u che u ch'obic ri quel cubij ri k'alajisanic ri xya' che.

Ri Daniel 2:19

Pa ri ak'ab ri' ri awatalic xc'utunisax chuwäch ri Daniel pa jun c'utwächinic, rumal c'u wa' ri Daniel xutewichi'j ri Dios ri c'o pa ri caj

Ri Daniel 2:21

Ri are' quebuq'uex ri k'ijaric xukuje' tak ri k'ijol; queresaj xukuje' quebucoj tak ajawinelab, cuya' qui no'j tak ri ajno'jab xukuje' qui c'oxomabal ri quec'oxomanic.

Ri Daniel 2:23

Che la, qui Dios ri e nu mam, quinya' maltioxinic che la xukuje' quink'ijilan che la, rumal rech chi banom la aj no'j chwe xukuje' aj chuk'ab; camic yo'm la retamaxic ri ka tz'onon che la: c'utum la chkawäch ri oquinak wi il ri ajawinel.”

Ri Daniel 2:30

Xukuje' chwe in k'alajisam wi we c'utalic ri', man xak ta c'u rumal chi c'o ta na u wi' ri wetamanic chquiwäch conojel ri achijab, xane' rech quink'alajisaj chwäch la ri quel cubij ri ichic', je c'u ri' cacuin la che qui ch'obic tak ri chomanic ri e petinak pa jolom la.

Ri Daniel 4:6

Xinya' c'u takanic chi quepe conojel ri ajno'jab aj babilonib rech quepe che wilic, rech cäquik'alajisaj ri quel cubij ri ichic'.

Ri Daniel 5:14

Xbix chwe chi ri ruxlabal ri Dios c'o awuc', chi c'o jun sakalaj a chomanic, xukuje' chi sibalaj c'o awetamanic xukuje' a no'j.

Ri Daniel 7:1

Jun chak'ab, chupam ri nabe junab re ri rajawinic ri Belsasar pa Babilon, ri Daniel xuban jun ichic' xukuje' tak c'utwächinic. Aretak c'u xc'astajic, xebutz'ibaj ri jastak ri nimak qui banic ri xerichic'aj. Are c'u wa' ri xutz'ibaj:

Ri Daniel 8:1

“Pa ri urox u junabil ri rajawinic ri Belsasar, in Daniel, xinwil chi jun c'utwächinic, c'o wi ri' ri xinwil can nabe.

Ajilanic 12:6

ri Ajawaxel xubij chque: “Chitatabej wa' ri quinbij chiwe: Aretak c'o jun k'axal tzij chixo'l wumal in, in quink'alajisaj wib chuwäch pa tak c'utwächinic xukuje' quinch'abej pa tak ichic';

Ri Lucax 21:15

In quinyo'w na i tzij, in quinyo'w i no'j. Jeri' chi ri e i c'ulel man cäquirik taj jas cäquibij chiwe, man quech'äcan taj.

Hechos 6:10

Man xecuin ta c'u ri winak che u to'ic quib chuwäch ri u tzij, rumal rech chi yo'm u no'j rumal ri Ruxlabal ri Dios.

Hechos 7:10

Xuto'tajisaj pa ri c'axc'olil. Xuya' u no'j, xuban c'u che chi xuch'äc ri u tok'ob ri paraon; ajawinel aj Ejipt, ri xucoj ri Jose che k'atal tzij puwi' ri Ejipt xukuje' puwi' ri rachoch.

Hechos 7:22

Xtijox ri Moises che ronojel ri qui no'j ri e aj Ejipt. Ticarel c'ut pa tak ri tzij, xukuje' chque tak banoj.

Colosenses 1:9

Rumal wa' ri uj, kas pa ri k'ij ri xketamaj, man ka tanabam ta u banic ch'awem ruc' Dios piwi', xukuje' che u tz'onoxic che ri Dios chi chubana' chiwe chi ruc' tz'akatil quiwetamaj ri u rayibal chuya' c'u ronojel u wäch no'j chiwe xukuje' ch'obonic aj uxlabal.

Santiago 1:17

Ronojel utzalaj sipanic, ronojel tz'akatalaj sipanic chicaj cäpe wi. Cäkaj ulok ruc' ri Dios ri xebuban ri sakil chicaj. Ri are' man cäq'uextaj taj. Ruc' ri are' man c'o ta u nanoch' ri q'uextajic.

Santiago 1:5

We c'u c'o jun chiwe c'ä c'o cäraj ri u no'j, chuta' che ri Dios, cäyataj c'u na. Ri Dios cuya' chque conojel, man xak ta jubik' cuya'o, xukuje' aretak cäyataj rumal, man cäyok'on taj.